جب انصاف کا ترازو جھک جائے، تو امن صرف ایک دھوکہ رہ جاتا ہے، مشعال ملک
اشاعت کی تاریخ: 16th, June 2025 GMT
اسلام آباد (اُردو پوائنٹ اخبارتازہ ترین - اے پی پی۔ 16 جون2025ء) یاسین ملک کی اہلیہ مشعال ملک نے کہا ہے کہ آج کی دنیا انصاف اور امن کی بات تو کرتی ہے، مگر جب غزہ، کشمیر یا فلسطین میں معصوموں پر بم برسائے گئے، تو انسانیت کیوں خاموش رہی؟۔پیر کو یہاں جاری بیان کے مطابق انہوں نے کہا کہ آج اسرائیلی عوام انصاف مانگ رہی ہےتو کیا وہ چیخیں کسی کو یاد ہیں جو فلسطینی بچوں کی لاشوں سے بلند ہوئیں؟کیا وہ مائیں یاد ہیں، جو اپنے بچوں کی لاشیں گود میں اٹھا کر رو رہی تھیں؟جب انصاف کا ترازو جھک جائے، تو امن صرف ایک دھوکہ رہ جاتا ہے۔
(جاری ہے)
اب وقت ہے کہ ہم صرف دیکھنے والے نہ رہیں۔انہوں نے کہا کہ بلکہ حق، سچ اور انسانیت کے ساتھ کھڑے ہوں،خون کا رنگ سب کا ایک جیسا ہوتا ہے، چاہے وہ کسی کا بھی ہو،جب غزہ جل رہا تھا، دنیا خاموش کیوں ہے ۔مشعال ملک نے کہا کہ مظلوم کی چیخیں قوم اور مذہب نہیں دیکھتیں،صرف انصاف مانگتی ہیں،ہر ماں کا دکھ ایک جیسا، ہر آنکھ کا آنسو ایک جیسا ہوتا ہے۔مشعال ملک نے کہا کہ امن کی بنیاد صرف انصاف پر ہو سکتی ہے، طاقت پر نہیں،کشمیری ہوں یا فلسطینی، مظلوم کا ساتھ دینا انسانیت کا تقاضا ہے۔ مشعال ملک نے کہا کہ دوہرا معیار انصاف کو قتل کرتا ہے،کیا دنیا اپنی خاموشی کا حساب دینے کو تیار ہے۔.ذریعہ: UrduPoint
کلیدی لفظ: تلاش کیجئے مشعال ملک نے کہا نے کہا کہ
پڑھیں:
اسائلم کیسے لیا جاتا ہے، پاکستانی شہری اس کے سب سے زیادہ خواہاں کیوں؟
دنیا بھر میں سیاسی پناہ (اسائلم) کے لیے درخواست دینے والے افراد کی فہرست میں پاکستانی شہری اب پہلے نمبر پر آچکے ہیں اور تشویش ناک امر یہ ہے کہ صرف برطانیہ میں ایک سال کے دوران سب سے زیادہ اسائلم درخواستیں پاکستانیوں کی جانب سے دی گئی ہیں۔ اس کے ساتھ ہی برطانیہ سے سب سے زیادہ ڈی پورٹ کیے جانے والے افراد میں بھی پاکستانی سرفہرست ہیں۔
اوورسیز ایمپلائمنٹ ایسوسی ایشن کے نائب صدر محمد عدنان پراچہ کے مطابق پچھلے 3 برسوں کے دوران پاکستان کے معاشی اشاریے بہتر ضرور دکھائی دے رہے ہیں مگر اس کے باوجود بیرون ملک، خاص طور پر برطانیہ میں اسائلم لینے والوں میں پاکستانی شہریوں کی تعداد خطرناک حد تک بڑھ چکی ہے۔
یہ بھی پڑھیں: بیرون ملک سیاسی پناہ لینے والے پاکستانیوں کو پاسپورٹ جاری نہ کرنے کا فیصلہ منسوخ
عدنان پراچہ کہتے ہیں کہ زیادہ تر افراد تمام قانونی دستاویزات کے ساتھ بیرون ملک جاتے ہیں مگر اس کے لیے غیرقانونی راستہ بھی اختیار کیا جاتا ہے۔
انہوں نے کہا کہ اکثر لوگ وزٹ ویزا پر جا کر اسائلم کے لیے درخواست دے دیتے ہیں۔ ان درخواستوں کی بنیاد مختلف ہو سکتی ہے جیسے کہ سیاسی عدم تحفظ، مذہبی امتیاز یا ذاتی دشمنی جیسے خطرات۔
عدنان پراچہ نے زور دیا کہ ان افراد کو روکنے کے لیے پاکستان میں بہتر روزگار، مناسب تنخواہیں اور محفوظ ماحول فراہم کرنا ضروری ہے کیونکہ یہ افراد ملک کا قیمتی اثاثہ ہیں۔ جب تک ان کے لیے متبادل مواقع پیدا نہیں کیے جائیں گے غیرقانونی طریقے اختیار کیے جاتے رہیں گے۔
اسائلم کیسے لیا جاتا ہے؟عدنان پراچہ نے بتایا کہ کسی بھی ملک میں اسائلم کی درخواست تب دی جاتی ہے جب درخواست گزار یہ ثابت کرے کہ اسے اپنے وطن واپس جانے کی صورت میں جان، آزادی یا دیگر بنیادی حقوق کو خطرہ ہے۔
مزید پڑھیے: یورپی یونین نے سیاسی پناہ کے قوانین سخت کر دیے
انہوں نے کہا کہ یہ خطرات سیاسی نظریات، مذہب، نسلی تعصب یا ذاتی دشمنی کی بنیاد پر ہو سکتے ہیں۔ متعلقہ ملک کی حکومت اس درخواست کو اپنے قوانین کے مطابق پرکھتی ہے اور اگر دلائل معقول ہوں تو اسائلم منظور کر لیا جاتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسائلم اسائلم اور پاکستانی اسائلم کیسے لیتے ہیں اسائلم میں پاکستان آگے برطانیہ سیاسی پناہ
کنگ سلمان ریلیف نے آزاد جموں و کشمیر میں 4,000 متاثرہ خاندانوں میں شیلٹر این ایف آئی کٹس کی تقسیم مکمل کر لی