بنگلہ دیش نے بھارت کے ساتھ دفاعی معاہدہ منسوخ کر دیا
اشاعت کی تاریخ: 23rd, May 2025 GMT
اسلام آباد (اُردو پوائنٹ ۔ DW اردو۔ 23 مئی 2025ء) بھارتی شہر کولکتہ میں قائم سمندری جہاز تعمیر کرنے والی ایک کمپنی کا کہنا ہے کہ بنگلہ دیش نے بھارت کے ساتھ بگڑتے سفارتی تعلقات کے درمیان شپ تعمیر کرنے کے 180 کروڑ بھارتی روپے سے زیادہ لاگت والے ایک بڑے دفاعی معاہدے کو منسوخ کر دیا ہے۔
گارڈن ریچ شپ بلڈرز اینڈ انجینئرز لمیٹڈ ( جی آر ایس ای) بھارتی وزارت دفاع کے تحت کام کرتی ہے۔
اسی نے بدھ 21 مئی کو اسٹاک ایکسچینج کو باضابطہ طور پر اس بارے میں مطلع کیا۔ کمپنی نے بتایا، ’’ہم آپ کو مطلع کرنا چاہتے ہیں کہ عوامی جمہوریہ بنگلہ دیش کی حکومت نے شپ بنانے کے آرڈر کو منسوخ کر دیا ہے۔‘‘بھارت نے بنگلہ دیش سے کچھ درآمدات پر پابندی عائد کر دی
منسوخ شدہ معاہدے میں بنگلہ دیش کے لیے ایک جدید سمندری ٹگ (چھوٹے جہاز) کی تعمیر شامل تھی، جو کھلے سمندروں میں لمبی دوری تک تجارتی بحری جہازوں کو کھینچنے اور بچاؤ کے کاموں کے لیے ایک خصوصی سمندی کشتی ہے۔
(جاری ہے)
واضح رہے کہ حال ہی میں بھارت نے بنگلہ دیشی کارگو کی تیسرے ممالک کو برآمدات کے لیے، جو ٹرانس شپمنٹ کی سہولیات دے رکھی تھیں، اسے منسوخ کر دیا تھا اور ڈھاکہ کی اس کارروائی کو بھارت کے حالیہ فیصلے پر جوابی کارروائی کہا جا رہا ہے۔
ڈھاکہ کی موجودہ انتظامیہ کے اہم مشیر محمد یونس نے حال ہی میں دورہ چین کے درمیان نئی دہلی کے بجائے بیجنگ کے حق میں بعض متنازعہ بیانات دیے تھے اور اسی کے رد عمل میں بھارت نے بنگلہ دیش کو دی جانے والی بندرگاہی سہولت ختم کر دی تھی۔
محمد یونس نے چین کو ایک نئے اسٹریٹجک پارٹنر کے طور پر پیش کرنے کی کوششیں کی ہیں، جس کی وجہ سے پہلے سے ہی کمزور بھارت - بنگلہ دیش تعلقات مزید پیچیدہ ہوتے جا رہے ہیں۔
بڑھتی ہوئی اس سفارتی کشمکش کے درمیان، بھارت نے گزشتہ ہفتے تیار ملبوسات اور پراسیسڈ فوڈ سمیت بنگلہ دیش کی بہت سی اشیا کی درآمدات پر اہم پابندیاں عائد کر دی تھیں۔
بھارت نے بنگلہ دیش کے لیے بندرگاہی تجارت کی سہولت ختم کر دی
بھارت کے نئے حکم کے مطابق شمال مشرق میں انٹیگریٹڈ چیک پوسٹس کے ذریعے بنگلہ دیش سے تیار شدہ ملبوسات کو بھارت میں داخلے کی اجازت نہیں دی جائے گی۔
گزشتہ برس شیخ حسینہ کی حکومت کی معزولی کے بعد سے ڈھاکہ اور نئی دہلی کے درمیان سفارتی تعلقات تناؤ کا شکار ہیں۔
بھارت بنگلہ دیش میں اقلیتوں کے خلاف ہونے والے مبینہ مظالم پر آواز اٹھاتا رہا ہے، جبکہ بنگلہ دیش بھارتی الزامات کو مسترد کرتے ہوئے یہ کہتا رہا ہے بھارت خود اپنے ملک کی اقلیتوں پر ظلم و جبر کر رہا ہے۔انقلاب کے بعد بنگلہ دیش اور بھارت کے رہنماؤں کی پہلی ملاقات
گزشتہ چند ماہ کے دوران دونوں ممالک ایک دوسرے کے خلاف متعدد اقدامات کر چکے ہیں اور دونوں میں بیانات کا سلسلہ بھی جاری ہے۔
ادارت: افسر اعوان
.ذریعہ: UrduPoint
کلیدی لفظ: تلاش کیجئے بھارت نے بنگلہ دیش منسوخ کر دیا کے درمیان بھارت کے رہا ہے کے لیے
پڑھیں:
بھارتی کھلاڑی مشکل میں پھنس گئے، خاتون سے زیادتی کا کیس دائر ہوگیا
بھارت(نیوز ڈیسک)بھارتی کرکٹر یش دیال، جو رائل چیلنجرز بنگلور (RCB) کی نمائندگی کرتے ہیں، کے خلاف جنسی استحصال کے الزام میں ایف آئی آر درج کر لی گئی ہے۔ پولیس نے منگل 8 جولائی 2025 کو اس بات کی تصدیق کی۔
یہ شکایت ایک خاتون نے درج کرائی، جس کا دعویٰ ہے کہ وہ 5 سال تک یش دیال کے ساتھ تعلق میں رہی اور اس دوران انہیں جسمانی طور پر استحصال کا سامنا کرنا پڑا۔ خاتون کا کہنا ہے کہ کرکٹر نے ان کے ساتھ اپنے تعلقات کو جنسی استحصال کے لیے استعمال کیا۔
پولیس نے ایف آئی آر درج ہونے کے بعد تحقیقات کا آغاز کر دیا ہے اور دونوں فریقین کے بیانات اور ثبوت جمع کرنے کی کوششیں جاری ہیں۔ یہ معاملہ میڈیا میں خوب سرخیوں کا باعث بن چکا ہے کیونکہ یش دیال بھارتی کرکٹ کی معروف شخصیت ہیں، خاص طور پر آئی پی ایل میں ان کی کارکردگی کے بعد۔
یش دیال نے ابھی تک عوامی طور پر ان الزامات پر کوئی تبصرہ نہیں کیا ہے، اور ان کی قانونی ٹیم کی جانب سے جلد ایک بیان جاری کیے جانے کی توقع ہے۔ رائل چیلنجرز بنگلور نے بھی اس معاملے پر خاموشی اختیار کی ہوئی ہے اور کہا ہے کہ وہ صورتحال کو قریب سے مانیٹر کر رہے ہیں۔
یہ واقعہ خواتین کے ساتھ تعلقات میں استحصال کے سنگین مسائل کی نشاندہی کرتا ہے اور جنسی استحصال کے مقدمات میں قانونی کارروائی کی اہمیت کو اجاگر کرتا ہے۔ اس کے علاوہ، یہ بھارت میں عوامی شخصیات، خاص طور پر کھیل اور تفریح کے شعبے سے تعلق رکھنے والوں کے لیے بڑھتی ہوئی نگرانی کا بھی عکاس ہے۔
تحقیقات کے جاری رہنے کے ساتھ، پولیس اور کرکٹ کی دنیا دونوں اس معاملے کی مزید پیشرفت کا انتظار کر رہے ہیں۔
پشاور: مکان میں آگ لگنے سے 4 افراد جاں بحق، 2 فائر فائٹرز کی بھی حالت غیر
پاکستان میں سونے کی قیمت میں کمی، فی تولہ کتنے کا ہوگیا؟