پاکستان ایران ساحل پر 35 فٹ بلیو وہیل مردہ حالت میں برآمد
اشاعت کی تاریخ: 16th, June 2025 GMT
data-id="863a0a8" data-element_type="widget" data-widget_type="theme-post-content.default">
پاکستان اور ایران کی سمندری سرحد کے قریب واقع گوٹربے کے علاقے میں ایک 35 فٹ لمبی بلیو وہیل مردہ حالت میں پائی گئی ہے۔ اس بارے میں ابتدائی اطلاع ایک مقامی ماہی گیر نے دی، جس کے بعد ماحولیاتی تنظیم ورلڈ وائلڈ لائف فنڈ (WWF) نے تصدیق کی۔
WWF کے مطابق وہیل بلوچستان کے علاقے کنتانی کے قریب ملی ہے، اور اندازہ ہے کہ وہ چند روز قبل ہی ہلاک ہوئی۔ ابھی تک وہیل کی ہلاکت کی حتمی وجہ سامنے نہیں آ سکی، لیکن شبہ ظاہر کیا جا رہا ہے کہ وہ ماہی گیروں کی گلنیٹ میں پھنس گئی تھی۔
یاد رہے کہ پاکستان میں بلیو وہیل کو بہت کم دیکھا جاتا ہے، اور اس سے قبل آخری بار 8 اپریل 2024 کو بلوچستان کے ساحلی شہر گڈانی میں ایک بلیو وہیل دیکھی گئی تھی۔ عام طور پر بلیو وہیل کی لمبائی 100 فٹ اور وزن 200 ٹن تک پہنچ سکتا ہے، اس لحاظ سے یہ دنیا کا سب سے بڑا جانور مانا جاتا ہے۔
ماہرین کا کہنا ہے کہ یہ واقعہ سمندری حیات کے تحفظ کے لیے ایک الارم ہے، اور گلنیٹ جیسے خطرناک جالوں کے استعمال پر نظرثانی کی اشد ضرورت ہے۔
.ذریعہ: Jasarat News
پڑھیں:
پڈعیدن: قومی شاہراہ پر مسلح افراد کی فائرنگ سے نوجوان قتل
data-id="863a0a8" data-element_type="widget" data-widget_type="theme-post-content.default">
پڈعیدن( نمائندہ جسارت) قومی شاہراہ پر مورو کے قریب مسلح افراد نے مبینہ فائرنگ کرکے نوجوان کو قتل کردیا،کلہوڑا اسٹیشن کے قریب حالات سے تنگ نوجوان نے مبینہ خودکشی کرلی،لاشیں گھروں میں پہنچنے کہرام۔تفصیلات کے مطابق قومی شاہراہ مورو ایڈمور پیٹرول پمپ کے قریب نامعلوم مسلح افراد نے فائرنگ کرکے نوجوان کو مبینہ قتل کردیا اور فرار ہو گئے اطلاع پر پولیس نے پہنچ کر لاش کو اسپتال منتقل کردیا جہاں مقتول کی شناخت سیٹھ احمد نواز بیہن کے نام سے ہوئی ہے پولیس نے ضروری کاروائی کے بعد لاش ورثہ کے حوالے کردی،لاش گھر پہنچنے پر کہرام مچ گیا،دوسرے واقع میں نواحی علاقہ کلہوڑا اسٹیشن کے قریب نوجوان ایم سجاد نے حالات سے تنگ آکر مبینہ خودکشی کرلی جسے فوری طورپر اسپتال منتقل کیا گیا جہاں پر ڈاکٹروں نے موت کی تصدیق کی،لاش گھر پہنچنے پر کہرام مچ گیا۔
پنجاب‘دو بہنوں کے قتل پر والدین گرفتار