کیا آئی ایم ایف کی 11 نئی شرائط سے عوام کی مالی مشکلات میں اضافہ ہوگا؟
اشاعت کی تاریخ: 19th, May 2025 GMT
عالمی مالیاتی ادارے )آئی ایم ایف( نے 7 ارب ڈالر کے قرض پروگرام کے تحت پاکستان پر 11 نئی شرائط عائد کی ہیں جن میں بجلی کے بلوں پر عائد ڈیٹ سروسنگ سرچارج میں اضافے، 3 سال سے زیادہ پرانی استعمال شدہ گاڑیوں کی درآمد پر عائد پابندیاں ختم کرنے اور پارلیمنٹ سے آئی ایم ایف کے معاہدے کے مطابق بجٹ پاس کرانے سمیت دیگر شرائط شامل ہیں۔
وی نیوز نے معاشی تجزیہ کاروں سے گفتگو کی اور یہ جاننے کی کوشش کی کہ آئی ایم ایف کی 11 نئی شرائط سے کیا عوام کی مالی مشکلات میں اضافہ ہوگا؟
یہ بھی پڑھیں آئندہ بجٹ کی تیاریاں جاری، نان فائلرز کے لیے بُری خبر آگئی
ماہر معیشت ڈاکٹر خاقان نجیب نے ’وی نیوز‘ سے گفتگو کرتے کہاکہ پاکستان کے معاشی حالات گزشتہ چند سالوں سے ایسے تھے کہ آئی ایم ایف کے پروگرام میں شامل ہونا ضروری تھا جس وقت ہم آئی ایم ایف پروگرام میں نہیں تھے ہمارے زرمبادلہ کے ذخائر 4 ارب ڈالر تھے، جو اب 13 ارب ڈالر ہو گئے ہیں۔
انہوں نے کہاکہ آئی ایم ایف پروگرام میں جانے کے بعد پاکستان میں مہنگائی کی شرح کم ہوئی ہے، مالیاتی خسارہ بھی کم ہوا ہے، آئی ایم ایف ایک آئی سی یو کا ڈاکٹر ہے اور پاکستان کو اپنی 77 سالہ تاریخ میں 24ویں مرتبہ اس ڈاکٹر کے پاس جانا پڑا ہے اور معاشی علاج کے لیے وہ کچھ کرنا ضروری ہے جو آئی ایم ایف ہمیں ہدایات دے۔
ڈاکٹر خاقان نجیب نے کہاکہ پاکستان نے صرف ایک مرتبہ آئی ایم ایف پروگرام مکمل کیا جو 2013 سے 2016 تک کا تھا، عالمی مالیاتی فنڈ قرض دے کر ایک ہدف دیتا ہے جسے پورا کرنا ہوتا ہے، گزشتہ بجٹ میں تاجروں سے ٹیکس حاصل کرنے کا ہدف رکھا گیا لیکن تاجروں سے 50 ارب کا ٹیکس وصول نہ ہو سکا، اس کے علاوہ زرعی آمدنی پر بھی ٹیکس کے نفاذ کی بات کی گئی لیکن یہ ٹیکس بھی وصول نہیں ہو سکا۔
انہوں نے کہاکہ اب آئی ایم ایف نے زور دیا ہے کہ صوبائی حکومتیں آئندہ مالی سال کے بجٹ میں زرعی آمدنی پر ٹیکس کی وصولی کو یقینی بنائیں تو اس سے کسانوں اور زمینداروں کی مشکلات میں اضافہ ہوگا، ان کو وہ ٹیکس دینا ہوگا جو وہ کبھی نہیں دیتے تھے یا بالکل معمولی ٹیکس دیتے تھے۔
ڈاکٹر خاقان نجیب نے کہاکہ آئندہ سال کے بجٹ میں آئی ایم ایف 500 ارب کے نئے ٹیکس کا نفاذ کرنے کا ہدف دے سکتا ہے، اس ہدف کے لیے حکومت تنخواہ دار طبقے کو کسی قسم کا ریلیف نہیں دے سکے گی، ایک ہی صورت میں ریلیف ممکن ہے کہ ملک بھر میں یکساں ٹیکس کا نظام لاگو ہو، حکومت ریٹیلرز پر ٹیکس عائد کرتی ہے تو تاجر احتجاج کرتے ہیں اور ٹیکس عائد ہی نہیں ہو سکتا۔
انہوں نے کہاکہ ریئل اسٹیٹ سیکٹر بھی مکمل ٹیکس ادا نہیں کرتا، اگر تمام شعبوں پر یکساں ٹیکس عائد ہو جائے تو ہو سکتا ہے کہ عوام خصوصاً تنخواہ دار طبقے کو ریلیف مل جائے۔
ماہر معیشت شہباز رانا کے مطابق آئی ایم ایف نے 7 ارب ڈالر کے قرض کی قسط کے لیے پاکستان پر مزید 11 شرائط عائد کی ہیں جس سے اب پاکستان پر کل شرائط کی تعداد 50 ہوگئی ہے۔
انہوں نے کہاکہ آئی ایم ایف نے آئندہ مالی سال کے بجٹ میں دفاعی بجٹ 2.
انہوں نے کہاکہ آئی ایم ایف نے صوبائی حکومتوں پر بھی ایک نئی شرط عائد کی ہے جس کے بعد نئے زرعی انکم ٹیکس قوانین لاگو کیے جائیں گے جس میں ریٹرن کی کارروائی، ٹیکس دہندگان کی شناخت اور رجسٹریشن کے لیے ایک آپریشنل پلیٹ فارم کا قیام کیا جائے گا، جبکہ اس ہدف کے لیے صوبائی حکومتوں کو آئندہ ماہ جون کے آخر تک کا وقت دیا گیا ہے۔
شہباز رانا نے بتایا کہ تیسری نئی شرط کے مطابق اب وفاقی حکومت آئی ایم ایف کی معائنہ رپورٹ کی سفارشات پر مبنی گورننس کا ایکشن پلان شائع کرے گی جس کا مقصد گورننس کی اہم کمزوریوں کو دور کرنے کے لیے عوامی سطح پر اصلاحاتی اقدامات کی نشاندہی کرنا ہے۔
شہباز رانا کے مطابق آئی ایم ایف کی چوتھی نئی شرط کے مطابق حکومت لوگوں کی حقیقی قوت خرید کو برقرار رکھنے کے لیے غیر مشروط کیش ٹرانسفر پروگرام کی سالانہ افراط زر کی ایڈجسٹمنٹ دے گی اور 2027 کے بعد کے مالیاتی شعبے کی حکمت عملی کے خاکے کی بنیاد پر ایک منصوبہ تیار کیا جائے گا اور حکومت 2028 کے بعد سے ادارہ جاتی اور ریگولیٹری ماحول کا خاکہ پیش کرےگی۔
انہوں نے کہاکہ توانائی کے شعبے میں 4 نئی شرائط متعارف کرائی گئی ہیں، توانائی کے نرخوں کو لاگت کی وصولی کی سطح پر برقرار رکھنے کے لیے اس سال یکم جولائی تک سالانہ بجلی کے ٹیرف کی ری بیسنگ کی جائے گی، اس کے علاوہ 15 فروری 2026 تک سالانہ گیس ٹیرف ایڈجسٹمنٹ کا نوٹیفکیشن بھی جاری کیا جائے گا تاکہ توانائی کے نرخوں کو لاگت کی وصولی کی سطح پر برقرار رکھا جا سکے۔
شہباز رانا نے بتایا کہ نئی شرائط کے مطابق ڈیٹ سروس سرچارج پر عائد زیادہ سے زیادہ 3.21 روپے فی یونٹ کی حد کو ختم کرنے کے لیے پارلیمنٹ سے قانون سازی بھی کی جائے گی، اور اس کے لیے بھی جون کے آخر تک کا وقت دیا گیا ہے۔
انہوں نے کہاکہ آئی ایم ایف نے یہ شرط بھی عائد کی ہے کہ پاکستان 2035 تک اسپیشل ٹیکنالوجی زونز اور دیگر صنعتی پارکس اور زونز کے حوالے سے تمام مراعات کو مکمل طور پر ختم کرنے کے لیے کی گئی اسٹڈی کی بنیاد پر ایک منصوبہ تیار کرےگا، تاہم اس ہدف کے لیے رواں سال کے آخر تک رپورٹ تیار کرنے کا وقت دیا گیا ہے۔
شہباز رانا نے کہاکہ آئی ایم ایف نے ایک اور شرط میں ہدف دیا ہے کہ استعمال شدہ موٹر گاڑیوں کی تجارتی درآمد پر عائد تمام پیداوری پابندیوں کو ختم کرنے کے لیے مطلوبہ قانون سازی پارلیمنٹ میں کی جائے گی، ان پابندیوں کے ہٹانے سے لوگوں کی گاڑیاں خریدنے کی سکت بڑھ جائے گی۔
یہ بھی پڑھیں نان فائلرز کے گرد گھیرا تنگ، اکاؤنٹ کھولنے اور گاڑی خریدنے پر پابندی کی تجویز
شہباز رانا کے مطابق نئی شرائط عائد کرنے کے علاوہ آئی ایم ایف نے پہلے کی شرائط میں بھی ایڈجسٹمنٹ کی ہے، پاکستانی حکومت کا کہنا ہے کہ اس نے دسمبر 2024 کے آخر تک 7 شرائط کے ساتھ کارکردگی کے معیار کو پورا کیا ہے جس میں مرکزی بینک کے زرمبادلہ ذخائر میں بہتری، نئے فائلرز سے ٹیکس ریٹرنز میں اصافہ جیسے اقدامات شامل ہیں، اور بیشتر اہداف دسمبر کے آخر تک مکمل کر لیے گئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئی ایم ایف پاکستانی شہری حکومت پاکستان عالمی مالیاتی ادارہ قرض پروگرام مالی مشکلات نئی شرائط عائد وی نیوزذریعہ: WE News
کلیدی لفظ: ا ئی ایم ایف پاکستانی شہری حکومت پاکستان عالمی مالیاتی ادارہ قرض پروگرام مالی مشکلات وی نیوز نے کہاکہ ا ئی ایم ایف انہوں نے کہاکہ ا ا ئی ایم ایف نے ئی ایم ایف کی ٹریلین روپے آئی ایم ایف کرنے کے لیے دیا گیا ہے کے ا خر تک ارب ڈالر کے مطابق جائے گی عائد کی کرنے کا سال کے کے بعد
پڑھیں:
ایف بی آر کو مزید ٹیکس لگانے کی ضرورت نہیں ہے: چیئرمین ایف بی آر
ایف بی آر کو مزید ٹیکس لگانے کی ضرورت نہیں ہے: چیئرمین ایف بی آر WhatsAppFacebookTwitter 0 3 November, 2025 سب نیوز
اسلام آباد(آئی پی ایس) چیئرمین ایف بی آر راشد لنگڑیال کا کہنا ہے کہ ایف بی آر کو مزید ٹیکس لگانے کی ضرورت نہیں ہے۔
اسلام آباد میں پریس کانفرنس کرتے ہوئے چیئرمین ایف بی آر نے کہاکہ ٹیکس سے متعلق بجٹ میں منظور ہونے والے اقدامات پر عمل پیرا ہیں اور ایف بی آر کو مزید ٹیکس لگانے کی ضرورت نہیں ہے۔
انہوں نے کہا کہ ایف بی آر کو تمام اداروں کا تعاون حاصل ہے، مؤثر اقدامات کے باعث ٹیکس وصولیوں میں اضافہ ہوا ہے ، ٹیکس اصلاحات میں وقت درکار ہوتا ہے۔
چیئرمین ایف بی آر کا کہنا تھا کہ وفاق سے 15فیصد اور صوبوں سے 3 فیصد ریونیو اکٹھاکرنا ہے، ریونیو کےلیے صوبوں کے اوپر اتنا دباؤ نہیں جتنا وفاق پر ہے۔
انہوں نے بتایا کہ انفرادی ٹیکس گوشوارے جمع کرانے کی شرح میں اضافہ ہواہے، ٹیکس ریٹرن فائلرزکی تعداد 49 سے بڑھ کر 59 لاکھ ہوگئی ہے جب کہ پہلی بار ٹیکس ٹو جی ڈی پی شرح میں 1.5 فیصد اضافہ ہوا ہے، ،ہمیں ٹیکس وصولی کو جی ڈی پی کے 18فیصد پر لے کر جانا ہے۔
راشد لنگڑیال نے مزید کہا کہ ٹیکس اصلاحات ایک سال میں مکمل نہیں ہو سکتی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرپاکستان کی خارجہ پالیسی ایک نئے مرحلے میں داخل ہوچکی، وزیر دفاع سونے کی قیمتوں میں پھر بڑا اضافہ، فی تولہ کتنے کا ہو گیا؟ وزیراعظم نے 27 ویں آئینی ترمیم کی منظوری کےلئے حمایت مانگی، بلاول بھٹو نے تفصیلات جاری کردیں حماس نے مزید 3 لاشیں اسرائیل کو واپس کردیں، غزہ پر بمباری سے ایک فلسطینی شہید سانحہ9 مئی؛ زمان پارک میں پولیس کی گاڑیاں جلانے کے مقدمے میں گواہ طلب ترکیہ میں غزہ امن منصوبے پر مشاورتی اجلاس آج، پاکستان جنگ بندی کے مکمل نفاذ اور اسرائیلی فوج کے انخلاکا مطالبہ کرےگا معاشی بہتری کیلئے کردار ادا نہ کیا تو یہ فورسز کی قربانیوں کیساتھ زیادتی ہوگی، وفاقی وزیر منصوبہ بندی احسن اقبالCopyright © 2025, All Rights Reserved
رابطہ کریں ہماری ٹیم
کراچی، نادرن بائی پاس پر پلاسٹک کے گودام میں آگ لگ گئی