کراچی: ٹریفک پولیس اہلکار کے قتل کا مقدمہ درج
اشاعت کی تاریخ: 28th, May 2025 GMT
کراچی میں مائی کلاچی روڈ پر ٹریفک پولیس اہلکار کو فائرنگ کر کے قتل کرنے کے واقعے کا مقدمہ قتل اور انسداد دہشت گردی کی دفعات کے تحت نامعلوم مسلح ملزم کے خلاف درج کرلیا گیا۔
رپورٹ کے مطابق بوٹ بیسن تھانے کے علاقے مائی کلاچی روڈ پرنامعلوم مسلح ملزمان نے فائرنگ کرکے ٹریفک پولیس اہلکار25 سالہ زین علی رضا ولد محمد ریاض کوشہید کردیا تھا اورموقع سے فرارہوگئے تھے۔
ٹریفک پولیس اہلکارکوشہید کرنے کے واقعے کامقدمہ الزام نمبر25/401 قتل اورانسداد دہشت گردی کی دفعات کے تحت سلطان آباد ٹریکف سیکشن کے سیکشن آفسرانسپکٹرمحمد طارق جاوید کی مدعیت میں بوٹ بیسن تھانے میں درج کرلیا گیا۔
مدعی مقدمہ کے مطابق مجھے ٹریفک چوکی کے انچارج دین محمد نے اطلاع دی کہ سپاہی زین علی رضا کوگولی لگی ہے اطلاع ملنے پرمائی کلاچی پھاٹک جائے وقوع پرپہنچاجہاں ریلوے پھاٹک پرتعینات ریلوے ملازم قاسم زبیرموجود تھا۔
واقعے کے بارے میں معلوم کرنے پر پتا چلا کہ اہلکار ٹریفک کو رواں دواں کرنے کے بعد فون پر بات کر رہا تھا۔
ریلوے پھاٹک قاسم زبیر نے بتایا کہ بات کرتے کرتے اہلکارزین علی رضا میرے پاس آکر بیٹھ گیاریلوے پٹری ٹاپو کی جانب سے ایک شخص پیدل آیا اوراہلکار پرآتشی اسلحے سے فائرنگ کردی۔
گولیاں لگنے سے اہلکار گرگیا اور فائرنگ کرنے والا شخص ٹاپو کی جانب فرار ہوگیا، ٹریفک اہلکار زین علی رضا شدید زخمی ہوا اوراسپتال لیجاتے ہوئے شہید ہوگیا۔
.ذریعہ: Express News
کلیدی لفظ: ٹریفک پولیس علی رضا
پڑھیں:
نوشکی: پولیو ٹیم کی سیکیورٹی پر فائرنگ، ایک پولیس اہلکار شہید
—فائل فوٹونوشکی میں انسداد پولیو ٹیم کی سیکیورٹی پر مامور اہلکاروں پر فائرنگ کی گئی ہے جس کے نتیجے میں ایک پولیس اہلکار شہید اور ایک زخمی ہوگیا۔
ڈسٹرکٹ ہیلتھ افسر کے مطابق فائرنگ کے واقعے کے بعد ڈسٹرکٹ میں انسداد پولیو مہم عارضی طور پر روک دی گئی ہے۔
ترجمان بلوچستان حکومت شاہد رند کا کہنا تھا کہ انسداد پولیو مہم ایک قومی فریضہ ہے، اس پر حملہ ناقابل برداشت ہے۔
خیبر پختون خوا کے ڈیرہ اسماعیل خان ڈویژن کے ضلع ٹانک میں آج دوسرے روز بھی پولیو ٹیم پر فائرنگ کی گئی ہے، نامعلوم دہشت گردوں کی فائرنگ سے پولیو ٹیم کی سیکیورٹی پر مامور پولیس کانسٹیبل شہید ہو گیا۔
شاہد رند نے کہا کہ یہ حملہ قومی مہم کو سبوتاژ کرنے اور خوف و ہراس پھیلانے کی سازش ہے۔
ان کا کہنا تھا کہ تخریب کاروں کے خلاف کارروائی میں مزید تیزی لائی جائے گی۔
لاہور سے پیرس کیلئے قومی ایئر لائن کی براہ راست پروازیں شروع کرنے کا اعلان