سعودی عرب نے 4 مواقع دیے مگر پرائیویٹ کمپنیاں حج مکمل نہ کروا سکیں، علامہ طاہر اشرفی
اشاعت کی تاریخ: 26th, May 2025 GMT
پاکستان علما کونسل کے چیئرمین علامہ طاہر اشرفی نے کہا ہے کہ سعودی عرب نے پاکستان کے پرائیویٹ حج آپریٹرز کو چار مواقع دیے تھے کہ وہ بروقت اپنا حج پراسیس مکمل کر سکیں مگر ڈیڈ لائن گزرنے تک ان مواقع سے فائدہ نہیں اٹھایا جا سکا جس کی وجہ سے پرائیویٹ کوٹہ پر حجاج متاثر ہوئے، تاہم اس حوالے سے وزیراعظم کی قائم کردہ کمیٹی کی رپورٹ کا انتظار کرنا چاہیے۔
وی نیوز کے ساتھ ایک خصوصی انٹرویو میں علامہ طاہر اشرفی نے کہاکہ پاکستان کی حکومت اور پرائیویٹ حج آپریٹرز کا معاہدہ ہوا کہ 14 فروری تک حج کے تمام عمل کو مکمل کریں گے مگر حقیقت میں اس تاریخ تک صرف 3 ہزار لوگوں کا عمل مکمل ہوا۔
یہ بھی پڑھیں حج 2025: سعودی عرب نے پاکستان کا کوٹہ بڑھا دیا، اب کتنے افراد حج کے لیے جاسکیں گے؟
انہوں نے کہاکہ اب حکومت اور پرائیویٹ سیکٹر ایک دوسرے کو الزام دیتے ہیں، پرائیویٹ حج آپریٹر نے مقدمے بازی میں ٹائم ضائع کیا۔
یاد رہے کہ اس سال بروقت درخواستیں نہ جمع کروا سکنے کی وجہ سے پاکستان کے 60 ہزار سے زیادہ حجاج حج نہیں کر سکیں گے تاہم سرکاری کوٹہ کے تمام حجاج کی درخواستیں منظور کرلی گئی ہیں۔
علامہ طاہر اشرفی نے کہاکہ سعودی ولی عہد شہزادہ محمد بن سلمان کی سوچ اور فکر ہے کہ حجاج اور زائرین کے لیے زیادہ سے زیادہ سہولیتں ہوں اور زیادہ سے زیادہ مسلمان حج اور عمرہ کے ذریعے حرمین شریفین کی زیارت کر سکیں۔ پچھلے سال ایک کروڑ 80 لاکھ لوگوں نے عمرہ کیا، اس سال اس سے بھی زیادہ ہوا۔
طاہر اشرفی نے سعودی ولی عہد چاہتے ہیں کہ حجاج کو زیادہ سے زیادہ سہولیات فراہم کی جائیں۔ اور اس حوالے سے اصلاحات بھی شروع کی ہیں، جو پوری دنیا کے لیے کی ہیں صرف پاکستان کے لیے نہیں۔
ان کا کہنا تھا کہ سعودی عرب نے ہمیں 4 مواقع دیے، ہم 12 جنوری کو گئے اور زون فائیو کی درخواست کی انہوں نے 15 دن ہمیں اور دے دیے۔
’سعودی وزیر حج اور ڈپٹی وزیر نے ہمیں وقت تو دیا مگر اس میں ہم اپنا کام مکمل نہیں کر سکے، پھر 48 گھنٹے مزید دیے گئے، تاہم ہم ناکام رہے۔‘
انہوں نے کہاکہ اب اس پراسیس کو نامکمل رکھنے پر انڈیا اور دیگر ممالک کے حجاج بھی رہ گئے۔ سعودی حکومت نے ایک نظم بنایا ہے جس کا مقصد حجاج کے لیے سہولیات اور نظام کو بہتر کرنا ہے۔
ان کا کہنا تھا کہ سعودی عرب نے پاکستان کے لیے 10 ہزار کا اضافی کوٹہ بھی وزیر خارجہ اور نائب وزیراعظم کی درخواست پر دیا۔ ’اصل میں پرائیویٹ حج آپریٹر 900 سے زیادہ ہیں اور اس میں سے 880 ایسے ہیں جو اس معاملے کو سنجیدگی سے نہیں لیتے۔‘
انہوں نے کہاکہ اب وزیراعظم نے ایک کمیٹی بنا دی ہے، اس معاملے کے لیے ہمیں اس کا انتظار کرنا چاہیے، اس کا الزام سعودی عرب پر ڈالنا قطعاً درست نہیں۔
یہ بھی پڑھیں حج اسپانسر شپ اسکیم: پاکستان غیر استعمال شدہ کوٹہ سعودی عرب کو واپس کیوں کرے گا؟
ان کا کہنا تھا کہ ولی عہد شہزادہ محمد بن سلمان کی قیادت میں سعودی عرب دنیا بھر میں اہم مقام حاصل کر رہا ہے۔ پاکستان اور انڈیا کے درمیان حالیہ سیز فائر میں بھی سعودی عرب کا کلیدی کردار رہا ہے۔
ان کا کہنا تھا کہ مسئلہ فلسطین کے حل کے لیے سعودی عرب قائدانہ کردار ادا کررہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستان پاکستان علما کونسل پرائیویٹ حج آپریٹرز حج کوٹہ سعودی عرب علامہ طاہر اشرفی وی نیوز.ذریعہ: WE News
کلیدی لفظ: پاکستان پاکستان علما کونسل پرائیویٹ حج ا پریٹرز حج کوٹہ علامہ طاہر اشرفی وی نیوز علامہ طاہر اشرفی ان کا کہنا تھا کہ طاہر اشرفی نے پرائیویٹ حج پاکستان کے نے کہاکہ انہوں نے سے زیادہ کہ سعودی کے لیے
پڑھیں:
مشہد مقدس، شیعہ علماء کونسل کے مرکزی ایڈیشنل سیکرٹری جنرل علامہ ناظر تقوی کا ایم ڈبلیو ایم کے دفتر کا دورہ
مولانا ناظر حسین تقوی نے کہا کہ ہمیں اپنے مشترکہ اہداف کے لئے باہم اکٹھا چلنے کی ضرورت ہے تاکہ پاکستان میں شیعہ کاز کو آگے بڑھانے، خصوصا امام زمانہ (عج)کے عالمی انقلاب کے لئے زمینہ ہموار کرنے کے لئے اپنی توانائیوں کو بروئے کار لا سکیں۔ اسلام ٹائمز۔ شیعہ علماء کونسل پاکستان کے مرکزی ایڈیشنل سیکرٹری جنرل علامہ سید ناظر حسین تقوی جو ان دنوں ایران کے دورے پر ہیں اُنہوں نے مشہد مقدس میں واقع دفتر مجلس وحدت مسلمین کا اپنے وفد کے ہمراہ دورہ کیا۔ مجلس وحدت مسلمین مشہد مقدس کے مسئول حجة الاسلام والمسلمین عقیل حسین خان نے مہمانوں کا استقبال کیا اور اُنہیں خوش آمدید کہا۔ مہمان وفد میں دفتر قائد ملت جعفریہ علامہ سید ساجد علی نقوی کے مسئول حجة الاسلام مولانا سید نجم الحسن جعفری، سینئر راہنما حجة الاسلام مولانا ڈاکٹر عقیل حیدر زیدی اور سابقہ مسوول حجة الاسلام مولانا سید موسی رضا نقوی بھی شامل تھے۔ پاکستان کی دونوں شیعہ ملی تنظیموں کے اہنماوں کے درمیان نہایت محبت آمیز صمیمی نشست میں مشترکات پر دوطرفہ تعاون کو آگے بڑھانے پر زور دیا گیا۔ مولانا ناظر حسین تقوی نے کہا کہ ہمیں اپنے مشترکہ اہداف کے لئے باہم اکٹھا چلنے کی ضرورت ہے تاکہ پاکستان میں شیعہ کاز کو آگے بڑھانے، خصوصا امام زمانہ (عج)کے عالمی انقلاب کے لئے زمینہ ہموار کرنے کے لئے اپنی توانائیوں کو بروئے کار لا سکیں۔ مولانا ناظر عباس تقوی نے قائد ملت جعفریہ آیت اللہ السید ساجد علی نقوی اور ناصر ملت سینیٹر علامہ راجہ ناصر عباس جعفری کی توفیقات میں اضافہ کی دعا کروائی۔
اپر کوہستان مالیاتی اسکینڈل: گرفتار پولیس اہلکار 13 روزہ جسمانی ریمانڈ پر نیب کے حوالے