پی پی52 ضمنی الیکشن، (ن) لیگ کی حنا ارشد وڑائچ نے میدان مار لیا
اشاعت کی تاریخ: 2nd, June 2025 GMT
پی پی 52 سمبڑیال کے ضمنی الیکشن کے تمام 185 پولنگ اسٹیشنز کے غیر حتمی و غیر سرکاری نتائج میڈیا کو موصول ہوگئے، جسکے مطابق حنا ارشد وڑائچ 78419 ووٹ لے کر کامیاب ہوگئیں، پی ٹی آئی کے حمایت یافتہ فاخر نشاط گھمن 40037 ووٹ لے کر دوسرے نمبر رہے۔ اسلام ٹائمز۔ مسلم لیگ (ن) نے پی پی52 سمبڑیال کا ضمنی الیکشن جیت لیا، پی ٹی آئی کے حمایت یافتہ امیدوار دوسرے نمبر پر رہے۔ تمام 185 پولنگ اسٹیشنز کے غیر حتمی و غیر سرکاری نتائج میڈیا کو موصول ہوگئے، جس کے مطابق حنا ارشد وڑائچ 78419 ووٹ لے کر کامیاب ہوگئیں، پی ٹی آئی کے حمایت یافتہ فاخر نشاط گھمن 40037 ووٹ لے کر دوسرے نمبر رہے۔ حنا ارشد وڑئچ کو پی ٹی آئی امیدوار پر 38449 ووٹوں کی برتری حاصل ہوئی۔
ضمنی الیکشن میں کامیابی پر حنا ارشد وڑائچ کی رہائش گاہ پر جشن کا سماں ہے، کارکنوں نے ڈھول کی تھاپ پر بھنگڑے ڈالے اور جیت کی خوشی میں نعرے بازی کی۔ آتش بازی کا بھی شاندار مظاہرہ کیا گیا، مسلم لیگ نون کے مقامی راہنماء بھی حنا ارشد وڑائچ کی رہائش گاہ پہنچ گئے ہیں، واضح رہے کہ یہ نشست مسلم لیگ نون کے رکن پنجاب اسمبلی چوہدری ارشد وڑائچ کے انتقال کے بعد خالی ہوئی تھی۔
ذریعہ: Islam Times
کلیدی لفظ: حنا ارشد وڑائچ ضمنی الیکشن پی ٹی ا ئی
پڑھیں:
سیالکوٹ: حلقہ پی پی 52 سمبڑیال میں ضمنی الیکشن کیلئے انتخابی دنگل سج گیا
ویب ڈیسک: سیالکوٹ کے حلقہ پی پی 52 سمبڑیال میں آج ضمنی انتخاب کا میلہ سج گیا ہے، جہاں مختلف سیاسی جماعتوں کے امیدوار میدان میں اتر چکے ہیں۔ پولنگ کا عمل بغیر کسی وقفے کے شام 5 بجے تک جاری رہے گا۔
مسلم لیگ (ن) کی حنا ارشد وڑائچ اور پاکستان تحریک انصاف (پی ٹی آئی) کے فاخر گھمن کے درمیان سخت مقابلہ متوقع ہے۔ پیپلز پارٹی کے راحیل کامران چیمہ اور تحریک لبیک پاکستان (ٹی ایل پی) کے چودھری شفاقت بھی مقابلے کی دوڑ میں شامل ہیں۔
خوفناک زلزلہ نے عمارتیں ہلا کر رکھ دیں
الیکشن کمیشن کے مطابق حلقے میں 2 لاکھ 96 ہزار 563 ووٹرز اپنا حق رائے دہی استعمال کریں گے۔ حلقے میں 185 پولنگ اسٹیشنز قائم کیے گئے ہیں، جن میں سے 11 انتہائی حساس قرار دیے گئے ہیں۔
پولنگ کے دوران سکیورٹی کے سخت انتظامات کیے گئے ہیں تاکہ پرامن ماحول میں ووٹنگ کا عمل مکمل ہو۔
یاد رہے کہ یہ نشست مسلم لیگ (ن) کے رکن پنجاب اسمبلی چودھری ارشد وڑائچ کے انتقال کے بعد خالی ہوئی تھی جس پر اب نئے نمائندے کا انتخاب کیا جا رہا ہے۔
فتنہ الہندوستان ؛ پاکستان نے بلوچستان مین انڈین کتھ پتلیوں کی تمام نقابیں نوچ کر سیدھا نام رکھ دیا
ارجنٹینا: فلم کے دوران سینما کی چھت گر گئی، خاتون زخمی