پاکستان اور بھارت کی جنگ رکوائی، ایران و اسرائیل کے درمیان بھی جلد معاہدہ ہوگا : ڈونلڈ ٹرمپ
اشاعت کی تاریخ: 15th, June 2025 GMT
امریکی صدر ڈونلڈ ٹرمپ نے کہا ہے کہ ایران اور اسرائیل کے درمیان امن ممکن ہے اور جلد ایک معاہدہ طے پا سکتا ہے۔
امریکی صدر ڈونلڈ ٹرمپ نے اپنے سوشل میڈیا پلیٹ فارم ’ٹرتھ‘ پر اپنے دور صدارت کی خارجہ پالیسیوں کا حوالہ دیتے ہوئے کہا کہ وہ ماضی میں بھی کئی دیرینہ تنازعات کو ختم کروا چکے ہیں، اور مشرق وسطیٰ میں ایک بار پھر امن قائم کریں گے۔
یہ بھی پڑھیں: روس ایران پر اسرائیلی حملوں کی شدید مذمت کرتا ہے، ولادی میر پیوٹن کی ڈونلڈ ٹرمپ سے ٹیلیفونک گفتگو
انہوں نے کہا ’ایران اور اسرائیل کو ایک معاہدہ کرنا چاہیے اور وہ معاہدہ ہو کر رہے گا، بالکل ویسے ہی جیسے میں نے بھارت اور پاکستان کے درمیان تجارتی دباؤ کے ذریعے بات چیت کی راہ ہموار کی، دونوں رہنماؤں نے فوری فیصلے کیے اور معاملات رک گئے۔‘
انہوں نے مزید کہا کہ ان کے پہلے دور صدارت میں سربیا اور کوسووو کے درمیان کشیدہ حالات جنگ کے دہانے پر تھے، لیکن ان کی مداخلت سے امن قائم ہوا۔
ٹرمپ کے مطابق مصر اور ایتھوپیا کے درمیان نیل دریا پر بننے والے بڑے ڈیم کے معاملے پر بھی انہوں نے مداخلت کی اور فی الحال خطے میں امن قائم ہے۔
یہ بھی پڑھیں: ٹرمپ اور اردوان کا رابطہ، ایران اسرائیل کشیدگی پر تشویش کا اظہار
انہوں نے کہا کہ اسی طرح اسرائیل اور ایران کے درمیان بھی جلد امن ہوگا، اس وقت بھی اس حوالے سے کئی فون کالز اور ملاقاتیں جاری ہیں۔‘
ڈونلڈ ٹرمپ نے شکایت کی کہ انہیں ان کوششوں کا وہ کریڈٹ نہیں ملتا جس کے وہ مستحق ہیں، تاہم انہوں نے کہا کہ ’عوام سب کچھ سمجھتے ہیں۔‘۔امریکی صدر نے آخر میں لکھا کہ ’مشرق وسطی کو دوبارہ عظیم بنائیں گے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسرائیل امریکا امن معاہدہ ایران بھارت پاکستان جنگ ڈونلڈ ٹرمپ.ذریعہ: WE News
کلیدی لفظ: اسرائیل امریکا امن معاہدہ ایران بھارت پاکستان ڈونلڈ ٹرمپ ڈونلڈ ٹرمپ کے درمیان انہوں نے نے کہا کہا کہ
پڑھیں:
حماس کیجانب سے 3 اسرائیلی قیدیوں کی لاشیں واپس کرنے پر خوشی ہوئی، ڈونلڈ ٹرمپ
غیر ملکی میڈیا کے مطابق امریکی صدر کا کہنا تھا کہ انہوں نے اب تک دنیا بھر میں 8 جنگیں رکوائیں۔ امریکی صدر نے کہا کہ امریکا یوکرین کو ٹوماہاک کروز میزائل دینے پر فی الحال غور نہیں کر رہا۔ اسلام ٹائمز۔ امریکا کے صدر ڈونلڈ ٹرمپ نے کہا ہے کہ حماس کی جانب سے 3 قیدیوں کی لاشیں واپس کرنے پر خوشی ہوئی ہے۔ غیر ملکی میڈیا کے مطابق امریکی صدر ڈونلڈ ٹرمپ نے کہا ہے کہ انہوں نے اب تک دنیا بھر میں 8 جنگیں رکوائیں۔ امریکی صدر نے کہا کہ امریکا یوکرین کو ٹوماہاک کروز میزائل دینے پر فی الحال غور نہیں کر رہا۔ انہوں نے کہا کہ نائجیریا میں امریکی زمینی فوج یا فضائی حملے ممکن ہیں، نائجیریا میں مسیحیوں کو بڑے پیمانے پر ہلاک کیا جا رہا ہے۔ امریکی صدر ٹرمپ نے بتایا کہ سپریم کورٹ میں ٹیرف سے متعلق کیس ملک کی تاریخ کا اہم کیس ہے، سپریم کورٹ میں ٹیرف کیس کی سماعت میں شرکت نہیں کروں گا اور میں کوئی ایسا اقدام نہیں کرنا چاہتا، جو اس فیصلے کی اہمیت کو کم کرے۔
انہوں نے مزید کہا ہے کہ دنیا برسوں سے ہمارے خلاف ٹیرف لگا رہی تھی، ہم کئی ممالک خاص طور پر چین کی جانب سے استحصال کا شکار رہے، مگر اب ایسا نہیں ہے، ٹیرف نے ہمیں زبردست قومی سلامتی دی ہے۔ برطانوی شاہی خاندان سے شہزادہ اینڈیو کی شاہی نوازشات سے بے دخلی کے حوالے سے امریکی صدر ٹرمپ نے کہا ہے کہ "شہزادہ اینڈریو، جیفری ایپسٹین اسکینڈل افسوسناک ہے اور شاہی خاندان کے ساتھ جو کچھ ہوا، وہ برا ہوا۔"
اپر کوہستان مالیاتی اسکینڈل: گرفتار پولیس اہلکار 13 روزہ جسمانی ریمانڈ پر نیب کے حوالے