ہماری قربانیوں کا اصل تقاضا آج غزہ ہے، علامہ سید جواد نقوی
اشاعت کی تاریخ: 1st, June 2025 GMT
سربراہ جامعہ عروۃ الوثقیٰ کا کہنا ہے کہ ستم بالائے ستم یہ ہے کہ ہم اس نسل کشی کے مناظر کیساتھ عید منانے کی تیاریاں کر رہے ہیں، مگر لاتعلق! ہم گوشت کے ذائقے پر تبصرے کرتے ہیں، تصاویر اپلوڈ کرتے ہیں، اور جب کوئی فلسطینی بچہ خون میں لت پت زمین پر لیٹا ہوتا ہے، تو ہماری اسکرین پر سوئے ہوئے ضمیر کی طرح خاموشی چھا جاتی ہے۔ اسلام ٹائمز۔ عیدِ قربان کی مناسبت سے منعقدہ نشست سے خطاب کرتے ہوئے معروف اسلامی مفکر، سربراہ جامعہ عروۃ الوثقیٰ علامہ سید جواد نقوی نے موجودہ مسلم معاشرے کے رویے پر شدید تشویش کا اظہار کرتے ہوئے کہا کہ "دنیا بھر میں عیدِ قربان کی تیاریاں عروج پر ہیں اور پاکستان کی فضائیں بھی اس رنگ و رونق سے خالی نہیں۔ ہر شہر، ہر کوچہ، ہر گلی میں مویشی منڈیاں سج چکی ہیں، کہیں قربانی کے جانوروں کی بولیاں لگ رہی ہیں، کہیں موبائل کیمرے ان کے سینگوں اور قد و قامت کو فریم میں قید کر رہے ہیں، جبکہ دوسری جانب غزہ کی گلیوں میں خون کی ندیاں بہہ رہی ہیں، وہاں مظلوموں کی چیخیں ہیں، بچوں کی لاشیں ہیں، بھوکے پیاسے ماں باپ کی خالی آنکھیں ہیں۔ انہوں نے کہا کہ "ستم یہ ہے کہ اسی غزہ میں بھی عید آتی ہے، مگر نہ جانور ہوتے ہیں، نہ منڈیاں، نہ خوشی، نہ خریداری۔ صرف قربانیاں ہوتی ہیں اصلی قربانیاں زندگی کی، بچوں کی، گھروں کی، نسلوں کی دے رہے ہیں۔
علامہ نقوی نے امتِ مسلمہ کی بے حسی پر کڑی تنقید کرتے ہوئے کہا کہ ستم بالائے ستم یہ ہے کہ ہم اس نسل کشی کے مناظر کیساتھ عید منانے کی تیاریاں کر رہے ہیں، مگر لاتعلق! ہم گوشت کے ذائقے پر تبصرے کرتے ہیں، تصاویر اپلوڈ کرتے ہیں، اور جب کوئی فلسطینی بچہ خون میں لت پت زمین پر لیٹا ہوتا ہے، تو ہماری اسکرین پر سوئے ہوئے ضمیر کی طرح خاموشی چھا جاتی ہے۔ انہوں نے واضح کیا کہ ہم نے غزہ کو قربانی سے خارج کر دیا ہے، ہم نے اپنی عید کو نمود و نمائش کی قربان گاہ بنا دیا ہے، اور اصل قربانی یعنی امت کیلئے درد، احساس اور ظالم کیخلاف کھڑے ہونے کی جرأت کو ذبح کر دیا ہے۔ فلسطین کی موجودہ صورتحال پر تبصرہ کرتے ہوئے انہوں نے کہا کہ صہیونی درندے غزہ کے 70 فیصد علاقے پر قابض ہو چکے ہیں اور باقی علاقوں پر قبضے کی تیاریاں جاری ہیں۔ امریکی و عرب سازشیں حماس کو جھکانے میں مصروف ہیں، اور حالیہ نام نہاد صلح کی تجاویز محض فلسطینیوں کو بے دخل کرنے کی چالیں ہیں۔ انہوں نے کہا کہ ہم محض اس انتظار میں ہیں کہ جانور اچھا، موٹا اور 'تصویر کے قابل' ہو جائے۔ حقیقت یہ ہے کہ ہماری قربانیوں کا اصل تقاضا آج غزہ ہے۔
ذریعہ: Islam Times
کلیدی لفظ: کی تیاریاں کرتے ہوئے کرتے ہیں انہوں نے یہ ہے کہ رہے ہیں کہا کہ
پڑھیں:
ہم نے مختصر دور حکومت میں وسائل کی منصفانہ تقسیم پر توجہ دی، گلبر خان
وزیر اعلیٰ گلگت بلتستان حاجی گلبر خان نے یکم نومبر یوم آزادی گلگت بلتستان کے حوالے سے گلگت بلتستان کے عوام کو مبارک باد دیتے ہوئے کہا کہ ہمیں اپنے دشمنوں کی سازشوں کو سمجھتے ہوئے پہلے سے زیادہ اتحاد و اتفاق کا مظاہرہ کرتے ہوئے ہر قسم کی تفرقہ بازی اور اختلافات کو پس پشت ڈال کر ایک قوم ہونے کا عملی ثبوت دینا ہوگا۔ اسلام ٹائمز۔ وزیر اعلیٰ گلگت بلتستان حاجی گلبر خان نے یکم نومبر یوم آزادی گلگت بلتستان کے حوالے سے گلگت بلتستان کے عوام کو مبارک باد دیتے ہوئے میڈیا کو جاری اپنے خصوصی پیغام میں کہا ہے کہ یکم نومبر 1947ء کو ہمارے آباؤ اجداد نے بغیر کسی بیرونی امداد کے دفاعی اور جغرافیائی اہمیت کے حامل اس خطے کو ڈوگروں سے آزاد کرایا اور کلمے کی بنیاد پر وجود میں آنے والے ملک پاکستان کے ساتھ الحاق کیا۔ ڈوگروں سے آزادی حاصل کرنا آسان نہیں تھا لیکن ایک قوم بن کر آپس میں اتحاد و اتفاق کا مظاہرہ کرتے ہوئے غیرت ایمانی سے سرشار ہو کر ڈوگروں کو اس خطے سے بھاگنے پر مجبور کیا۔ وزیر اعلیٰ نے کہا کہ آزادی حاصل کرنے کے وقت جن چیلنجز کا سامنا تھا آج اس سے زیادہ گلگت بلتستان کی تعمیر و ترقی اور ایک خوشحال مستقبل جس کا خواب ہمارے آباؤ اجداد نے دیکھا تھا اس کو عملی جامعہ پہنانے کیلئے درپیش ہے۔
ان کا کہنا تھا کہ ہمیں اپنے دشمنوں کی سازشوں کو سمجھتے ہوئے پہلے سے زیادہ اتحاد و اتفاق کا مظاہرہ کرتے ہوئے ہر قسم کی تفرقہ بازی اور اختلافات کو پس پشت ڈال کر ایک قوم ہونے کا عملی ثبوت دینا ہوگا۔ ہماری منزل خوشحال، ترقیافتہ اور معاشی حوالے سے خودمختار گلگت بلتستان ہے۔ ہم اپنے آنے والی نسلوں کو پرامن اور خوشحال علاقے دینا ہے۔ ہم نے اپنے مختصر دور حکومت میں آزادی کے حقیقی معنوں کے تحت پسماندہ علاقوں کی ترقی اور محروم طبقے کی فلاح و بہبود کیلئے وسائل کا منصفانہ تقسیم یقینی بنانے پر توجہ دی۔ وزیر اعلیٰ نے کہا کہ زندہ قومیں اپنے شہداء اور غازیوں کو ہمیشہ یاد رکھتی ہیں۔ آج کے اس عظیم دن کے موقع پر ہم اپنے شہداء اور غازیوں کو سلام پیش کرتے ہوئے اس بات کا اعادہ کرتے ہیں کہ ہم ان کی قربانیوں کو رائیگاں جانے نہیں دیں گے۔
جامعہ کراچی کے عقب میں جھاڑیوں میں آگ لگ گئی