جنرل ساحر شمشاد مرزا کی جنرل عاصم منیر کو فیلڈ مارشل بننے پر مبارکباد
اشاعت کی تاریخ: 20th, May 2025 GMT
راولپنڈی: چیئرمین جوائنٹ چیفس آف سٹاف کمیٹی جنرل ساحر شمشاد مرزا نشانِ امتیاز (ملٹری) نے چیف آف آرمی اسٹاف جنرل سید عاصم منیر کو فیلڈ مارشل کے معزز و اعلیٰ ترین رینک پر ترقی پانے پر دل کی گہرائیوں سے مبارکباد پیش کی ہے۔اپنے تہنیتی پیغام میں جنرل ساحر شمشاد مرزا نے جنرل عاصم منیر کی شاندار قیادت، غیر متزلزل عزم اور قوم کے لیے ان کی ممتاز خدمات کو زبردست خراجِ تحسین پیش کیا۔انہوں نے حالیہ کامیاب آپریشنز “معرکۂ حق” اور “بنیان مرصوص” کی کامیاب منصوبہ بندی اور قیادت کو بھی سراہا جو قومی سلامتی اور دفاع کے لیے ایک سنگِ میل کی حیثیت رکھتے ہیں۔چیئرمین جوائنٹ چیفس نے اس امید کا اظہار کیا کہ جنرل عاصم منیر کی قیادت میں افواجِ پاکستان مزید استحکام اور کامیابی کی طرف گامزن رہیں گی۔
ذریعہ: Daily Mumtaz
پڑھیں:
محسن نقوی اور کامران ٹیسوری کی فیلڈ مارشل بنائے جانے پر آرمی چیف کو مبارکباد
وفاقی وزیر داخلہ محسن نقوی اور گورنر سندھ کامران ٹیسوری نے آرمی چیف جنرل سید عاصم منیر کو فیلڈ مارشل کے عہدے پر ترقی ملنے پر مبارک باد دی ہے۔
ایک بیان میں محسن نقوی نے کہا کہ معرکہ حق میں شاندار فتح کے بعد فیلڈ مارشل کے عہدے پر ترقی عاصم منیر کا حق تھا، انہوں نے محنت، صلاحیت اور پیشہ وارانہ مہارت سے یہ مقام حاصل کیا۔
انہوں نے مزید کہا کہ عاصم منیر کی قیادت میں مسلح افواج نے دشمن کو عبرتناک سبق سیکھایا، یقین ہے فیلڈ مارشل عاصم منیر کی قیادت میں پاک فوج نئی بلندیوں تک جائے گی۔
وزیر داخلہ نے یہ بھی کہا کہ قوم دشمن کے خلاف سیسہ پلائی دیوار بن کر مسلح افواج کے شانہ بشانہ کھڑی رہی اس کا کریڈٹ جنرل عاصم منیر کو جاتا ہے، جرات، شجاعت، تدبر، حکمت اور دانش کا جو مظاہرہ جنرل عاصم منیر نے دکھایا اس کی تاریخ میں مثال نہیں ملتی۔
یہ بھی پڑھیے یہ اعزاز قوم، افواج، شہداء اور غازیوں کے نام وقف کرتا ہوں: فیلڈ مارشل عاصم منیر وفاقی کابینہ کی آرمی چیف جنرل عاصم منیر کو فیلڈ مارشل کے عہدے پر ترقی دینے کی منظوریاُن کا کہنا تھا کہ یقین ہے کہ فیلڈ مارشل عاصم منیرکی قیادت میں پاک فوج نئی بلندیوں تک جائے گی، فیلڈ مارشل عاصم منیر کی قیادت میں مسلح افواج کی مزید کامیابیوں اور کامرانیوں کے لیے دعاگو ہوں۔
گورنر سندھ کامران ٹیسوری نے بھی جنرل سید عاصم منیر کو مبارک باد دی اور کہا کہ دشمن کو شکست فاش دینے پر سپہ سالار جنرل عاصم منیر اس عہدے کے حقدار تھے۔
اُن کا کہنا تھا کہ آپریشن بنیان مرصوص میں اعلیٰ حکمت عملی آرمی چیف فیلڈ مارشل عاصم منیر کی صلاحیتوں کا واضح اظہار تھا۔
امریکی صدر کی پاکستان اور بھارت کو لڑائی روکنے کے بدلے تجارتی مراعات کی پیشکش