10 وزارتوں کی رائٹ سائزنگ، پی آئی اے، روز ویلٹ ہوٹل سمیت متعدد اداروں کی نجکاری، 40 ہزار اسامیاں ختم
اشاعت کی تاریخ: 11th, June 2025 GMT
اسلام آباد (نوائے وقت رپورٹ) وفاقی بجٹ میں دس وزارتوں کی رائٹ سائزنگ کی منظوری دی گئی ہے۔ چالیس ہزار خالی اسامیوں کو ختم کر دیا گیا ہے۔ 8 وزارتوں کے حوالے سے تجاویز زیر غور ہیں۔ ماحولیاتی تبدیلی سے نمٹنا اہم ترجیح ہے۔ 99 لاکھ مستحق خاندانوں کو امداد فراہم کی گئی۔ وفاقی وزیر خزانہ نے کہا ہے کہ ڈیجیٹل گورننس کے حوالے سے پاکستان کی خدمات کا بین الاقوامی سطح پر اعتراف کیا گیا ہے۔ ایکسپورٹس کو بڑھانے کی منصوبہ بندی کر لی ہے۔ 95 ہزار سے زائد ایس ایم ایز کو مالی امداد فراہم کی گئی۔ اسی طرح 2028 تک ایس ایم ای فنانسنگ کو 1100 ارب تک پہنچانے کا عزم ہے۔ وزیراعظم سماجی اور اقتصادی ترقی کی سکیموں کو فروغ دینے کے خواہاں ہیں۔ اوورسیز پاکستانی ہمارا اہم اثاثہ ہیں۔ دریں اثناء محمد اورنگزیب نے کہا کہ غیر منافع بخش سرکاری ادارے خزانے پر 800 ارب کا بوجھ ہیں۔ آئندہ مالی سال پی آئی اے اور روز ویلٹ ہوٹل کی نجکاری مکمل کی جائے گی۔ 45کمپنیز اور اداروں کو پرائیویٹائز، ضم، یا بند کیا جا رہا ہے۔ دو سال قبل ہماری ڈیبیٹ ٹو جی ڈی پی شرح 74 فیصد تھی جو اب 70 فیصد سے نیچے آ گئی ہے۔ نجی شعبے کو ملکی ترقی کیلئے آگے آنا ہوگا۔ پاکستان موسمیاتی تبدیلی سے سب سے زیادہ متاثرہ ملک ہے۔ ماحولیات کا تحفظ ہماری بقاء کیلئے ناگزیر ہے۔ ماحولیاتی تبدیلی سے نمٹنا اہم ترجیح ہے۔ ایس آئی ایف سی ملک میں سرمایہ کاری کے فروغ اور کاروباری ماحول کو بہتر بنانے کیلئے اہم پلیٹ فارم ہے۔ انہوں نے کہا کہ ایس آئی ایف سی کی کوششوں کی بدولت ملک میں بیرونی سرمایہ کاری میں اضافہ ہوا۔ کونسل کے تحت مختلف شعبوں میں 100 سے زائد سٹرٹیجک گرین فیلڈ منصوبوں کو تیزی سے آگے بڑھایا گیا۔ علاوہ ازیں بجٹ میں بجلی اور دیگر شعبوں کی سبسڈی کے لئے 1186 ارب روپے مختص کئے گئے ہیں۔ ٹرانسپورٹ انفراسٹرکچر کیلئے ایک ہزار ارب روپے، کراچی چمن شاہراہ این 25 کیلئے 100 ارب، زراعت کیلئے 4 ارب روپے سے زائد مختص کر دیئے گئے ہیں۔ پاکستان سٹاک ایکسچینج کے ذریعے سکوک بانڈز کا اجراء کر دیا گیا ہے۔ پہلے پانڈا بانڈ کے اجراء کی تیاری مکمل کر لی گئی۔
.
ذریعہ
ذریعہ: Nawaiwaqt
پڑھیں:
مردان: گھر سے خاتون سمیت 3 افراد کی لاشیں برآمد
مردان: خیبرپختونخوا کے ضلع مردان کے علاقے شیخ ملتون سیکٹر بی میں ایک گھر سے خاتون سمیت تین افراد کی لاشیں برآمد ہونے کا واقعہ سامنے آیا ہے۔
ریسکیو 1122 کے مطابق اطلاع موصول ہوتے ہی میڈیکل ٹیم فوری طور پر موقع پر پہنچ گئی اور پولیس کی موجودگی میں کارروائی کا آغاز کیا گیا۔
ریسکیو حکام کے مطابق تینوں لاشوں کو قانونی کارروائی اور ضروری معائنے کے لیے مردان میڈیکل کمپلیکس (ایم ایم سی) اسپتال منتقل کر دیا گیا ہے۔
ابتدائی اطلاعات کے مطابق جاں بحق افراد کی شناخت جلال، زوجہ جلال اور مصطفیٰ کے ناموں سے ہوئی ہے۔
واقعے کی وجوہات فوری طور پر سامنے نہیں آسکیں، جبکہ پولیس نے معاملے کی تحقیقات شروع کر دی ہیں۔ حکام کا کہنا ہے کہ پوسٹ مارٹم اور تفتیشی عمل مکمل ہونے کے بعد واقعے کی اصل نوعیت واضح ہو سکے گی۔
پولیس اور متعلقہ ادارے مختلف پہلوؤں سے واقعے کا جائزہ لے رہے ہیں، جبکہ اہلِ علاقہ میں واقعے کے بعد تشویش کی لہر دوڑ گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ