جب تک مسئلہ کشمیر کو حل نہیں کیا جاتا، جنوبی ایشیاء میں جنگ کے بادل منڈھلاتے رہینگے؛ صدر آزاد کشمیر
اشاعت کی تاریخ: 18th, May 2025 GMT
سٹی 42 : صدر آزاد جموں وکشمیر بیرسٹر سلطان محمود چوہدری نے کہا ہے کہ پاک افواج نے بھارت کے غرور اور جنگی جنون کو خاک میں ملایا ہے بھارت کی انتہاء پسند مودی حکومت نے جنگی جارحیت کا مظاہرہ کرتے ہوئے پاکستان اور آزادکشمیر پر حملہ کیا جس پر ہماری مسلح افواج نے منہ توڑ جواب دیتے ہوئے بھارت کے رافیل طیارے مار گرائے اور بھارت کے ائیر بیسز کو تباہ کیا جس پر پوری قوم پاک فوج کواس بہادری اور جرات پر سلام پیش کرتی ہے۔
فوڈ اٹھارٹی کا آپریشن ؛ ایک کیفے بند ، 17 کو جرمانے
ان خیالات کا اظہار صدر آزادجموں وکشمیر بیرسٹر سلطان محمود چوہدری نے سردار ذوالفقار روشن(امریکہ) اور راجہ جاوید(سوئٹزرلینڈ) سے ایوان صدر کشمیر ہاؤس اسلام آباد میں ایک تفصیلی ملاقات میں کیا۔ اس موقع پر بیرسٹر سلطان محمود چوہدری نے کہا کہ حالیہ پاک بھارت کشیدگی کے دوران ہماری پاک فوج نے جس جرات مندی اور بہادری کے ساتھ دشمن کا مقابلہ کرتے دشمن کے ناپاک عزائم کو خاکستر کیا ہے اُس پر پوری قوم مسلح افواج کو خراج تحسین پیش کرتی ہے۔
آئندہ 3 سے 6 گھنٹوں میں بارش کا امکان، الرٹ جاری
صدر آزادجموں وکشمیر نے کہا کہ پاکستان اور بھارت کے درمیان جنگ کی اصل وجہ مسئلہ کشمیر ہے جب تک مسئلہ کشمیر کو حل نہیں کیا جاتا تب تک جنوبی ایشیاء میں جنگ کے بادل منڈھلاتے رہیں گے جو کہ جنوبی ایشیاء کے امن کے لئے خطرے کا باعث ہے، اس لئے انٹرنیشنل کمیونٹی کو مسئلہ کشمیر کی حساسیت کو سمجھتے ہوئے کشمیر ایشو کا حل نکالنا ہو گا۔ انہوں نے کہاکہ پاکستان اور بھارت کے درمیان مسئلہ کشمیر پر مذاکرات سہ فریقی ہونے چاہیے کیونکہ مسئلہ کشمیرکے حقیقی فریق کشمیری عوام ہیں اور کشمیری عوام کو مذاکرات کی میز پر ساتھ بٹھانا ہو گا تاکہ اس مسئلے کا پائیدار حل نکل سکے اور خطے میں امن کا قیام ممکن ہو سکے۔
پی ایس ایل 10: ملتان سلطانز کا کوئٹہ گلیڈی ایٹرز کو 186 رنز کا ہدف
انہوں نے کہا کہ اب وقت آ گیا ہے کہ دنیا بھر میں مقیم اوورسیز کشمیریوں کو متحد و متفق ہو کر بھارتی جارحیت کو بین الاقوامی برادری کے سامنے لانا ہو گا اور بھارت کے ناپاک عزائم اور جنگی جنون کا پردہ چاک کرتے ہوئے دنیا کو بتانا ہوگا کہ مودی سرکار ہندوتوا کے نظریے پر گامزن ہو کر ہمسایہ ممالک کی سرحدوں کی خلاف ورزی کر رہی ہے اور بھارت لائن آف کنٹرول پر بے گناہ شہریوں کو بمباری کا نشانہ بنا رہا ہے۔ لہذا اوورسیز کشمیریوں کو بھارت کی ان ریشہ دوانیوں کا موثر اور جاندار انداز میں جواب دیتے ہوئے دنیا کو باور کروانا چاہیے کہ بھارت مقبوضہ کشمیر میں گزشتہ سات دہائیوں سے کشمیریوں پر ظلم و جبر کر رہا ہے اور اب لائن آف کنٹرول پر بسنے والی عام شہری آبادیوں کونشانہ بنا کر معصوم لوگوں کو بھی شہید کر رہا ہے۔
کشمیر کے لوگ پیار، محبت اور امن والے ہیں؛ شاہد آفریدی
.ذریعہ: City 42
کلیدی لفظ: اور بھارت کے مسئلہ کشمیر نے کہا
پڑھیں:
پاکستان نے بھارت کے 6 جہاز گرائے، جب بھی بات ہوگی مسئلہ کشمیر پر ہوگی، ترجمان دفتر خارجہ
ترجمان دفتر خارجہ شفقت علی خان نے کہا ہے کہ پاکستان نے بھارت کے خلاف جوابی کارروائی کرتے ہوئے 6 جنگی طیارے مار گرائے۔ دونوں ملکوں کے درمیان جب بھی بات ہو گی، اس میں مسئلہ کشمیر پر ضرور بات کی جائے گی۔ بھارت کے اقدامات بین الاقوامی قوانین کے خلاف یکطرفہ کارروائیاں تھیں۔ بھارت کا یہ تاثر درست نہیں کہ پاکستان نے مایوسی کی حالت میں جنگ بندی کے لیے کہا۔ سیز فائر کئی دوست ممالک کی وجہ سے عمل میں آئی۔
ترجمان دفتر خارجہ نے ہفتہ وار بریفننگ میں بتایا کہ بھارت مسلسل حقائق کو توڑ مروڑ کر جارحیت کی توجیہہ کر رہا ہے۔ بھارت پاکستان کے جوہری ہتھیاروں پر مسلسل اعتراضات اٹھا رہا ہے، جبکہ پاکستان ایک ذمے دار ریاست ہے۔ پاکستان کی امن کی خواہش کو اس کی کمزوری نہ سمجھا جائے۔ ہم پرامن بقائے باہمی پر یقین رکھتے ہیں۔
ترجمان نے کہا کہ ہم نے کشمیر کے معاملے پر امریکی ثالثی کی پیشکش کا خیر مقدم کیا ہے۔ جوہری رساؤ کے بارے میں تمام خبریں جھوٹی اور قابلِ مذمت ہیں۔ پاکستان اور بھارت کے ڈی جی ایم اوز 10 مئی سے رابطے میں ہیں اور فیصلہ کیا گیا ہے کہ بتدریج جنگ بندی کی جائے گی۔
چین کی جانب سے اروناچل پردیش کے علاقوں کے چینی نام رکھنے سے متعلق سوال پر ترجمان نے کہا کہ پاکستان ہمیشہ چین کی حمایت کرتا ہے۔ سندھ طاس معاہدہ یکطرفہ طور پر معطل نہیں کیا جا سکتا، اس میں ایسی کوئی شق موجود نہیں۔ بھارت پانی کو ہتھیار بنانا چاہتا ہے۔ بھارت کی جانب سے آئی ایم ایف کو لکھا گیا خط بھارت کی مایوسی کو ظاہر کرتا ہے۔
انہوں نے کہا کہ پاکستان کے دورے پر آئے برطانوی سیکریٹری خارجہ کے ساتھ ملاقاتیں جاری ہیں اور ان ملاقاتوں کے بارے میں تفصیلی اعلامیہ جاری کیا جائے گا۔ ترجمان نے کہا کہ ہم خود دہشت گردی کا شکار ہیں اور ہمارے پاس بھارت کے ملوث ہونے کے ثبوت موجود ہیں۔ دونوں ملکوں کے درمیان جب بھی بات ہو گی، اس میں مسئلہ کشمیر پر ضرور بات کی جائے گی۔
افغانستان سے متعلق ترجمان نے کہا کہ وہ ایک خود مختار ملک ہے، جس سے چاہے تعلقات رکھ سکتا ہے، ہماری صرف گزارش ہے کہ اس کی سرزمین ہمارے خلاف استعمال نہ ہو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان نے سائبر ہتھیاروں کا 10 فیصد سے بھی کم حصہ استعمال کیا