سندھ حکومت اور کے الیکٹرک کو متنبہ کردیں کہ ہم احتجاج کی کال دینے جارہے ہیں، راجہ اظہر
اشاعت کی تاریخ: 30th, May 2025 GMT
اپنے بیان میں پی ٹی آئی کراچی کے صدر نے کہا کہ سندھ حکومت عوام کو ذہنی اذیت دے کر مارنا چاہتی ہے، ہم سندھ حکومت اور کے الیکٹرک کو متنبہ کردیں کہ ہم احتجاج کی کال دینے جارہے ہیں عوام کو ریلیف نا ملا تو کے الیکٹرک اور سندھ حکومت کے خلاف نا صرف احتجاج ہوگا یہ احتجاج انقلاب ہوگا۔ اسلام ٹائمز۔ پاکستان تحریک انصاف کراچی ڈویژن کے صدر راجہ اظہر نے کراچی کے الیکٹرک کی جانب سے بدترین لوڈ شیڈنگ پر سندھ حکومت کی مجرمانہ خاموشی پر کڑی تنقید کرتے ہوئے کہا ہے کہ کراچی اندھیرے میں، حکمران خواب خرگوش میں کے الیکٹرک اور سندھ حکومت کی مجرمانہ غفلت ناقابلِ برداشت ہے، کراچی جو ملک کی معیشت کی ریڑھ کی ہڈی ہے اس وقت اندھیروں میں ہے، سندھ حکومت اور کے الیکٹرک دونوں ایک دوسرے پر ذمہ داری ڈال کر عوام کو بیوقوف بنانے میں مصروف ہیں، کے الیکٹرک کی نااہلی اور سندھ حکومت کی خاموشی کراچی کے ساتھ کھلا ظلم ہے، کے الیکٹرک کی جانب سے 10 سے 14 گھنٹے کی غیر اعلانیہ لوڈشیڈنگ شہریوں کو ذہنی، جسمانی اور معاشی اذیت میں مبتلا کر رہی ہے، سندھ حکومت مکمل طور پر خاموش تماشائی بنی ہوئی ہے، وزیراعلی ہاؤس، سندھ سیکریٹریٹ اور بااختیار حلقے مکمل طور پر اندھوں، بہروں اور گونگوں کا کردار ادا کر رہے ہیں، کے الیکٹرک کی کارکردگی پر کبھی کوئی بازپرس نہیں کی گئی کیونکہ سندھ حکومت اس بدعنوان نظام کا حصہ بن چکی ہے، سندھ حکومت نے نہ صرف عوامی مسائل کو نظرانداز کیا بلکہ کراچی کے بنیادی انفراسٹرکچر کو بھی تباہی کے دہانے پر پہنچا دیا۔
انہوں نے کہا کہ عمران خان کے دور حکومت میں 1316 روپے فی یونٹ تھا لیکن موجودہ سندھ حکومت 3035 روپے فی یونٹ دے رہی ہے لیکن بجلی غائب صرف بل بھیجے جاتے ہیں، عمران خان دور میں 02 گھنٹے لوڈشیڈنگ تسلی بخش فوری ایکشن، موجودہ حکومت 1014 گھنٹے شدید قلت مکمل خاموشی، سوال یہ ہے کہ کیا سندھ حکومت نے کبھی کے الیکٹرک کے خلاف کوئی سنجیدہ قدم اٹھایا؟ کیا سندھ حکومت کراچی کے بجلی کے نظام کی نگرانی کر رہی ہے؟ سندھ حکومت کو کراچی کے عوام سے کتنی بار مشاورت کی ضرورت ہے؟ عوام کے ٹیکسوں سے چلنے والی حکومت صرف "بیانات" سے مسائل حل کرنا چاہتی ہے یا عملی اقدامات بھی کرے گی؟ ہمارا مطالبہ ہے کہ کے الیکٹرک کی مکمل تحقیقات کرکے اس کا کنٹریکٹ منسوخ کیا جائے۔ انہوں نے کہا کہ سندھ حکومت کو عدالت، نیپرا اور قومی فورمز پر جوابدہ بنائے کہ وہ کراچی کے شہریوں کی تکالیف پر خاموش کیوں ہے، کراچی کو وفاقی سطح پر خصوصی بجلی ریلیف زون قرار دیا جائے تاکہ معیشت کو مزید نقصان نہ ہو، بجلی کے نرخ فوری طور پر کم کئے جائیں تاکہ غریب اور متوسط طبقہ جی سکے، افسوس کی بات یہ ہے کہ سندھ حکومت نے قاتل کے الیکٹرک کے خلاف قرارداد کو اکثریت سے مسترد کردیا۔
ذریعہ
ذریعہ: Islam Times
کلیدی لفظ: کے الیکٹرک کی کہ سندھ حکومت کراچی کے
پڑھیں:
بجلی صارفین کے لیے ریلیف کا اعلان، پاور ڈویژن نے عوام کو خوشخبری سنا دی
پاور ڈویژن نے اعلان کیا ہے کہ رواں سال جون کے دوران بجلی صارفین کو فی یونٹ 20 پیسے کا خالص ریلیف ملے گا۔
اعلامیے کے مطابق ماہانہ فیول ایڈجسٹمنٹ کی مد میں 1.73 روپے فی یونٹ اضافہ جبکہ سہ ماہی ایڈجسٹمنٹ کی مد میں 1.93 روپے فی یونٹ کمی کی گئی ہے، جس کے نتیجے میں صارفین کو مجموعی طور پر 20 پیسے فی یونٹ کا فائدہ حاصل ہوگا۔
پاور ڈویژن کے مطابق جون میں بجلی کے نرخ جنوری تا مئی 2026 کے مقابلے میں برقرار رہیں گے۔
اعلامیے میں کہا گیا ہے کہ سہ ماہی ریلیف کی شرح ماہانہ اضافے سے زیادہ رہی، جس کی وجہ سے صارفین کو خالص ریلیف میسر آئے گا۔
پاور ڈویژن نے بتایا کہ ایران اور امریکا کے درمیان جنگ کے باعث عالمی توانائی منڈی شدید دباؤ کا شکار رہی اور برینٹ کروڈ آئل کی متوقع قیمت 70 ڈالر فی بیرل سے بڑھ کر 120 ڈالر فی بیرل تک پہنچ گئی۔
پاور ڈویژن کے مطابق اس صورتحال کے باوجود حکومت نے بروقت اقدامات کرتے ہوئے بجلی صارفین کو بڑے اضافی مالی بوجھ سے محفوظ رکھا۔
اعلامیے کے مطابق اپریل میں بجلی کی قیمت میں ممکنہ طور پر 5 سے 6 روپے فی یونٹ اضافے کا خدشہ تھا، تاہم حکومتی اقدامات کے نتیجے میں اس اضافے کو محدود کرکے 1.73 روپے فی یونٹ تک رکھا گیا۔ اس طرح صارفین پر تقریباً 38 ارب روپے کا اضافی بوجھ منتقل ہونے سے بچ گیا۔
پاور ڈویژن کا کہنا ہے کہ محدود لوڈ مینجمنٹ، مقامی گیس کے استعمال اور فرنس آئل کے مؤثر استعمال کے ذریعے توانائی کے بحران کا مقابلہ کیا گیا۔
مزید بتایا گیا کہ سہ ماہی ایڈجسٹمنٹ کی مد میں 1.93 روپے فی یونٹ کمی کی گئی ہے جس سے مجموعی طور پر 65 ارب روپے کا ریلیف صارفین کو ملے گا۔
اعلامیے میں کہا گیا کہ لائن لاسز میں کمی اور بجلی کی طلب میں اضافے کے باعث صارفین کو نمایاں ریلیف فراہم ہوا، جبکہ متوقع بیس ٹیرف کے مقابلے میں 46 ارب روپے کی منفی تبدیلی بھی صارفین کے حق میں گئی۔
پاور ڈویژن نے اس بات پر زور دیا کہ حکومت نے عالمی اور علاقائی سطح پر درپیش مشکلات کے باوجود بجلی کے نرخوں کو مستحکم رکھنے میں کامیابی حاصل کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بجلی صارفین پاور ڈویژن ریلیف کا اعلان عوام کو خوشخبری وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ