پی آئی اے ملازمین کی یونین پیپلزیونیٹی نے بھی قومی ایئرلائن کی خریداری کیلیے درخواست جمع کرادی
اشاعت کی تاریخ: 16th, June 2025 GMT
پی آئی اے ملازمین نے بھی قومی ائیرلائن کی خریداری میں دلچسپی ظاہر کر دی جبکہ ملک کے بڑے کاروباری گروپس نے بھی پی آئی اے کی خریداری کے لیے اپنی پیشکش جمع کرائی ہے۔
ذرائع پرائیویٹ آئزیشن کمیشن کے مطابق پی آئی اے ملازمین کی سی بی اے پیپلز یونیٹی کے صدر ہدایت اللہ خان اورآفیسرزکی تنظیم پی آئی اے سینئر اسٹاف ایسوسی ایشن (ساسا)کےصدرعقیل صدیقی نے مشترکہ طور پر پی آئی اے کی خریداری کیلیے اپنی درخواست اور پیش کش کمیشن میں جمع کرادی۔
قومی ایئرلائن کے ملازمین کا مؤقف ہے کہ ایئرلائن کی خریداری کا پہلا حق ان کا ہے۔
ذرائع نے تصدیق کی ہے کہ پاکستان کے ایک بڑے گروپ نے بھی پی آئی اے کی خریداری کیلئے اپنی پیشکش نجکاری کمیشن بورڈ کو جمع کرائی ہے۔
واضح رہے کہ اس سے قبل پی آئی اے کی خریداری کیلیے بڑے کاروباری گروپ نجکاری کمیشن کو درخواست دے چکے ہیں۔
پی آئی اے کی خریداری کیلئے پیش کش جمع کرانے کی آخری تاریخ 19 جون ہے۔
واضح رہے کہ وفاقی حکومت اس وقت قومی ائیرلائن کی فروخت کی دوسری کوشش کر رہی ہے، پی آئی اے کی فروخت کی پہلی کوشش متفرق وجوہ کی بناپرناکام ہوگئی تھی۔
.
ذریعہ
ذریعہ: Express News
کلیدی لفظ: پی آئی اے کی خریداری نے بھی
پڑھیں:
کاوا مینز والی بال چیمپئن شپ: قومی ٹیم نے دوسرے روز بنگلا دیش کو شکست دے دی
کاوا مینز والی بال چیمپئن شپ کے دوسرے روز بھی پاکستان کا جادو سر چڑھ کر بولا، قومی ٹیم نے بنگلادیش کو کسی بھی مرحلے پر سنبھلنے کا موقع نہ دیا اور مسلسل تین سیٹ جیت کر 0-3 سے شاندار فتح اپنے نام کر لی۔
پاکستان نے آغاز سے ہی جارحانہ کھیل پیش کرتے ہوئے پہلا سیٹ 16-25 سے جیتا، دوسرے سیٹ میں بھی سبز ہلالی پرچم بلند رکھا اور 17-25 سے کامیابی سمیٹی۔
تیسرے سیٹ میں بنگلادیش نے بھرپور مزاحمت کی، مگر پاکستانی کھلاڑیوں نے اعتماد اور مہارت کا شاندار مظاہرہ کرتے ہوئے 22-25 سے فتح حاصل کی اور میچ بغیر کوئی سیٹ گنوائے تین صفر سے اپنے نام کر لیا۔
قومی ٹیم کی یہ مسلسل دوسری فتح کاوا چیمپئن شپ میں پاکستان کے مضبوط عزائم کا واضح اعلان ہے جبکہ شاندار کارکردگی نے ٹائٹل کی دوڑ میں پاکستان کو مزید مضبوط امیدوار بنا دیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار