مائنز اینڈ منرلز بل پاس کرنیوالوں کا احتساب کرینگے، پشتونخوا میپ
اشاعت کی تاریخ: 31st, May 2025 GMT
اپنے بیان میں پشتونخوا میپ نے کہا کہ ہم فارم 47 کے ذریعے مسلط نااہل، ناکام حکومت کیخلاف برسر پیکار ہے اور ملک کی سیاسی جمہوری قوتوں کی مدد اور معاونت سے سوداگروں کو تشت ازبام کرتے ہوئے اسے مکمل ناکام بنائیں گے۔ اسلام ٹائمز۔ پشتونخوا ملی عوامی پارٹی کے مرکزی سیکرٹریٹ کے جاری کردہ بیان میں کہا گیا ہے کہ مائنز و منرلز ایکٹ پشتون اور بلوچ عوام کو اپنے وطن کی قدرتی، معدنی خزانوں سے محروم کرنے کے سوا کچھ نہیں اور بل پاس کرنیوالوں کا عوام ضرور احتساب کرے گی۔ پشتونخوا میپ فارم 47 کے ذریعے مسلط نااہل، ناکام حکومت کے خلاف برسر پیکار ہے اور ملک کی سیاسی جمہوری قوتوں کی مدد اور معاونت سے سوداگروں کو تشت ازبام کرتے ہوئے اسے مکمل ناکام بنائے گی۔ بیان میں کہا گیا کہ غیر منتخب اور غیر نمائندہ حکومت کی جانب سے لیویز فورس کے خاتمے کے نوٹیفکیشن کی کوئی قانونی اور آئینی حیثیت نہیں اور پارٹی ہر محاذ پر اس کے خلاف جدوجہد کرے گی۔ صوبے کے دور دراز علاقوں میں قائم امن لیویز فورس ہی کی مرہون منت ہے۔ پارٹی بی ایریا کو اے ایریا میں تبدیل کی ہر سازش کو ناکام بنانے اور ان کے جائز آئینی اور قانونی مطالبات میں ان کے ساتھ ہوں گی۔
بیان میں کہا گیا ہے کہ کوئٹہ شہر بازار میں پارکنگ بند کرنے سے پہلے پارکنگ پلازوں کی تعمیر ضروری تھیں، لیکن ایسا نہ کرکے کوئٹہ کے دوکانداروں کو پریشان کرکے اور عید کے موقع پر ان کی تجارت، سامان فروشی اور خریداروں کو بھی سخت مشکلات کا سامنا ہے۔ بیان میں کہا گیا ہے کہ دہشت گردی جس میں سرکاری عملے کے لوگ ملوث یا مدد گار ہے، جس کی آڑ میں بے گناہ مظلوم غریب عوام کو نشانہ بنایا جا رہا ہے، جس کے خلاف آواز بلند کرنا سیاسی جمہوری کارکنوں کی ذمہ داری ہے اور سرکاری حکومتی کردار کو بے نقاب کرتے ہوئے ان کے سدباب کے لئے پارٹی اقدامات کرے گی اور اپنے عوام کو دہشت سے نجات دلانے میں اپنا مثبت تاریخی سیاسی جمہوری کردار ادا کرے گی۔
ذریعہ: Islam Times
کلیدی لفظ: میں کہا گیا سیاسی جمہوری کرے گی
پڑھیں:
سعودی وزیر خارجہ مقبوضہ مغربی کنارے کا غیر معمولی دورہ کرینگے
فلسطین میں سعودی عرب کے سفیر نے مقامی میڈیا کو بتایا کہ بن فرحان ایک وزارتی وفد کی قیادت کریں گے، جس میں اردن، مصر اور دیگر عرب ممالک کے وزرائے خارجہ شامل ہوں گے۔ اسلام ٹائمز۔ سعودی عرب کے وزیر خارجہ فیصل بن فرحان اس ہفتے کے آخر میں مقبوضہ مغربی کنارے کا دورہ کریں گے، جس سے وہ تقریباً 60 برسوں میں اس خطے کا دورہ کرنے والے سب سے اعلیٰ سطح کے سعودی عہدیدار بن جائیں گے۔ یہ انکشاف فلسطینی اتھارٹی (پی اے) نے جمعہ کے روز کیا۔ فلسطین میں سعودی عرب کے سفیر نے مقامی میڈیا کو بتایا کہ بن فرحان ایک وزارتی وفد کی قیادت کریں گے، جس میں اردن، مصر اور دیگر عرب ممالک کے وزرائے خارجہ شامل ہوں گے۔ انہوں نے مزید کہا کہ اس دورے کا مقصد عربوں اور مسلمانوں کے لیے مسئلہ فلسطین کی مرکزی حیثیت کو اجاگر کرنا ہے۔ یہ اقدام اس دورے سے مشابہت رکھتا ہے جو بن فرحان نے اسرائیل کی غزہ پر جنگ کے ابتدائی مہینوں میں واشنگٹن کا کیا تھا، جس کا مقصد جنگ بندی کے لیے عرب ممالک کے متحدہ مؤقف کو پیش کرنا تھا۔ رپورٹ کے مطابق یہ دورہ شاید اس کوشش کا حصہ بھی ہو کہ حماس کے مقابلے میں فلسطینی اتھارٹی کو غزہ کے لیے ایک قابلِ قبول متبادل کے طور پر پیش کیا جائے، حالانکہ فلسطینی عوام میں پی اے کی مقبولیت میں شدید کمی آئی ہے۔ یہ دورہ نہایت غیر معمولی ہے۔
سندھ طاس معاہدے کی معطلی بھارت کو مہنگی پڑ سکتی ہے، عالمی جریدے نے خبردار کردیا