ضلعی انتطامیہ کا اجلاس، افغان مہاجرین، تجاوزات کیخلاف اقدامات کی ہدایت
اشاعت کی تاریخ: 22nd, May 2025 GMT
ڈی سی کوئٹہ مہراللہ بادینی کی زیر صدارت ضلعی افسران کا ایک اہم اجلاس منعقد ہوا، جس میں انتظامی اُمور، غیر قانونی سرگرمیوں کے تدارک اور مہاجرین سے متعلق امور پر تفصیلی غور و خوض کیا گیا۔ اسلام ٹائمز۔ ڈپٹی کمشنر کوئٹہ نے ضلعی انتظامیہ کے ذمہ داران کو غیر قانونی مہاجرین، پرائس کنٹرول، تجاوزات اور منی پیٹرول پمپس کے خلاف کارروائیاں تیز کرنے کی ہدایات دی ہیں۔ آج ڈی سی کوئٹہ مہراللہ بادینی کی زیر صدارت ضلعی افسران کا ایک اہم اجلاس منعقد ہوا، جس میں انتظامی اُمور، غیر قانونی سرگرمیوں کے تدارک اور مہاجرین سے متعلق امور پر تفصیلی غور و خوض کیا گیا۔ اجلاس میں ایڈیشنل ڈپٹی کمشنر (جنرل) محمد انور کاکڑ، اسسٹنٹ کمشنر (سٹی) عبداللہ بن عارف، اسسٹنٹ کمشنر (صدر) حمزہ انجم، اسسٹنٹ کمشنر (سریاب) سعد کلیم ظفر کے علاوہ اسپیشل مجسٹریٹس احسام الدین، حسیب سردار اور کبیر نے شرکت کی۔ ڈپٹی کمشنر کوئٹہ نے اس موقع پر ضلعی افسران کو ہدایت کی کہ انسداد تجاوزات، پرائس کنٹرول اور غیر قانونی سرگرمیوں بشمول منی پیٹرول پمپس، قصاب خانوں، ڈیری فارمز، تندوروں، پولٹری فارمز اور ناجائز منافع خوروں کے خلاف روزانہ کی بنیاد پر کارروائیاں تیز کی جائیں۔ انہوں نے تمام متعلقہ افسران کو اگلے ہفتے کے لئے ٹاسک سونپ دیئے اور روزانہ کی رپورٹس باقاعدگی سے جمع کرانے کی تاکید کی۔ اجلاس کے دوران غیر قانونی تارکین وطن کی واپسی سے متعلق ایک جامع آپریشنل پلان بھی ترتیب دیا گیا، جس پر آئندہ دنوں میں عملدرآمد کیا جائے گا۔
.
ذریعہ
ذریعہ: Islam Times
پڑھیں:
افغانوں کو شناختی کارڈ اجراء، دہشتگردوں سے مبینہ روابط، ملزموں کا ریمانڈ
کراچی (سٹاف رپورٹر) جوڈیشل مجسٹریٹ شرقی کی عدالت میں افغان شہریوں کے لیے مبینہ طور پر جعلی شناختی دستاویزات تیار کرنے کے مقدمے کی سماعت ہوئی۔ ایف آئی اے نے مقدمے میں گرفتار چار ملزم انعام الحق، فیاض احمد سانگی، جنید اور محمد عمر کو عدالت میں پیش کیا۔ تفتیشی افسر نے عدالت کو بتایا کہ ملزم افغان شہریوں کے لیے جعلی شناختی دستاویزات بنانے کی غرض سے سرکاری ریکارڈ میں رد و بدل کرتے تھے۔ عدالت نے ملزموںکو دو روزہ جسمانی ریمانڈ پر ایف آئی اے کے حوالے کر دیا۔
پاکستان نے ورلڈ کپ 2028 کیلیے براہ راست کوالیفائی کر لیا