اسرائیلی جارحیت پر ایران کا انتباہ: ‘صیہونی حکومت کو بھاری قیمت چکانا ہوگی’
اشاعت کی تاریخ: 13th, June 2025 GMT
ایرانی مسلح افواج کے جنرل اسٹاف نے کہا ہے کہ اسرائیلی حملوں کے جواب میں ایران کی کارروائی ’تباہ کن‘ ہوگی، جس سے صیہونی حکومت کو اپنی جارحیت پر پچھتانا پڑے گا۔
یہ اعلان سپریم لیڈر آیت اللہ سید علی خامنہ ای کے اس سخت بیان کے بعد سامنے آیا ہے جس میں انہوں نے تل ابیب کو خبردار کیا تھا کہ ایران کی سرزمین پر حملے کا جواب سخت اور ناقابل فراموش ہوگا۔
JUST IN ????
Report: Admiral Habibollah Sayyari has been appointed Chief of Staff of Iran’s Armed Forces.
— Open Source Intel (@Osint613) June 13, 2025
جنرل اسٹاف کے اعلامیے میں کہا گیا کہ رہبر انقلاب کے حکم کی روشنی میں ایران کی مسلح افواج ایسی کارروائی کریں گی جو اسرائیلی حکومت کے لیے سبق بن جائے گی۔
جمعے کی شب اسرائیلی فوج نے ایرانی دارالحکومت تہران اور دیگر شہروں میں حملے کیے، ان حملوں میں رہائشی علاقوں کو بھی نشانہ بنایا گیا، جس کے نتیجے میں متعدد عام شہری، خواتین اور بچے بھی جاں بحق ہوئے، ایرانی سرکاری ٹی وی کے رپورٹرز اور عینی شاہدین نے جائے وقوعہ پر لاشیں دیکھنے کی تصدیق کی ہے۔
یہ بھی پڑھیں: قومی اسمبلی: ایران پر اسرائیلی حملے کے خلاف متفقہ قرارداد منظور، مسلم امہ سے بیداری کا مطالبہ
ان حملوں میں ایران کی اعلیٰ عسکری قیادت کو بھی نشانہ بنایا گیا، شہید ہونے والوں میں ایرانی مسلح افواج کے چیئرمین چیف آف اسٹاف میجر جنرل محمد باقری اور پاسداران انقلاب کے چیف کمانڈر میجر جنرل حسین سلامی بھی شامل ہیں، جن کی شہادت کی سرکاری سطح پر تصدیق کر دی گئی ہے۔
ایران کی طرف سے شدید ردعمل کی توقع کی جا رہی ہے، اور خطے میں کشیدگی کے مزید بڑھنے کے امکانات ظاہر کیے جا رہے ہیں۔ ایرانی عسکری قیادت نے اعلان کیا ہے کہ ملک کا دفاع اور قومی خودمختاری پر کوئی سمجھوتہ نہیں کیا جائے گا اور دشمن کو اس حملے کی بھاری قیمت چکانی پڑے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایران ایرانی سرکاری پاسداران انقلاب ٹی وی جنرل اسٹاف چیئرمین چیف آف اسٹاف چیف کمانڈر رہبر انقلاب میجر جنرل حسین سلامی میجر جنرل محمد باقری
ذریعہ
ذریعہ: WE News
کلیدی لفظ: ایران ایرانی سرکاری پاسداران انقلاب ٹی وی جنرل اسٹاف چیئرمین چیف آف اسٹاف چیف کمانڈر رہبر انقلاب میجر جنرل حسین سلامی میں ایران ایران کی
پڑھیں:
علی الزیدی کا ایران کا اہم دورہ، دوطرفہ تعلقات بڑھانے پر اتفاق
ایرانی صدر سے ملاقات میں عراقی وزیراعظم کا کہنا تھا کہ عراق اور ایران کی سلامتی ایک دوسرے سے جڑی ہوئی ہے اور عراق اپنی سرزمین ایران کے خلاف کسی بھی کارروائی کے لیے استعمال نہیں ہونے دے گا۔ اسلام ٹائمز۔ امریکا کے دورے کے بعد عراقی وزیراعظم علی الزیدی نے ایران کا اہم دورہ کیا، جہاں انہوں نے ایرانی صدر مسعود پزشکیان اور اعلیٰ ایرانی قیادت سے ملاقاتیں کیں۔خبر ایجنسی کے مطابق ایرانی صدر مسعود پزشکیان اور عراقی وزیراعظم کے درمیان ہونے والے مذاکرات میں دوطرفہ تعلقات، اقتصادی تعاون، توانائی، تجارت اور علاقائی سلامتی سمیت مختلف امور پر تفصیلی تبادلہ خیال کیا گیا۔ دونوں ممالک نے اقتصادی تعاون اور مشترکہ سرمایہ کاری کو فروغ دینے پر اتفاق کیا، جبکہ نقل و حمل اور شہری تعاون سے متعلق نئے معاہدے بھی طے پائے۔
عراقی وزیراعظم علی الزیدی نے اس موقع پر کہا کہ عراق اور ایران کی سلامتی ایک دوسرے سے جڑی ہوئی ہے اور عراق اپنی سرزمین ایران کے خلاف کسی بھی کارروائی کے لیے استعمال نہیں ہونے دے گا۔ ایرانی صدر مسعود پزشکیان نے کہا کہ ایران اور عراق کے درمیان تاریخی، مذہبی اور ثقافتی رشتے نہایت مضبوط ہیں، جبکہ خطے کا استحکام دونوں ممالک کی ترقی اور خوشحالی کے لیے ناگزیر ہے۔ خبر ایجنسی کے مطابق دورے کے اختتام پر منعقدہ دستخطی تقریب میں ایرانی اور عراقی وزراء نے مختلف تعاون کے معاہدوں کا تبادلہ بھی کیا۔
پاکستان نے ورلڈ کپ 2028 کیلیے براہ راست کوالیفائی کر لیا