ڈسٹرکٹ بار ایسوسی ایشن کے زیراہتمام لائسنسداران عزاداری امام حسین کے اعزاز میں استقبالیہ
اشاعت کی تاریخ: 10th, June 2025 GMT
استقبالیہ کے شرکا نے اتحاد بین المسلمین پر زور دیا اور محرم الحرام کے دوران امن و امان برقرار رکھنے اور لائسنس داران کے مسائل کے حل کیلئے انتظامیہ کیساتھ مل کر چلنے پر اتفاق کیا گیا۔ مرکزی صدر تنظیم لائسنس داران سید موسی رضا بخاری نے استقبالیہ پر صدر بار ملک جاوید علی ڈوگر ایڈوکیٹ اور جنرل سیکرٹری بار ملک عدنان احمد کا شکریہ ادا کیا۔ اسلام ٹائمز۔ ڈسٹرکٹ بار ملتان کے صدر ملک جاوید علی ڈوگر اور جنرل سیکرٹری ملک عدنان احمد کی جانب سے مرکزی تنظیم لائسنس داران عزاداری امام حسین علیہ السلام جنوبی پنجاب کے نو منتخب عہدیداران کے اعزاز میں استقبالیہ دیا گیا، اس موقع پر مرکزی تنظیم لائسنس داران عزاداری امام حسین علیہ السلام جنوبی پنجاب کے سرپرست اعلی مخدوم عون رضا شمسی سجادہ نشین دربار شاہ شمس، مرکزی صدر سید موسی رضا شاہ بخاری، چیئرمین اخلاق حیدر صدیقی، وائس چیئرمین سید عارف اختر کاظمی، سینیئر نائب صدر مخدوم چن چراغ مشہدی، سینیئر نائب صدر سید رضا اشتر مشہدی، جنرل سیکرٹری سید عمران گیلانی، نائب صدر حیدر علی، نائب صدر چوہدری شاہد حسین، فنانس سیکرٹری شبیر حسین چغتائی، آفس سیکرٹری علی حسن بھٹہ، سیکرٹری نشرواشاعت داور عباس کاظمی، شیخ ندیم اور غضنفر عباس قریشی موجود تھے۔ ملک جاوید علی ڈوگر صدر بار اور ملک عدنان احمد جنرل سیکرٹری نے نومنتخب عہدیداران کو مبارکباد پیش کی اور لائسنس داران کے مسائل پر گفتگو ہوئی۔
اس موقع پر شرکا نے اتحاد بین المسلمین پر زور دیا اور محرم الحرام کے دوران امن و امان برقرار رکھنے اور لائسنس داران کے مسائل کے حل کیلئے انتظامیہ کیساتھ مل کر چلنے پر اتفاق کیا گیا۔ مرکزی صدر تنظیم لائسنس داران سید موسی رضا بخاری نے استقبالیہ پر صدر بار ملک جاوید علی ڈوگر ایڈوکیٹ اور جنرل سیکرٹری بار ملک عدنان احمد کا شکریہ ادا کیا، اس موقع پر اراکین بار نے مہمانوں کو گلدستہ پیش کیا۔ ڈسٹرکٹ بار ملتان کی کابینہ نے آمدہ محرم الحرام نے امن و امان برقرار رکھنے اور مدینۃ الاولیا ملتان میں لائسنس داران کے مسائل کے حل کے لیے اپنی خدمات پیش کرنے کا وعدہ کیا۔
ذریعہ: Islam Times
کلیدی لفظ: لائسنس داران کے مسائل تنظیم لائسنس داران ملک عدنان احمد جنرل سیکرٹری بار ملک
پڑھیں:
خیبرپختونخوا کےبلدیاتی نمائندوں کا 3 سال سے ترقیاتی فنڈ نہ ملنےپر حکومت کےخلاف سڑکوں پرآنے کا عندیہ
خیبرپختونخوا کے بلدیاتی نمائندوں نے تین سال سے ترقیاتی فنڈز فراہم نہ کرنے اور دیگر مسائل کے حل کیلیے ایک بار پھر صوبائی حکومت کے خلاف سڑکوں پر آنے کا عندیہ دے دیا۔
ایکسپریس نیوز کے مطابق خیبرپختونخوا کی مقامی حکومتوں کے نمائندوں نے مسائل میں صوبائی حکومت کی عدم دلچسپی گزشتہ تین سالوں کے ترقیاتی فنڈز فراہمی و دیگر مسائل کے حل کے لیے ایک دفعہ پھر سڑکوں پر نکلنے کا عندیہ دے دیا ہے۔
بلدیاتی نمائندوں کا کہنا ہے کہ وہ مشاورت کے بعد حکومت کے خلاف احتجاج کی تاریخ اور مقام کا اعلان لوکل کونسل ایسوسی ایشن کے اگلے ہفتے ہونے والے اجلاس میں کریں گے۔
ترجمان لوکل کونسلز ایسوسی ایشن تحصیل چئیرمین سرائے نورنگ لکی مروت عزیز اللہ خان مروت، نیبر ہوڈ کونسل چئیرمین و کوارڈئینٹر ایسوسی ایشن انتظار علی خلیل کے مطابق خیبرپختونخوا کی مقامی حکومتیں گزشتہ مالی سال 2021-22 ، 2022-23، 2023-24، 2024-25 سے ترقیاتی فنڈز سے محروم ہیں۔
انہوں نے کہا کہ ہر سال بجٹ میں مقامی حکومتوں کے لیے ترقیاتی فنڈز مختص کیا جاتا ہیں مگر ابھی تک عمل درآمد نہیں کیا جاسکا۔ ابھی تک مقامی حکومتوں کو ترقیاتی فنڈ میں ایک روپیہ تک جاری نہیں کیا، خیبرپختونخوا کی صوبائی حکومت نے جو کہ صوبائی حکومت کا مقامی حکومتوں کے مسائل کے حل میں عدم دلچسپی کا منہ بولتا ثبوت ہے۔
معاون لوکل کونسلز ایسوسی ایشن خیبرپختونخوا انتظارعلی خلیل کے مطابق گزشتہ تین سالوں سے بلدیاتی نمائندوں نے لوکل کونسلز ایسوسی ایشن کے زیر قیادت متعدد بار احتجاج کیے جس میں بلدیاتی نمائندوں پر بدترین لاٹھی چارج، شلینگ کی گئی، بلدیاتی نمایندوں کو گرفتار کیا گیا۔
انہوں نے کہا کہ اسی طرح متعدد بار صوبائی حکومت بالخصوص وزیر اعلیٰ خیبرپختونخوا سے صدر لوکل کونسلز ایسوسی ایشن کے مذکرات ہوئے جن کے میٹنگ منٹس موجود ہیں مگر عمل درآمد آج تک نہیں ہوسکا۔
اُن کا کہنا تھا کہ ضم اضلاع کے تحصیل چئیرمین تین سال گزرنے کے باوجود بھی دفاتر، سرکاری گاڑیوں و دیگر وسائل سے محروم ہیں، آئندہ مالی سال بجٹ میں اگر مقامی حکومتوں کا قانون حصہ 20 فیصد اگر مختص کرنے کے ساتھ ساتھ فوری ریلیز نہیں کیا گیا، گزشتہ تین سالوں کے ترقیاتی و غیر ترقیاتی فنڈ سمیت تو لوکل کونسلز ایسوسی ایشن خیبرپختونخوا ایک دفعہ پھر بھرپور پرامن احتجاجی دھرنے کا اعلان کرتے ہوئے سڑکوں کا رخ کریگی۔
کوارڈئینٹر لوکل کونسلز ایسوسی ایشن انتظارعلی خلیل کے مطابق ہم غیر ملکی ڈونر اداروں، سول، سیاسی و سماجی تنظیوں سے اپیل کرتے ہیں کہ مقامی حکومتوں کے نمایندوں کی تحریک میں شامل ہوکر خیبرپختونخوا کے خوشحالی میں ساتھ دیں۔
ایلون مسک نے ڈونلڈ ٹرمپ کے مجوزہ اخراجات بل کو’ ’گھناﺅنی حرکت“ قراردے دیا