سیالکوٹ حلقہ پی پی 52 کے ضمنی انتخاب میں مسلم لیگ (ن) کی امیدوار کی جیت پر انتخابی ٹیم مبارک باد کی مستحق ہے ، خواجہ محمد آصف
اشاعت کی تاریخ: 2nd, June 2025 GMT
سیالکوٹ (اُردو پوائنٹ اخبارتازہ ترین - اے پی پی۔ 02 جون2025ء) وزیر دفاع خواجہ محمد آصف نے کہا ہے کہ پنجاب اسمبلی کے حلقہ پی پی 52 سیالکوٹ IX کے ضمنی انتخاب میں پاکستان مسلم لیگ (ن) کی امیدوار حنا ارشد کی جیت اس پوری ٹیم کی جیت ہےجو وزیر اعلیٰ پنجاب مریم نواز شریف اور پنجاب حکومت کی قیادت میں گھر گھر جا کر ووٹ مانگتی رہی جس پر یہ سب لوگ مبارکباد کے مستحق ہیں۔
ان خیالات کا اظہار انہوں نے (ن) لیگی امیدوار حنا ارشد کی رہائش گاہ پر جا کر وہاں موجود (ن) لیگی کارکنوں سے خطاب کرتے ہوئے کیا۔ انہوں نے کہا کہ میں سیالکوٹ، نارووال، گوجرانوالہ، گجرات اور لاہور سمیت پورے پنجاب سے یہاں آ کر اس حلقے کی انتخابی مہم میں حصہ ڈالنے والے تمام عوامی نمائندوں اور عہدیداروں کا شکریہ ادا کرتا ہوں کہ جن کی محنت رنگ لائی اور ہماری بیٹی حنا ارشد کو اللہ تعالیٰ نے کامیابی سے نوازا ہے۔(جاری ہے)
انہوں نے کہا کہ یہ اس پوری ٹیم کی کامیابی ہے جس نے گھر گھر جا کر ووٹ مانگا اور پھر عوام نے جس طرح رسپانس دیا لائق تحسین ہے۔ انہوں نے کہا کہ حکومت پنجاب نے جس احسن انداز میں اس ضمنی انتخاب کی مہم کو چلایا اور مختلف عوامی نمائندوں اور عہدیداروں نے محنت کی ہے اگر اسی طرح ہم انتخابات لڑتے رہیں تو دنیا کی کوئی بھی طاقت پاکستان مسلم لیگ (ن) کو ہرا نہیں سکتی۔ وزیر دفاع کا کہنا تھا کہ پی پی 52 سیالکوٹ IX کے ضمنی انتخاب میں کامیابی کا سہرا وزیر اعلیٰ پنجاب مریم نواز شریف کو جاتا ہے جنہوں نے پختہ عزم کے ساتھ اس حلقے کی انتخابی مہم کو چلایا اور کامیابی حاصل کی۔ انہوں نے کہا کہ یہ اللہ تعالیٰ نے ہم پر بہت بڑی کرم نوازی اور مہربانی کی ہے اور میں حنا ارشد کی سیاسی زندگی کی کامیابی کےلئےدعاگو ہوں کہ اللہ تعالیٰ ہماری اس بیٹی کو اور زیادہ عطا فرمائے۔.
ذریعہ
ذریعہ: UrduPoint
کلیدی لفظ: تلاش کیجئے انہوں نے کہا کہ
پڑھیں:
لاہور میں بلدیاتی الیکشن کیلئے حلقہ بندیوں کی ابتدائی فہرست جاری کر دی گئی
لاہور: (ویب ڈیسک) بلدیاتی الیکشن کے لیے حلقہ بندیوں کی ابتدائی فہرست جاری کر دی گئی، لاہور میں مجموعی طور پر 433 یونین کونسلز بنائی گئی ہیں۔
نجی ٹی وی چینل’’ دنیا نیوز‘‘ کے مطابق ڈسٹرکٹ الیکشن کمشنر پنجاب نے لاہور کی یونین کونسل کی حلقہ بندیوں کی ابتدائی فہرست جاری کر دی، فہرست کےمطابق لاہور کو 9 ٹاؤن میں تقسیم کیا گیا جس میں راوی ٹاؤن 52، شالیمار میں 72، واہگہ ٹاؤن میں 25 یونین کونسلز قائم کی گئی ہیں۔
ماڈل ٹاؤن میں 77، نشتر ٹاؤن میں 40، صدر کینٹ میں 29 یونین کونسل بنائی گئیں، رائے ونڈ سٹی میں 32، لاہور سٹی میں 69 اور علامہ اقبال ٹاؤن میں 37 یونینز بنائی گئیں۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
شہری 23 جون تک حلقہ بندیوں پر اعتراضات دائرکرسکتے ہیں، 24 جولائی تک اعتراضات پر فیصلہ سنایا جائے گا، تمام حلقہ بندیوں کی حتمی فہرست 10 اگست 2026 کو جاری ہوگی۔
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ