کراچی؛ گٹکا ماوا مافیا سے 11لاکھ ہفتہ وصولی کا الزام، سابق ایس ایچ او ملازمت سے برطرف
اشاعت کی تاریخ: 28th, May 2025 GMT
کراچی:
سابق ایس ایچ او سرجانی ٹاؤن کو گٹکا ماوا مافیا سے 11 لاکھ روپے ہفتہ وصول کرنے کا الزام ثابت ہونے پر ملازمت سے برطرف کر دیا گیا۔
سابق ایس ایچ او سرجانی ٹاؤن انسپکٹر غلام حسین پیرزادہ کے خلاف کرپشن کے سنگین نوعیت کے الزامات تھے، اس ضمن میں اسٹیبلشمنٹ ڈپارٹمنٹ کی جانب سے نوٹیفکیشن بھی جاری کر دیا گیا۔
نوٹیفکیشن میں بتایا گیا کہ سابق ایس ایچ او سرجانی ٹاون کے خلاف باوثوخ ذرائع سے موصول ہونے والی رپورٹس پر ڈی آئی جی ذوالفقار مہر کو انکوائری افسر نامزد کیا گیا تاکہ باقاعدہ محکمہ نامہ انکوائری کی جا سکے اور حقائق کی تصدیق کی جا سکے اور انھوں نے کچھ افسران کو تعینات کیا جنہوں نے گٹکا ماوا فروخت کرنے والوں کے حوالے سے کچھ معلومات اکٹھا کیں۔
پولیس افسران کی جانب سے دی جانے والی معلومات میں بتایا گیا کہ سابق ایس ایچ او سرجانی ٹاؤن تھانے کی حدود میں گٹکا ماوا کا کاروبار کرنے والے یاسر نامی شخص فرید، عامر، شہروز عرف باٹا، رضا، خرم مالی، خلیل ہاشم اور شیر محمد سے 11 لاکھ روپے وصول کر رہا تھا۔
سابق ایس ایچ او آرگنائزڈ جرائم پر قابو پانے میں مکمل ناکام رہا ہے، سابق ایس ایچ او کو قصور وار قرار دیگر محکمانہ کارروائی کی سفارش کی گئی جبکہ شوکاز نوٹس بھی جاری کیا گیا تھا۔ سابق ایچ او کی جانب سے شوکاز نوٹس کا جواب بھی جمع کروایا گیا تھا اور انہیں ذاتی طور پر سنا بھی گیا۔
ذاتی سماعت کے دوران، سابق ایس ایچ او کے پاس اپنے دفاع میں کہنے کے لیے کچھ بھی نہیں تھا سوائے اس کے کہ وہ مذکورہ افراد میں سے کسی کو نہیں جانتا، انکوائری آفیسر کی جانب سے سابق ایس ایچ او کو مجرم قرار دیا گیا۔
نوٹیفکیشن میں بتایا گیا کہ ایس ایچ او کی ذمہ دار پوسٹ پر تعینات پولیس افسر ہونے کے ناطے، وہ ممنوع اشیاء کی خرید و فروخت اور ایسی غیر قانونی سرگرمیوں میں ملوث افراد کے خلاف کارروائی کرنے کا پابند ہے۔ وہ ایسا کرنے میں بری طرح ناکام رہا۔
انکوائری آفیسر ڈی آئی جی انویسٹی گیشن نے مکمل انکوائری اور حقائق جمع کرنے کے بعد سفارشات دی ہیں۔ سفارشات سے اتفاق کرتے ہوئے آئی جی سندھ کے احکامات پر سابق ایس ایچ او کو میجر پنشمنٹ دے دی گئی۔
.
ذریعہ
ذریعہ: Express News
کلیدی لفظ: سابق ایس ایچ او سرجانی کی جانب سے گٹکا ماوا
پڑھیں:
آزاد کشمیر انتخابات: استحکام پاکستان پارٹی اور مسلم کانفرنس میں انتخابی اتحاد، سیٹ ایڈجسٹمنٹ پر اتفاق
آزاد کشمیر قانون ساز اسمبلی کے انتخابات سے قبل اہم سیاسی پیشرفت سامنے آئی ہے جہاں استحکام پاکستان پارٹی (آئی پی پی) اور آل جموں و کشمیر مسلم کانفرنس نے انتخابی اتحاد اور مختلف حلقوں میں سیٹ ایڈجسٹمنٹ کے اصولی فارمولے پر اتفاق کر لیا ہے۔
یہ بھی پڑھیں: آزاد کشمیر میں انتخابی عمل سبوتاژ کرنے کی کوششیں ناکام بنائیں گے، چیف الیکشن کمشنر کا واضح پیغام
یہ اتفاق رائے استحکام پاکستان پارٹی آزاد کشمیر کے صدر اور سابق وزیراعظم سردار تنویر الیاس خان اور آل جموں و کشمیر مسلم کانفرنس کے صدر و سابق وزیراعظم سردار عتیق احمد خان کے درمیان ملاقات کے دوران ہوا۔
ملاقات میں آزاد کشمیر کی مجموعی سیاسی صورتحال، آئندہ قانون ساز اسمبلی کے انتخابات اور دونوں جماعتوں کے درمیان انتخابی تعاون پر تفصیلی تبادلہ خیال کیا گیا۔
دونوں رہنماؤں نے مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی جبکہ انتخابات کے بعد بھی مشترکہ حکمت عملی کے تحت آگے بڑھنے پر اتفاق کیا گیا۔
مزید پڑھیے: تنویر الیاس کے قافلے پر حملہ، وزیراعظم آزاد کشمیر فیصل ممتاز راٹھور کی شدید مذمت
ملاقات میں فیصلہ کیا گیا کہ دونوں جماعتوں کی مشترکہ رابطہ کمیٹی جلد مختلف حلقوں میں امیدواروں کی حمایت اور سیٹ ایڈجسٹمنٹ سے متعلق حتمی اعلان کرے گی۔
سیاسی مبصرین کے مطابق اس اتحاد کو آزاد کشمیر کے انتخابات میں ایک اہم پیشرفت قرار دیا جا رہا ہے کیونکہ دونوں جماعتیں مشترکہ حکمت عملی کے ذریعے انتخابی میدان میں اپنا اثر و رسوخ بڑھانے کی کوشش کر رہی ہیں۔
مزید پڑھیں: آزاد کشمیر میں آئندہ حکومت استحکام پاکستان پارٹی کی ہوگی، تنویر الیاس کا دعویٰ
ملاقات کے موقع پر سابق معاون خصوصی سردار امتیاز شاہین، مسلم کانفرنس یوتھ ونگ کے چیئرمین سردار عثمان عتیق، کھائیگلہ پونچھ سے مسلم کانفرنس کے نامزد امیدوار ڈاکٹر عرفان اشرف، سابق امیدوار اسمبلی سردار منظور ایڈووکیٹ، سابق ڈی جی ہیلتھ سردار محمود خان، پولیٹیکل ایڈوائزر سردار افتخار رشید، ممبر میونسپل کارپوریشن باغ سردار شجاع منگول ایڈووکیٹ، سابق پولیٹیکل سیکرٹری سردار شبریز صابر، پیر عبدالقادر، سردار عفان عتیق، راجہ عبدالجبار اور اسٹاف آفیسر سردار حفیظ خان بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آل جموں و کشمیر مسلم کانفرنس کے صدر و سابق وزیراعظم سردار عتیق احمد خان استحکام پاکستان پارٹی آزاد کشمیر تنویر الیاس اور سرادر عتیق احمد کی ملاقات سابق وزیراعظم سردار تنویر الیاس خان
ٹی20 ورلڈ کپ 2026: پاکستان نے سپر 8 کے لیے جگہ پکی کر لی