سندھ ایجوکیشن فائونڈیشن کا شہید بینظیر آباد میں ریجنل پارٹنرزکانفرنس
اشاعت کی تاریخ: 13th, June 2025 GMT
data-id="863a0a8" data-element_type="widget" data-widget_type="theme-post-content.default">پڈعیدن (نمائندہ جسارت) سندھ ایجوکیشن فاؤنڈیشن کا شہید بینظیرآباد میں ریجنل پارٹنرز کانفرنس کا انعقاد تعلیم تک رسائی اور معیار کو بہتر بنانے کا عزم ، وزیر اعلیٰ سندھ، چیف سیکرٹری سندھ اور وزیر تعلیم سندھ کی ہدایات اور وڑن کے تحت سندھ ایجوکیشن فاؤنڈیشن (SEF) کی جانب سے ریجنل پارٹنرز کانفرنس کا انعقاد ایچ ایم خواجہ آڈیٹوریم، شہید بینظیرآباد میں کیا گیا، جس کا مقصد صوبے میں معیاری، مساوی اور پائیدار تعلیم کو فروغ دینا تھا۔ اس اہم اجلاس میں شہید بینظیرآباد، سانگھڑ اور نوشہرو فیروز کے اضلاع سے تعلق رکھنے والے 250 سے زائد ادارہ جاتی اور کمیونٹی پارٹنرز نے شرکت کی۔ کانفرنس کی صدارت منیجنگ ڈائریکٹر سندھ ایجوکیشن فائونڈیشن گھنور علی لغاری نے کی۔ افتتاحی خطاب ریجنل ہیڈ (شہید بینظیرآباد) نے کیا، جنہوں نے علاقائی تعلیمی پروگرامز، کارکردگی، اور ترجیحات پر جامع بریفنگ دی۔ اپنے کلیدی خطاب میں گھنور لغاری نے SEF کے پارٹنرز کی تعلیمی خدمات کو سراہتے ہوئے کہا کہ تعلیمی معیار کو بہتر بنانے کے لیے انفراسٹرکچر کو مضبوط کرنا، اکیڈمک اسٹینڈرڈز کو بلند کرنا، اور بچوں کے لیے دوستانہ، محفوظ اور شمولیتی تعلیمی ماحول فراہم کرنا وقت کی اہم ضرورت ہے انہوں نے کہا کہ فاؤنڈیشن نے آؤٹ آف اسکول بچوں کو اسکول لانے کے لیے نئے اسکولوں کے قیام کے لیے اپنے قواعد میں نرمی کی ہے۔ ہم نے 180 سے زائد اسکولوں کو اپ گریڈ کیا ہے اور 31 سے زائد سیکنڈ شفٹ اسکولوں کے قیام کی منظوری دی ہے تاکہ موجودہ وسائل کو استعمال میں لا کر تعلیم کی رسائی کو بڑھایا جا سکے، انہوں نے کہا مانیٹرنگ اور آپریشنل شفافیت کو یقینی بنانے کے لیے انہوں نے SEF میں ٹیکنالوجی کے مؤثر استعمال پر زور دیا اور یقین دلایا کہ پارٹنر اسکولوں کو کتب کی بروقت فراہمی فاؤنڈیشن کی اولین ترجیح ہے۔ منیجنگ ڈائریکٹر گھنور لغاری نے اس بات پر بھی زور دیا کہ پارٹنرز اور فاؤنڈیشن دونوں کو شراکت داری کے معاہدے کی مکمل پابندی یقینی بنانی ہوگی شراکتی معاہدے کی شرائط پر دونوں فریقین کی طرف سے مکمل عملدرآمد ضروری ہے، انہوں نے کہا اب سے فاؤنڈیشن کی پروگرام ٹیم ہر ماہ دو بار اسکولوں کا دورہ کرے گی، جبکہ سال میں دو مرتبہ جامع مانیٹرنگ کی جائے گی تاکہ اسکولوں کی کارکردگی کو بہتر بنایا جا سکے۔ اس موقع پر ڈائریکٹر پروگرامز و پلاننگ، SEF نثار احمد بانبھن نے بچوں کی جذباتی اور تعلیمی فلاح پر روشنی ڈالتے ہوئے کہا بچوں میں سیکھنے کا شوق صرف اسی صورت میں پیدا ہو سکتا ہے جب وہ ایک محفوظ، پرکشش اور دوستانہ ماحول میں تعلیم حاصل کریں، انہوں نے کہا ایک حقیقی اسکول وہی ہوتا ہے جہاں بچہ خود کو محفوظ اور جذباتی طور پر جڑا ہوا محسوس کرے، جہاں کا ماحول خود اس کے سیکھنے کے سفر کا رفیق بن جائے۔ کانفرنس کا اختتام ایک انٹرایکٹو سیشن کے ساتھ ہوا، جس میں پارٹنرز نے اپنے تجربات، تجاویز، اور فاؤنڈیشن کے مشن سے اپنی وابستگی کا اظہار کیا۔ اس موقع پر SEF کی جدید، شمولیتی، اور اعلیٰ معیار کی تعلیمی حکمت عملی کو مزید مستحکم کرنے کے عزم کا اعادہ کیا گیا۔
.
ذریعہ
ذریعہ: Jasarat News
کلیدی لفظ: شہید بینظیرا باد سندھ ایجوکیشن انہوں نے کہا فاو نڈیشن کے لیے
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار