کراچی: کھلے مین ہول میں گر کر 6 سالہ بچہ جاں بحق
اشاعت کی تاریخ: 28th, May 2025 GMT
کراچی میں انتظامیہ کی غفلت کے باعث کھلے مین ہول میں گر کر 6 سالہ بچہ جاں بحق ہو گیا، بچہ اپنے بھائی کے ساتھ چپس فروخت کر کے گھر واپس جا رہا تھا۔
جمشید کوارٹر میں کھلا ہوا مین ہول، جس میں روزی کما کر گھر لوٹنے والا 6 سال کا علی ایسے گرا اور ایسے ڈوبا کہ پھر اس کی لاش ہی باہر آئی۔
اس کے ساتھ چلنے والا چھوٹا بھائی عبید خوف کے عالم میں دیکھتا ہی رہ گیا۔
واقعے کے بعد علاقے کے رکنِ سندھ اسمبلی عامر صدیقی نے سندھ حکومت کو تنقید کا نشانہ بنایا۔
معصوم بچے کی ہلاکت پر رشتے دار اور علاقہ مکین بھی مشتعل دکھائی دیے۔
علاقہ مکینوں کا کہنا ہے کہ اگر ماضی میں غفلت برتنے والے افسران کے خلاف کوئی کارروائی ہو جاتی تو شاید ایسے واقعات دوبارہ رونما نہ ہوتے۔
.ذریعہ: Jang News
پڑھیں:
سندھ میں آندھی و گرج چمک کیساتھ ہلکی بارش کی پیشگوئی
کراچی میں زیادہ سے زیادہ سے درجہ حرارت 41 ڈگری سینٹی گریڈ تک تجاوز کر سکتا ہے۔ اسلام ٹائمز۔ محکمہ موسمیات نے جمعرات کے روز سندھ کے مختلف علاقوں میں آندھی اور گرج چمک کے ساتھ ہلکی بارش کی پیش گوئی کی ہے۔ محکمہ موسمیات ارلی وارننگ سینٹر نے پیشگوئی کرتے ہوئے کہا کہ آج صوبے کے زیادہ تر علاقوں میں موسم گرم، شدید گرم اور خشک رہنے کی توقع ہے، کراچی میں زیادہ سے زیادہ سے درجہ حرارت 41 ڈگری سینٹی گریڈ تک تجاوز کر سکتا ہے۔ شہر قائد میں موسم گرم و خشک اور تیز ہوائیں چلنے کا امکان ہے، بدین اور تھرپارکر میں آندھی و گرج چمک کے ساتھ ہلکی بارش ہو سکتی ہے۔
اقوام متحدہ کی سلامتی کونسل کی خضدار میں اسکول بس پر حملے کی شدید مذمت