بھارت خون کی ہولی نہ کھیلے، امن کی راہ اپنائے، مصدق ملک
اشاعت کی تاریخ: 12th, June 2025 GMT
data-id="863a0a8" data-element_type="widget" data-widget_type="theme-post-content.default">
برسلز: پاکستانی سفارتی وفد کے رکن مصدق ملک نے واضح الفاظ میں بھارت کو خبردار کرتے ہوئے کہا ہے کہ وہ خون کی ہولی کھیلنے سے باز آجائے، کیونکہ اب یہ کھیل خود اس کے گلے پڑ چکا ہے۔
میڈیا سے گفتگو کرتے ہوئے مصدق ملک نے کہا کہ بھارت نے ماضی میں پاکستان کے خلاف جارحیت کی کوشش کی لیکن ہر بار اسے منہ کی کھانی پڑی،پہلی بار بھارت کے دو جہاز گرائے گئے، اس بار چھ، اگر بھارت نے رویہ نہ بدلا تو یہ تعداد 60 اور پھر 600 تک جا سکتی ہے۔”
مصدق ملک نےمزید کہا کہ پاکستان امن کا خواہاں ہے اور چاہتا ہے کہ بھارت برابری کی بنیاد پر مذاکرات کرے، کشمیریوں کو ان کا حق دلانا اور مسئلہ کشمیر کو بنیادی حیثیت کے ساتھ مذاکرات میں شامل کرنا ناگزیر ہے،ہم چاہتے ہیں یہ جنگ بندی امن کی شکل اختیار کرے، نہ کہ وقتی خاموشی ہو۔
انہوں نے مزیدکہا کہ پاکستان نے اقوام متحدہ، برطانیہ اور یورپی یونین جیسے اہم بین الاقوامی فورمز پر مسئلہ کشمیر کو مؤثر انداز میں اجاگر کیا ہے اور عالمی برادری اب اس مسئلے پر توجہ دینے پر مجبور ہو گئی ہے۔
ان کا کہنا تھا کہ جب سے پاک بھارت جھڑپ ہوئی ہے، امریکی صدر ڈونلڈ ٹرمپ 9 یا 11 مرتبہ کشمیر کا ذکر کر چکے ہیں، جس سے ظاہر ہوتا ہے کہ کشمیر، پانی اور خطے کے امن کا مسئلہ اب دنیا کی آنکھوں کے سامنے آ چکا ہے۔
مصدق ملک نے پاک فوج، فضائیہ اور بحریہ کی عسکری کامیابیوں کو سراہتے ہوئے کہا کہ سفارتی محاذ پر پاکستان کی مضبوط پوزیشن عسکری برتری کا نتیجہ ہے۔ “فیلڈ مارشل عاصم منیر، پاک فضائیہ اور بحریہ کے سربراہان اس کامیابی کے اصل معمار ہیں۔
.
ذریعہ
ذریعہ: Jasarat News
کلیدی لفظ: مصدق ملک نے کہا کہ
پڑھیں:
مہاجرین کی نشستوں کے مستقبل پر بڑا فیصلہ قریب، اہم پیش رفت سامنے آگئی
مظفرآباد: مہاجرین کی نشستیں آزاد جموں و کشمیر کی سیاست میں ایک بار پھر توجہ کا مرکز بن گئی ہیں، جہاں ان نشستوں کے مستقبل سے متعلق اہم پیش رفت سامنے آئی ہے۔ ذرائع کے مطابق وفاقی حکومت نے اس معاملے پر نرم رویہ اختیار کرتے ہوئے مکمل خاتمے کے بجائے نشستوں کی تعداد میں کمی کی تجویز پر غور شروع کر دیا ہے۔
ذرائع کا کہنا ہے کہ وادی کشمیر سے تعلق رکھنے والے مہاجرین کی چھ نشستیں کم کرنے کی ابتدائی تجویز زیر غور ہے۔ اس پیش رفت کو انتخابی اصلاحات کے حوالے سے ایک اہم قدم قرار دیا جا رہا ہے، جس سے طویل عرصے سے جاری سیاسی بحث کو کسی نتیجے تک پہنچانے میں مدد مل سکتی ہے۔
اطلاعات کے مطابق وفاقی حکومت جلد آزاد کشمیر کی قیادت کو اپنے مؤقف سے آگاہ کرے گی۔ اس سلسلے میں وزیراعظم آزاد کشمیر کی جانب سے جوائنٹ پبلک ایکشن کمیٹی سے رابطے کا بھی امکان ظاہر کیا جا رہا ہے تاکہ مختلف سیاسی اور سماجی حلقوں کو اعتماد میں لیا جا سکے۔
دوسری جانب آزاد کشمیر میں انتخابی اصلاحات کے موضوع پر کل ہونے والی آل پارٹیز کانفرنس بھی غیر معمولی اہمیت اختیار کر گئی ہے۔ سیاسی مبصرین کا کہنا ہے کہ مہاجرین کی نشستیں کم کرنے کی تجویز پر اتفاق رائے پیدا ہونے سے انتخابی نظام میں اصلاحات کی راہ ہموار ہو سکتی ہے۔
ذرائع کے مطابق اس معاملے پر مختلف سیاسی جماعتوں اور اسٹیک ہولڈرز کے درمیان مشاورت جاری ہے، جبکہ وفاقی حکومت بھی ایسا حل تلاش کرنے کی کوشش کر رہی ہے جو تمام فریقوں کے لیے قابل قبول ہو۔
سیاسی حلقوں کا ماننا ہے کہ اگر اس معاملے پر اتفاق رائے پیدا ہو جاتا ہے تو یہ آزاد کشمیر کی سیاسی تاریخ میں ایک اہم سنگ میل ثابت ہو سکتا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ