’اسٹاپ اسرائیل، فری غزہ‘، اسپین کی ویڈیو شیئر کرنے پر خواجہ آصف پر تنقید کیوں؟
اشاعت کی تاریخ: 5th, June 2025 GMT
وزیر دفاع خواجہ محمد آصف نے سوشل میڈیا پر اسپین ایک ویڈیو اپلوڈ کی ہے جس میں ٹریفک اشارے پر لکھا گیا ہے کہ اسٹاپ اسرائیل، فری غزہ۔ خواجہ آصف نے ویڈیو شیئر کرتے ہوئے اپنے پیغام میں لکھا کہ یہ اسپین ہے کاش ہم مسلمان ممالک کو بھی یہ توفیق ہو اس قسم کے مؤثر اقدام کریں اپنی رائے اور فلسطین کے ساتھ یکجہتی کا موثر اظہار کریں۔ محشر میں کیا جواب دیں گے۔ آقا دوجہاں ﷺ کو ڈیڑھ ارب مسلمانوں نے غزہ کے مسلمانوں بے یارو مدد گار چھوڑ دیا تھا۔
یہ سپین ھے۔۔کاش ھم مسلمان ممالک کو بھی یہ توفیق ھو اس قسم کے مؤثر اقدام کریں اپنی رائے اور فلسطین کے ساتھ یکجہتی کا موثر اظہار کریں۔ محشر میں کیا جواب دیں گے آقا دوجہاں ص کو ڈیڑھ ارب مسلمانوں نے غزہ کے مسلمانوں بے یارو مدد گار چھوڑ دیا تھا۔۔ pic.
— Khawaja M. Asif (@KhawajaMAsif) June 4, 2025
خواجہ آصف کے اس بیان پر سوشل میڈیا صارفین کی جانب سے ان پر خوب تنقید کی جا رہی ہے۔ احمد نواز نے لکھا کہ خواجہ آصف کو مخاطب کرتے ہوئے لکھا کہ جہاں تک مجھے یاد پڑتا ہے آپ حکومت میں ہیں۔ فلسطینیوں کے لیے کھڑے ہونے کا فیصلہ آپ ہی نے کرنا ہے۔ آپ نے بھی یہی بے بسی دکھانی ہے تو پھر ہمارے وسائل پر قبضہ چھوڑیے اور ہماری نمائندگی سے دستبردار ہو جایے، پھر ہم دیکھ لیں گے اسرائیل کو۔
صارف نے مزید کہا کہ روز محشر صرف ہمارے فلسطینی بھائیوں کا نہیں، ہمارا ہاتھ بھی آپ کے گریبان پر ہو گا۔
خواجہ صاحب! جہاں تک مجھے یاد پڑتا ہے آپ حکومت میں ہیں۔ فلسطینیوں کے لیے کھڑے ہونے کا فیصلہ آپ ہی نے کرنا ہے۔ آپ نے بھی یہی بے بسی دکھانی ہے تو پھر ہمارے وسائل پر قبضہ چھوڑئیے اور ہماری نمائندگی سے دستبردار ہو جائیے، پھر ہم دیکھ لیں گے اسرائیل کو۔ ورنہ خواجہ صاحب! ہم نے آپ کو اور…
— Ahmad Nawaz Kamyana (@WhoAhmadRajput) June 5, 2025
ایک صارف نے لکھا کہ خواجہ صاحب آپ حکومت میں ہیں آپ تو ایسے پوسٹ کر رہے ہیں جیسے آپ کوئی بے اختیار سے ریڑھی بان ہوں۔ انہوں نے کہا کہ پاکستان میں بھی سگنل ایسے کرا لیں آپ کو کس نے روکا ہے؟ اگر نہیں کرا سکتے اتنی ہمت نہیں ہے توایسی پوسٹ کر کے منافقت نہ کیا کریں۔
خواجہ صاحب آپ حکومت میں ہیں آپ تو ایسے پوسٹ کر رہے ہیں جیسے آپ کوئی بے اختیار سے ریڑھی بان ہوں۔
جناب اپنے ملک میں بھی سگنل ایسے کرا لیں آپ کو کس نے روکا ہے؟
اگر نہیں کرا سکتے اتنی ہمت نہیں تو پلیز ایسی پوسٹ کر کے منافقت نہ کیا کریں۔ شکریہ
— Inam Abbasi (@InamAbbasi11) June 5, 2025
مرزا محمد بیگ نے فلسطین کے لیے بیان دینے پر خواجہ آصف کو آڑے ہاتھوں لیتے ہوئے لکھا کہ سوچا آپ کو بتا دوں شاید معلوم نا ہو کہ سینیٹر مشتاق، ان کی اہلیہ اور دیگر افراد کو فلسطین کے حوالے سے یکجہتی پر گرفتار کر کے آپ کی حکومت نے جیل بھیج دیا۔
سینیٹر مشتاق اور ان کی اہلیہ اور دیگر افراد کو فلسطین کے حوالے سے یکجہتی پر گرفتار کر کے جیل بھیج دیا آپ کی سو کالڈ فلسطین کی سپورٹر حکومت نے۔
سوچا آپ کو بتا دوں شاید معلوم نا ہو۔
— Mirza Muhammad Baig ???????? (@_muhammadbaig) June 5, 2025
اعزاز شمشاد لکھتے ہیں کہ آپ کی حکومت میں کسی کو اسرائیل کے حق میں احتجاج کرنے کی اجازت نہیں ہے۔
آپ کے حکومت میں کسی کو اسرائیل کے حق میں احتجاج کرنے کی اجازت نہیں https://t.co/As6XzulIvZ
— Aizaz shamshad (@imranist786) June 5, 2025
ام ایمن لکھتی ہیں کہ ماشاءاللہ سے ہمارا وزیر دفاع ہی اتنا بے بس ہے۔ انہوں نے کہا کہ سر آپ کو ویسے کون روک رہا ہے یہ سب کرنے سے؟
ماشاءاللہ سے ہمارا وزیر دفاع ہی اتنا بے بس ہے ????
سر اپکو ویسے کون روک رہا ہے یہ سب کرنے سے ؟؟ https://t.co/QKgS19cSpa
— ام ایمن (@mainhunumeaiman) June 5, 2025
واضح رہے کہ دنیا بھر میں اسرائیلی حملوں کے خلاف اور مظلوم فلسطینیوں کے حق میں مظاہرے اور ریلیاں نکالی جاتی ہیں اور کبھی اسرائیل سے منسلک مصنوعات کا بائیکاٹ کر کے اپنا حصہ ڈالا جاتا ہے۔ حکومتی سطحوں پر اسرائیل کے اقدامات کی مذمت بھی جاتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپین ٹریفک اشارے خواجہ آصف غزہ فلسطین
ذریعہ
ذریعہ: WE News
کلیدی لفظ: اسپین ٹریفک اشارے خواجہ ا صف فلسطین آپ حکومت میں ہیں خواجہ صاحب خواجہ ا صف فلسطین کے پوسٹ کر لکھا کہ بھی یہ پھر ہم کے لیے
پڑھیں:
پیٹرول مہنگا، کیا دفتروں کے لیے ہفتہ دوبارہ 3 یا 4 روز پر مشتمل ہوسکتا ہے؟
پیٹرول کی قیمتوں میں ہر روز اضافہ ہوتا جا رہا ہے اور قیمت 327 روپے فی لیٹر سے تجاوز کر گئی ہے۔
اس اضافے کے بعد سرکاری و نجی شعبے کے ملازمین کی جانب سے حکومت سے مطالبہ کیا جا رہا ہے کہ ایندھن کی بڑھتی لاگت کو مدنظر رکھتے ہوئے ہفتے میں دفتری حاضری کم کی جائے اور 2 روز گھر سے کام یعنی ورک فرام ہوم کی اجازت دی جائے۔
تاہم، اس وقت وفاقی حکومت کی جانب سے ہفتے میں صرف 3 دفتری دن یا 2 دن لازمی ورک فرام ہوم کرنے کی کوئی سرکاری تجویز یا منظوری سامنے نہیں آئی۔
یہ بھی پڑھیں:
البتہ حکومت ماضی کی طرح توانائی کی بچت اور کفایت شعاری کے مختلف اقدامات پر غور کر رہی ہے، لیکن موجودہ سرکاری معلومات کے مطابق 3 روزہ آفس ورک کے کسی فیصلے کے زیر غور ہونے کی تصدیق نہیں ہوئی۔
وفاقی وزیر برائے پارلیمانی امور ڈاکٹر طارق فضل چوہدری نے وی نیوز کو بتایا کہ حکومت نے ماضی میں ایندھن بچانے کے لیے محدود مدت کے لیے دفتری اوقات اور ورکنگ ڈیز میں تبدیلیاں کی تھیں۔
’فی الحال حکومت نے دوبارہ ہفتے میں 3 یا 4 ورکنگ ڈیز نافذ کرنے کا کوئی باضابطہ اعلان نہیں کیا ہے، نہ ہی ایسی کوئی تجویز زیر غور ہے۔‘
مزید پڑھیں:
گریڈ 18 کے سرکاری افسر محمد جہانزیب بٹ سمجھتے ہیں کہ اگر ہفتے میں 3 دن دفتر اور 2 دن گھر سے کام کرنے کی اجازت دی جائے تو ان کے پیٹرول کی مد میں اخراجات میں نمایاں کمی آئے گی۔
’میرا زیادہ تر کام لیپ ٹاپ، آن لائن رابطے اور ٹیلی فون کے ذریعے مؤثر انداز میں انجام دیا جا سکتا ہے، جس سے کارکردگی بھی متاثر نہیں ہوگی۔‘
انہوں نے کہا کہ پیٹرول کی قیمتوں میں مسلسل اضافے کے باعث میرے ماہانہ سفری اخراجات بہت بڑھ گئے ہیں، جبکہ آمدنی میں کوئی اضافہ نہیں ہوا، جس سے گھریلو بجٹ سنبھالنا مشکل ہوتا جا رہا ہے۔
مزید پڑھیں:
’اگر ہفتے میں 2 دن گھر سے کام کرنے کی اجازت مل جائے تو نہ صرف میرے سفری اخراجات کم ہوں گے بلکہ میں اپنی ذمہ داریاں بھی مؤثر انداز میں، بغیر کسی رکاوٹ کے، انجام دیتا رہوں گا۔‘
ٹیلی کام سیکٹر سے منسلک شہزاد خان نے وی نیوز کو بتایا کہ اب دنیا میں بیشتر نوکریاں ایسی ہیں جو لیپ ٹاپ اور انٹرنیٹ کی مدد سے باآسانی کی جا سکتی ہیں۔
گزشتہ 3 ماہ سے ہماری کمپنی نے جمعہ کے روز ورک فرام ہوم کی اجازت دے رکھی ہے لیکن کسی کے کام کا حرج نہیں ہوا۔
’مہنگائی کے اس دور اور پیٹرول کی بڑھتی قیمتوں کے باعث اگر ملازمین کو ہفتے میں 2 دن گھر سے کام کرنے کی اجازت دے دی جائے تو اس سے لوگوں کو بہت سہولت ہوگی۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آمدنی انٹرنیٹ ایندھن پیٹرول کمپنی گھریلو بجٹ لیپ ٹاپ ملازمین مہنگائی نوکریاں ورک فرام ہوم ورکنگ ڈیز
بھارت سے جنگ اور افغانستان میں کارروائی خارج ازامکان نہیں، وزیردفاع