تھائی لینڈ: دیوہیکل ہاتھی کا سپر اسٹور پر دھاوا، کیک انڈے کھا کر چلتا بنا
اشاعت کی تاریخ: 5th, June 2025 GMT
تھائی لینڈ میں پیش آنے والا ایک انوکھا اور حیرت انگیز واقعہ عوام کی دلچسپی کا مرکز بن گیا، جب 4 ٹن وزنی ایک دیوہیکل ہاتھی اچانک ایک سپر مارکیٹ میں جا گھسا اور میٹھے چاول کے کیکس اور انڈوں کا مزے سے لطف اٹھا کر واپس چلتا بنا۔
تھائی میڈیا کے مطابق ’پلائی بیانگ لیک‘ نامی 25 سالہ نر ہاتھی، چاول کی خوشبو اور انسانی خوراک کی تلاش میں قریبی جنگل سے نکل کر ایک اسٹور میں داخل ہوا۔ دکان کی سی سی ٹی وی فوٹیج میں دیکھا گیا کہ ہاتھی قریباً 10 منٹ تک دکان میں گھومتا رہا، اشیائے خور و نوش کی تلاش میں مختلف شیلف کھنگالتا رہا اور بالآخر میٹھے چاول کے کیکس اور مرغی کے انڈے کھا کر تسلی سے واپس روانہ ہو گیا۔
Meanwhile in Thailand,
a wild elephant who was searching for food meandered into a supermarket in Nakhon Ratchasima.
Fortunately, the shopkeeper was nearby to usher the 25-year-old bull named Plai Biang Lek back outside.
Wildlife rangers who had been alerted to the issue… pic.twitter.com/o86TwCNRIq
— Faerie ???? (@LiquidFaerie) June 3, 2025
دکان دار کے مطابق یہ پہلا موقع تھا کہ ہماری دکان میں کوئی ہاتھی آیا ہو۔ پہلے تو تشویش ہوئی کہ کہیں وہ دکان ہی نہ الٹ دے، لیکن خوش قسمتی سے نقصان معمولی ہوا۔ حیرت اس بات پر ہوئی کہ ہاتھی نے میٹھے کیک اور انڈے پسند کیے، ورنہ وہ عام طور پر نمکین چیزوں کی تلاش میں ہوتے ہیں۔
مزید پڑھیں:پوجا سے سونیا تک
دلچسپ بات یہ رہی کہ کھانے کی تلاش میں مگن یہ بھاری بھرکم مہمان ایک تنگ گلی میں چھت سے ٹکرا کر کچھ دیر کے لیے پھنس بھی گیا۔ مگر دکان دار کی حاضر دماغی اور مقامی افراد کی مدد سے اسے واپس باہر نکال دیا گیا۔ مجموعی طور پر ہاتھی نے صرف ایک ہزار تھائی بھات (قریباً ساڑھے 8 ہزار پاکستانی روپے) کا نقصان پہنچایا اور ظاہر ہے، بغیر بل ادا کیے رخصت ہوا۔
واقعے کے بعد محکمہ جنگلی حیات کے اہلکار موقع پر پہنچے اور ہاتھی کو قریبی جنگل میں واپس منتقل کر دیا۔ ساتھ ہی علاقے کی نگرانی سخت کر دی گئی ہے تاکہ وہ دوبارہ ایسی مہم جوئی پر نہ نکلے۔
ماہرین کے مطابق تھائی لینڈ میں اس وقت قریباً 3 ہزار 5 سو جنگلی ہاتھی موجود ہیں، اور اب یہ معمول بنتا جا رہا ہے کہ وہ انسانی خوراک کی طرف راغب ہو رہے ہیں۔ جنگل کے پتے اور روایتی غذا ان کے لیے پرکشش نہیں رہی، اور وہ گھروں، دکانوں اور یہاں تک کہ گاڑیوں میں موجود خوراک کو نشانہ بنا رہے ہیں۔
ورلڈ وائلڈ لائف فنڈ کے مطابق ایک بالغ ہاتھی کو روزانہ اوسطاً 150 کلوگرام خوراک درکار ہوتی ہے، جو شاید اب جنگل میں دستیاب نہیں یا شاید اب ہاتھیوں کا ذائقہ ہی بدل گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
تھائی لینڈ دیوہیکل ہاتھی سپر اسٹور کیک انڈےذریعہ: WE News
کلیدی لفظ: تھائی لینڈ سپر اسٹور کی تلاش میں تھائی لینڈ کے مطابق
پڑھیں:
افغانیوں کو دکان و گھر کرائے پر دینے والے مالکان پر 79 مقدمات درج
—فائل فوٹوراولپنڈی ریجن میں غیر قانونی طور پر مقیم افغان شہریوں کے خلاف کریک ڈاؤن جاری ہے۔
آر پی او کے ترجمان کے مطابق راولپنڈی، اٹک، جہلم، چکوال اور مری پولیس کی کارروائیاں جاری ہیں، افغان شہریوں کو دکان اور گھر کرائے پر دینے والے مالکان کے خلاف 79 مقدمات درج کیے گئے ہیں۔
پاکستان میں مقیم غیرقانونی افغان شہریوں کی وطن واپسی کے لیے طورخم سرحدی گزرگاہ کھول دی گئی۔
ترجمان آر پی او نے بتایا ہے کہ غیر قانونی طور پر مقیم 14342 افغان شہری واپس بھجوائے جا چکے ہیں، جبکہ غیر قانونی طور پر مقیم 1523 افغان شہریوں کو ہولڈنگ سینٹر منتقل کیا جا چکا ہے۔
آر پی او کے ترجمان کا کہنا ہے کہ شہری غیر قانونی طورپر مقیم غیر ملکیوں کو مکان، دکان یا گاڑی کرائے پر ہرگز نہ دیں، غیر قانونی طور پر مقیم غیر ملکی کسی قسم کا کاروبار، خرید و فروخت یا ملازمت نہیں کر سکتے۔
ترجمان آر پی او نے یہ بھی کہا ہے کہ قانونی طور پر مقیم غیر ملکی اپنی رجسٹریشن متعلقہ تھانے میں کروائیں۔
سولر نیٹ میٹرنگ صارفین سے بجلی کتنے میں خریدی جارہی ہے؟