کامسیٹ یونیورسٹی میں مفت داخلے، پنجاب حکومت کی بڑی پیشکش کس کے لیے؟
اشاعت کی تاریخ: 15th, June 2025 GMT
وزیراعلیٰ پنجاب مریم نواز شریف نے مزدور طبقے کے بچوں کے لیے ایک انقلابی اور شاندار تعلیمی اقدام کا اعلان کیا ہے۔
اس اقدام کے تحت صنعتی اور مائنز سیکٹر کے رجسٹرڈ ورکروں کے بچوں کو پاکستان کی اعلیٰ تعلیمی درسگاہ کامسیٹ یونیورسٹی کے مختلف کیمپسز میں مفت تعلیم دی جائے گی، جس کی تمام تر فیس حکومتِ پنجاب ادا کرے گی۔
یہ بھی پڑھیں:پنجاب حکومت کا نیا قانون، عوامی فنڈز سے حکومتی تشہیر کو قانونی تحفظ دینے کی تیاری
وزیراعلیٰ پنجاب کی ہدایت پر پنجاب ورکر ویلفیئر فنڈ نے اہل ورکروں سے درخواستیں طلب کر لی ہیں۔
اس منصوبے کے تحت طلبہ کو اسلام آباد، ایبٹ آباد، واہ، اٹک، لاہور، ساہیوال اور وہاڑی میں قائم کامسیٹ یونیورسٹی کے کیمپسز میں داخلہ دیا جائے گا۔
اس اسکیم میں فوت شدہ یا معذور ورکروں کے بچے بھی شامل ہوں گے، جنہیں مکمل مفت تعلیم فراہم کی جائے گی۔
درخواست جمع کروانے کی آخری تاریخیں مختلف کیمپسز کے لیے مقرر کی گئی ہیں:
اسلام آباد کیمپس: 9 جولائی
لاہور کیمپس: 17 جولائی
واہ اور ایبٹ آباد کیمپسز: 4 اگست
وہاڑی اور اٹک: 11 اگست
ساہیوال کیمپس: 15 اگست
درخواست فارم کے ساتھ درج ذیل دستاویزات لازمی منسلک کرنا ہوں گے:
ورکر کا قومی شناختی کارڈ، رجسٹرڈ ورکر سرٹیفکیٹ، طالب علم کا شناختی کارڈ یا ب فارم، سوشل سیکیورٹی یا اولڈ ایج بینیفٹ کی کاپی۔
یہ بھی پڑھیں:پنجاب حکومت نے شادی شدہ خواتین اساتذہ کا بڑا مسئلہ حل کردیا
داخلے کے لیے درخواست دہندہ کو کامسیٹ یونیورسٹی کی ویب سائٹ پر آن لائن اپلائی کرنا ہوگا، اور مطلوبہ دستاویزات ایڈمیشن فارم کے ساتھ جمع کرانی ہوں گی۔
اس حوالے سے وزیراعلیٰ مریم نواز شریف کا کہنا ہے کہ ورکر ہمارے سر کا تاج ہے، ہم ان کے بچوں کو تعلیم، صحت اور تمام بنیادی سہولیات فراہم کریں گے۔
وزیراعلیٰ کا کہنا ہے کہ ہم پنجاب کے ہر مزدور کے بچے کے لیے اعلیٰ تعلیمی اداروں کے دروازے کھول رہے ہیں۔ اب کوئی بھی بچہ، چاہے وہ مزدور کا ہو، تعلیم سے محروم نہیں رہے گا۔
ان کا کہنا ہے کہ ہم مزدوروں کی فلاح و بہبود کے لیے وہ اقدامات کر رہے ہیں جن کی ماضی میں کوئی مثال نہیں ملتی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب حکومت کامسیٹ یونیورسٹی مفت داخلہ.ذریعہ: WE News
کلیدی لفظ: پنجاب حکومت کامسیٹ یونیورسٹی مفت داخلہ
پڑھیں:
پنجاب حکومت نے ہڑپہ میوزیم میں چار نئی گیلریوں کا افتتاح کر دیا
پنجاب حکومت نے تاریخی ورثے کے تحفظ اور سیاحت کے فروغ کی جانب ایک اور اہم قدم اٹھاتے ہوئے ہڑپہ میوزیم میں چار نئی گیلریوں کا افتتاح کر دیا۔
سینئر صوبائی وزیر مریم اورنگزیب نے افتتاح کے موقع پر اظہار خیال کرتے ہوئے کہا کہ ہڑپہ میوزیم میں نئی گیلریوں کا قیام وزیراعلیٰ کے اس عزم کی عملی تصویر ہے جس کے تحت پنجاب کے تاریخی مقامات کو محفوظ اور فعال بنایا جا رہا ہے۔ تاریخی ورثہ صرف ہمارا ماضی ہی نہیں بلکہ ہماری شناخت ہے، اسے محفوظ رکھنا ہم سب کی مشترکہ ذمہ داری ہے۔
انہوں نے مزید کہا کہ یہ گیلریاں نہ صرف آثار قدیمہ کے تحفظ میں معاون ثابت ہوں گی بلکہ تعلیمی و سائنسی تحقیق کا بھی اہم مرکز بنیں گی۔ یہ ایک سنگ میل ہے جو پنجاب میں ثقافتی سیاحت کے فروغ کی راہ ہموار کرے گا۔
سیکرٹری سیاحت ڈاکٹر احسان بھٹہ کا کہنا تھا کہ ورثے کی بحالی سے نہ صرف مقامی بلکہ بین الاقوامی سطح پر سیاحت کو فروغ ملے گا۔ ان کا کہنا تھا کہ محکمہ آثار قدیمہ اس شعبے میں عالمی معیار کے مطابق اقدامات کر رہا ہے۔
ڈائریکٹر جنرل آرکیالوجی ظہیر عباس ملک نے بتایا کہ نئی گیلریوں میں ہڑپہ کی تاریخ کو جدید تقاضوں کے مطابق پیش کیا گیا ہے۔ یہ گیلریاں تحقیق، تعلیم اور عوامی آگاہی کے لیے ایک نیا باب ثابت ہوں گی۔
ان کا کہنا تھا کہ ہم وزیر اعلیٰ پنجاب مریم نواز کی ہدایت پر ہڑپہ میوزیم کو جدید سہولیات سے آراستہ کر رہے ہیں تاکہ آنے والے سیاح اور طلبہ یہاں سے مستفید ہو سکیں۔ انہوں نے کہا نئی گیلریوں کی بدولت نہ صرف ہڑپہ کی قدیم تاریخ کو محفوظ رکھنے میں مدد ملے گی بلکہ نوجوان نسل میں اپنے ثقافتی ورثے سے جڑی بھی رہے گی۔
سیلاب سے سینکڑوں بستیاں زیر آب، لاکھوں افراد بے گھر، ملتان کیلئے دو دن انتہائی اہم