سب سے خوش اور پریشان رکھنے والی نوکریاں کونسی؟ سائنسدانوں نے بتا دیا
اشاعت کی تاریخ: 22nd, May 2025 GMT
حالیہ سائنسی تحقیق میں دنیا کی سب سے زیادہ اور سب سے کم اطمینان بخش نوکریوں کا انکشاف کیا گیا ہے۔ یہ تحقیق یونیورسٹی آف ٹارٹو، اسٹونیا کے سائنسدانوں نے کی، جس میں اسٹونین بایو بینک سے حاصل شدہ ڈیٹا کا تجزیہ کیا گیا۔ تحقیق میں تقریباً 59 ہزار افراد اور 263 پیشوں کا جائزہ لیا گیا۔
تحقیقی ٹیم نے بایو بینک کے لیے خون عطیہ کرنے والے شرکاء سے ان کی نوکری، تنخواہ، شخصیت اور زندگی سے متعلق مختلف پہلوؤں کے بارے میں سوالات کیے۔ نتائج کی روشنی میں یہ انکشاف ہوا کہ وہ نوکریاں جو زیادہ اطمینان بخش ثابت ہوئیں، ان میں مذہبی رہنما یا پادری، تحریری مواد لکھنے والے یا مصنف اور میڈیکل کے مختلف شعبہ جات سے متعلقہ پیشے شامل ہیں۔
دوسری طرف، وہ نوکریاں جن سے لوگوں میں کم اطمینان پایا گیا، ان میں باورچی خانے میں کام کرنے والے، ٹرانسپورٹ، گودام اور فیکٹری کے ورکرز، سروے انٹرویو لینے والے اور سیلز ورکرز شامل ہیں۔
مجموعی طور پر جن پیشوں میں اطمینان زیادہ پایا گیا، ان میں میڈیکل پروفیشنلز، ماہرِ نفسیات، خصوصی بچوں کے اساتذہ، شیٹ میٹل ورکرز اور شپ انجینئر شامل ہیں۔ جبکہ کم اطمینان والے پیشوں میں سیکیورٹی گارڈ، ویٹر، سیلز ورکر، میل کیریئر، کارپینٹر اور کیمیکل انجینئر شامل ہیں۔
تحقیق کی مصنفہ کیٹلین اینی کا کہنا ہے کہ ’میں نے سوچا تھا کہ نوکری کی سماجی عزت اطمینان سے زیادہ جڑی ہوگی، لیکن اس کا تعلق بہت معمولی نکلا۔‘ ان کے مطابق وہ نوکریاں جن میں انسان کو اپنی محنت کا حقیقی احساس اور مقصدیت حاصل ہو، وہ زیادہ تسلی بخش ثابت ہوتی ہیں، چاہے وہ سماجی لحاظ سے کم حیثیت رکھتی ہوں۔
تحقیق کے اہم نکات میں یہ بھی شامل ہے کہ خود مختار یا سیلف امپلائڈ افراد زیادہ مطمئن نظر آئے کیونکہ وہ اپنے کام کے دنوں اور اوقات پر کنٹرول رکھتے ہیں، جو ذہنی سکون کی ایک بڑی وجہ بنتی ہے۔
گوکہ یہ تحقیق اسٹونیا کی ہے، لیکن ماہرین کا ماننا ہے کہ اس کے عمومی نتائج دنیا کے دیگر خطوں پر بھی لاگو ہو سکتے ہیں۔ تاہم ثقافتی فرق کو مدنظر رکھنا ضروری ہے کیونکہ مختلف ممالک میں نوکریوں کا تجربہ مختلف ہو سکتا ہے۔
.ذریعہ: Daily Ausaf
کلیدی لفظ: شامل ہیں
پڑھیں:
بابر اعظم نے روہت شرما کا ریکارڈ توڑ دیا، ٹی20 میں سب سے زیادہ رنز بنانے والے بلے باز بن گئے
پاکستان کے مایہ ناز بلے باز بابر اعظم نے بھارت کے روہت شرما کو پیچھے چھوڑتے ہوئے ٹی20 انٹرنیشنل کرکٹ میں سب سے زیادہ رنز بنانے والے کھلاڑی کا اعزاز حاصل کر لیا۔
یہ سنگِ میل بابر اعظم نے جنوبی افریقہ کے خلاف 3 میچوں کی سیریز کے دوسرے ٹی20 میچ کے دوران قذافی اسٹیڈیم لاہور میں حاصل کیا۔
بابر اعظم میچ میں شرکت سے قبل 4,223 رنز کے ساتھ میدان میں اُترے تھے اور انہیں روہت شرما کے 4,231 رنز کا ریکارڈ توڑنے کے لیے صرف نو رنز درکار تھے۔
یہ بھی پڑھیے: ٹی20 میں 8ویں بار صفر پر آؤٹ، بابر اعظم نے شاہد آفریدی کا ناپسندیدہ ریکارڈ برابر کر دیا
ابتدائی اوورز میں بابر نے کور ڈرائیو کے ذریعے ایک خوبصورت چوکا لگا کر آغاز کیا، تاہم اگلی 10 گیندوں پر صرف 4 رنز بنا سکے کیونکہ ان کے اوپننگ پارٹنر صائم ایوب جنوبی افریقی بولرز پر حاوی تھے۔
بابر اعظم نے بالآخر پاکستان کی اننگز کے 12ویں اوور کی پہلی گیند پر کیپٹن ڈونووان فریرا کی گیند کو لانگ آف کی جانب کھیل کر سنگل لیتے ہوئے یہ تاریخی سنگِ میل عبور کیا۔
ٹی20 انٹرنیشنل میں سب سے زیادہ رنز بنانے والے بلے بازوں کی فہرست کچھ یوں ہے؛بابر اعظم – 4232 رنز (130 میچز)
روہت شرما – 4231 رنز (159 میچز)
ویرات کوہلی – 4188 رنز (125 میچز)
جوز بٹلر – 3869 رنز (144 میچز)
یہ بھی پڑھیے: ٹی20 کرکٹ میں 10 ماہ بعد واپسی، کیا ہمیں نئے بابر اعظم دیکھنے کو ملیں گے؟
یہ سیریز بابر اعظم کی ٹی20 ٹیم میں واپسی بھی ہے، کیونکہ وہ گزشتہ سال دسمبر میں جنوبی افریقہ کے خلاف سیریز کے بعد ٹیم سے باہر تھے۔
بابر کو ایشیا کپ 2025 کے لیے اسکواڈ میں شامل نہیں کیا گیا تھا کیونکہ ٹیم مینجمنٹ نوجوان کھلاڑیوں کو موقع دینے کی حکمتِ عملی پر گامزن تھی۔
تاہم، ایشیا کپ میں مایوس کن کارکردگی کے بعد بابر اعظم کو دوبارہ ٹیم میں شامل کیا گیا۔
اگرچہ لاہور میں دوسرے میچ میں انہوں نے ریکارڈ اپنے نام کیا، لیکن سیریز کے پہلے میچ میں وہ صفر پر آؤٹ ہو گئے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بابر اعظم ٹی20 کرکٹ
ہم انسان نہیں ہندسے ہیں