12 سال بعد سیالکوٹ ایکسپریس ٹرین کی سروس بحال، روٹ کیا ہوگا؟
اشاعت کی تاریخ: 16th, June 2025 GMT
سیالکوٹ ایکسپریس ٹرین کو 12 سال کے طویل وقفے کے بعد دوبارہ بحال کر دیا گیا ہے، جس کا سیالکوٹ ریلوے اسٹیشن پر شاندار استقبال کیا گیا۔ ٹرین کے اسٹیشن پر پہنچنے پر پھولوں کی پتیاں نچھاور کی گئیں، ڈھول کی تھاپ اور روایتی رقص سے ماحول خوشگوار ہو گیا۔
سیالکوٹ ایکسپریس لاہور، وزیرآباد اور سیالکوٹ کے درمیان چلائی جائے گی۔ اسٹیشن ماسٹر کے مطابق یہ ٹرین لاہور سے وزیرآباد کے راستے سیالکوٹ جائے گی اور واپس اسی روٹ سے لاہور آئے گی۔
مزید پڑھیں: حکومت بلوچستان کا کوئٹہ شہر کے اندر پیپلز ٹرین چلانے کا فیصلہ
تفصیلات کے مطابق 171 اپ ٹرین لاہور ریلوے اسٹیشن سے صبح 5 بجے روانہ ہو کر دن 10 بجکر 50 منٹ پر وزیر آباد پہنچے گی جبکہ 172 ڈاؤن وزیر آباد ریلوے اسٹیشن سے شام 4 بجے روانہ ہو کر رات 9 بجکر 50 منٹ پر لاہور پہنچے گی۔
ٹرین 5 اکانومی کلاس کوچز،ایک ٹی ایل وین اور ایک بریک وین پر مشتمل ہوگی۔ شاہدرہ باغ، نارنگ، بدو ملہی، نارووال، قلعہ صوبھا سنگھ، پسرور، چونڈا، سیالکوٹ اور سمبڑیال سٹاپ ہوں گے۔
سیالکوٹ کے عوام ایک عرصے سے اس ٹرین کی بحالی کا مطالبہ کر رہے تھے، جو آج پورا ہوگیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سیالکوٹ ایکسپریس سیالکوٹ ریلوے اسٹیشن.ذریعہ: WE News
کلیدی لفظ: سیالکوٹ ایکسپریس سیالکوٹ ایکسپریس ریلوے اسٹیشن
پڑھیں:
لاہور: ندا صالح اورنج لائن ٹرین کی پہلی خاتون ڈرائیور بن گئیں
لاہور میں اورنج لائن ٹرین کی تاریخ میں پہلی مرتبہ ایک خاتون نے ڈرائیونگ سیٹ سنبھال لی ہے۔ ندا صالح کو 6 ماہ کی ٹیکنیکل تربیت کے بعد باقاعدہ طور پر اورنج لائن ٹرین کی ڈرائیور مقرر کر دیا گیا ہے۔
وزیراعلیٰ پنجاب مریم نواز شریف نے مسرت کا اظہار کرتے ہوئے کہا ہے کہ ندا صالح جیسی بیٹیاں ہم سب کا فخر ہیں اور یہ اقدام اس بات کا ثبوت ہے کہ ہماری بیٹیاں کسی سے کم نہیں۔ انہوں نے کہا کہ پنجاب حکومت خواتین کو مساوی مواقع فراہم کرتی رہے گی اور ندا صالح کے لیے نیک تمناؤں کا اظہار بھی کیا۔
مزید پڑھیں: برطانوی خفیہ ایجنسی ایم آئی 6 کی پہلی خاتون سربراہ کون ہیں؟
دوسری جانب لاہور میں ٹرانسپورٹ کے میدان میں ایک اور پیشرفت سامنے آئی ہے۔ میٹرو بس، اورنج لائن اور الیکٹرک بس کے بعد اب شہر کی سڑکوں پر جلد بجلی سے چلنے والی ٹرام بھی رواں دواں ہو گی۔
3 باکسز پر مشتمل یہ ٹرام مکمل طور پر الیکٹرک ہو گی، جو صرف 10 منٹ چارج کے بعد 25 سے 27 کلومیٹر فاصلہ طے کر سکے گی۔ اس میں 250 افراد کے بیٹھنے کی گنجائش ہو گی اور اس کی اسمبلنگ علی ٹاؤن ڈپو میں جاری ہے۔ منصوبے کو پہلے مرحلے میں پائلٹ پراجیکٹ کے طور پر شروع کیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اورنج لائن ٹرین پہلی خاتون ڈرائیور لاہور ندا صالح
کے پی حکومت کے زیر اہتمام اے پی سی آج ہوگی