صدر، وزیراعظم اور وزیر داخلہ کی خضدار میں سکول بچوں کی بس پر دہشتگردانہ حملے کی مذمت
اشاعت کی تاریخ: 21st, May 2025 GMT
اسلام آباد(ڈیلی پاکستان آن لائن)صدر مملکت آصف علی زرداری، وزیراعظم شہبازشریف اور وزیر داخلہ محسن نقوی نے خضدار میں سکول بچوں کی بس پر دہشتگردانہ حملے کی شدید الفاظ میں مذمت کی ہے۔
نجی ٹی وی چینل جیو نیوز کے مطابق صدر مملکت اور وزیراعظم نے دہشتگرد حملے میں معصوم بچوں اور ان کے اساتذہ کی شہادت پر رنج و ملال کااظہارکیا ہے،صدر زرداری اور وزیراعظم شہبازشریف نے بچوں کے والدین کے ساتھ ہمدردی کااظہارکیاہے۔
وزیراعظم شہبازشریف کی ذمے داران کے فوری تعین اور انہیں قرارواقعی سزا دلوانے کی ہدایت کی،وزیراعظم نے واقعے میں زخمیوں کو ترجیحی بنیادوں پر فوری طبی امداد فراہم کرنے کی ہدایت کی۔
فرانس میں ضبط کی گئی بلوچستان کی نوادرات پاکستان کو واپس مل گئیں
ادھروزیرداخلہ محسن نقوی نے خضدار میں سکول بس پر بھارتی سپانسرڈ دہشتگردوں کے حملے کی شدید مذمت کی ہے،وزیرداخلہ نے 3بچوں سمیت5افراد کے جاں بحق ہونے پر دکھ اور افسوس کااظہارکیا،محسن نقوی نے جاں بحق افراد کے لواحقین سے دلی ہمدردی اور تعزیت کااظہارکیا۔
مزید :.ذریعہ: Daily Pakistan
پڑھیں:
عوام سے دو دن سیاست سے دور رہنے کی اپیل
سٹی42: وزیر داخلہ محسن نقوی نے صدر مملکت کی تبدیلی، نئی آئینی ترمیم کی ’افواہوں‘ کی تردید کی اور عوام سے دو دن سیاست نہ کرنے کی اپیل کی۔
وزیر داخلہ محسن نقوی نے ہفتے کے روز ایوان صدر میں تبدیلی اور نئی آئینی ترمیم متعارف کرانے کی خبروں کو محض افواہیں قرار دیتے ہوئے مسترد کردیا۔
سکھر میں صحافیوں کو وزیرداخلہ محسن نقوی سے بات کرنے کا موقع ملا تو بعض نے سازشی افواہ کو لے کر سوالات کئے وزیر داخلہ نے عوام پر زور دیا کہ وہ سوشل میڈیا کی ’افواہوں‘ کو نظر انداز کریں۔ انہوں نے عاشورہ کے احترام میں دو دن سیاست سے کنارہ کشی کی درخواست کی۔
نثار حویلی لاہور سے شبیہہَ ذوالجناح کی برآمدگی، جلوس روایتی راستوں پر رواں
کیا (صدر)آصف علی زرداری کو ہٹا کر نئی آئینی ترمیم لائی جا رہی ہے؟ ایک صحافی نے مفروضے پر مبنی افواہ کو لے کر ہائیپوتھیٹیکل پوچھا تھا۔
"سب سے پہلے، میں آپ سے درخواست کرتا ہوں کہ دو دن کے لیے سیاسی بحث سے پرہیز کریں۔ دوم، سوشل میڈیا کی افواہوں کو نظر انداز کریں۔ ہم جس اتحاد کا مظاہرہ کر رہے ہیں اس سے کچھ لوگ ناراض ہیں،" محسن نقوی نے جواب دیا۔
"کچھ لوگ پریشان ہیں جیسے پہلی بار، سیاست دان، حکومت اور ملٹری اسٹیبلشمنٹ ایک پیج پر ہیں۔ یہ عناصر گمراہ کن بیانیہ پھیلا رہے ہیں۔"
دوحہ میں حماس اسرائیل مذاکرات کی ٹیبل پھر سج گئی، اسرائیلی وفد کل جائےگا
اصل موضوع پر گفتگو
وزیر داخلہ، جنہوں نے محرم کے جلوسوں کے سیکیورٹی انتظامات کا جائزہ لینے کے لیے سکھر کا دورہ کیا تھا، کہا کہ ہفتہ کو ملک بھر میں تقریباً 27,00 جلوس پرامن طور پر نکالے گئے۔
محسن نقوی نے قانون نافذ کرنے والے اداروں کی کوششوں کو سراہتے ہوئے کہا کہ ملک بھر میں سیکیورٹی کے بہترین انتظامات کیے گئے ہیں۔
عاشور کے دن موسم کی فورکاسٹ؛ بارش کہاں کہاں برسے گی
سکھر میں، روہڑی کے عزاداری جلوس کو پاکستان کا سب سے بڑا اور قدیم ترین جلوس قرار دیا، جس میں تقریباً 10 لاکھ افراد کی شرکت کی توقع ہے، جبکہ اس بات کی یقین دہانی کرائی گئی کہ اس تقریب کی سہولت کے لیے سڑکوں کی کم سے کم بندشیں لاگو کی گئی ہیں۔
’سوشل میڈیا پر مذہبی اشتعال انگیزی برداشت نہیں کی جائے گی‘
وزیر داخلہ نے واضح کیا کہ سوشل میڈیا پر مذہبی اشتعال انگیزی کسی صورت برداشت نہیں کی جائے گی۔ انہوں نے کہا کہ امن و امان کو برقرار رکھنا اولین ترجیح ہے اور قانون نافذ کرنے والے ادارے فتنہ ہند کے مذموم عزائم کو ناکام بنانے کے لیے پوری طرح چوکس ہیں۔
غیر ملکی خاتون کو ہراساں کرنے والا ملزم گرفتار
محسن نقوی نے کہا کہ حکومت کی کوششوں اور سیکورٹی فورسز کی انتھک لگن سے انشاء اللہ عاشورہ پرامن رہے گا۔ انہوں نے کہا کہ دشمن کے ناپاک عزائم نہ پہلے کامیاب ہوئے اور نہ اس بار ہوں گے۔
دریں اثنا، حکومت کا کہنا ہے کہ 9 محرم الحرام کے جلوسوں اور مجالس کے لیے ملک بھر میں سیکیورٹی کے جامع انتظامات کیے گئے ہیں۔
وفاقی دارالحکومت، پنجاب، خیبرپختونخوا، بلوچستان، سندھ، آزاد کشمیر اور گلگت بلتستان میں تقریباً 2763 جلوس اور 7598 مجالس نے شرکت کی۔
پولیس نے ہنجروال سے اغوا ہونے والا بچہ چند گھنٹوں میں بازیاب کرالیا
امن و امان برقرار رکھنے کے لیے قانون نافذ کرنے والے ادارے ہائی الرٹ ہیں۔ سیکیورٹی پلان صوبائی حکومتوں کی مشاورت سے تیار کیا گیا ہے اور نفرت انگیز تقاریر یا فرقہ وارانہ اشتعال انگیزی کے حوالے سے زیرو ٹالرنس کا خیال رکھا جائے گا۔ ریئل ٹائم کوآرڈینیشن اور رسپانس کے لیے مرکزی اور صوبائی کنٹرول رومز کو فعال کر دیا گیا ہے۔
عافیہ صدیقی کیس، حکومت کا امریکی عدالت میں معاونت اور فریق بننے سے انکار