پنجاب کا متوازن اور فلاحی بجٹ
اشاعت کی تاریخ: 18th, June 2025 GMT
پنجاب حکومت کی جانب سے 5300 ارب روپے مالیت کا بجٹ پیش کیا گیا ہے، بجٹ میں ترقیاتی اخراجات کے لیے 1,240 ارب روپے مختص کیے گئے ہیں جو کہ گزشتہ سال کے مقابلے میں 47.2 فیصد زیادہ ہے۔ تعلیم کے شعبے کے لیے 21.2 فیصد اضافے کے ساتھ 811.8 ارب روپے اور صحت کے لیے 17 فیصد اضافے سے 630.5 ارب روپے مختص کیے گئے ہیں۔ زراعت کے لیے 10.
پنجاب حکومت نے جو بجٹ پیش کیا ہے، وہ ایک جامع اور ہمہ گیر بجٹ قرار دیا جا سکتا ہے، جو صوبے کی تاریخ کا سب سے بڑا بجٹ ہے اور قابلِ توجہ بات یہ ہے کہ یہ بجٹ ٹیکس فری ہے، یعنی حکومت نے عوام پر نئے ٹیکس عائد کیے بغیر ترقیاتی اہداف کو حاصل کرنے کا ارادہ ظاہر کیا ہے۔ اس بجٹ میں سماجی انصاف، معاشی ترقی، تعلیم، صحت، زراعت، توانائی، خواتین کی خود مختاری، نوجوانوں کی تربیت، اقلیتوں کے حقوق، ماحولیات اور انفرااسٹرکچر سمیت تقریباً تمام اہم شعبوں کو فوکس کیا گیا ہے۔
پنجاب کے تعلیمی بجٹ میں 21 فیصد اضافہ کیا گیا ہے اور صحت کے شعبے میں 17 فیصد اضافہ کیا گیا ہے، اس سے یہ ثابت ہوتا ہے حکومت سماجی تحفظ کے لیے کوشش کر رہی ہے جس کی وجہ سے انھوں نے صحت اور تعلیم کے بجٹ میں اضافہ کیا ہے۔ ٹرانسپورٹ کے بجٹ میں 205 فیصد اضافہ کیا گیا ہے ۔ 31 کروڑ کی لاگت سے دیہی خواتین کی ٹیکسٹائل سیکٹر میں ایمپاورمنٹ کا منصوبہ بھی اگلے مالی سال میں شروع کیا جا رہا ہے جس کا مقصد ٹیکسٹائل کے شعبے سے وابستہ با صلاحیت اور ہنرمند خواتین کو خود کفالت کی راہ پر گامزن کرنا ہے۔
حکومتِ پنجاب نے اس بجٹ کے ذریعے واضح پیغام دیا ہے کہ وہ محنت کش طبقے کی فلاح و بہبود کو اپنی ترجیحات میں سرفہرست رکھتی ہے۔ مزدور کی کم از کم تنخواہ میں چالیس ہزار روپے ماہانہ کر دیا گیا ہے، جو کہ موجودہ مہنگائی کے تناظر میں ایک خوش آیند اقدام ہے۔ تعلیم کے شعبے میں کی خطیر رقم مختص کی گئی ہے، جس سے سرکاری اسکولوں، کالجوں اور جامعات کی حالت بہتر بنانے کی امید کی جا رہی ہے۔ یہ بجٹ حکومت کی کسان دوست پالیسی کا مظہر ہے۔
اس کے ذریعے کسان نہ صرف بیج، کھاد اور زرعی مشینری خرید سکیں گے بلکہ فصلوں کی بہتر پیداوار بھی ممکن ہو سکے گی۔ خواتین کی خود مختاری اور ان کی معاشی شمولیت کے لیے بجٹ میں کئی اہم اقدامات شامل کیے گئے ہیں۔نوجوانوں کی تعلیم و تربیت کے حوالے سے حکومت نے سنجیدہ کوششیں کی ہیں۔
لیپ ٹاپ اسکیم اور انڈرگریجویٹ اسکالر شپ کے ساتھ ساتھ فنی تعلیم اور ہنر مندی کے لیے خصوصی پروگرامز بھی متعارف کرائے گئے ہیں تاکہ نوجوانوں کو روزگار کے قابل بنایا جا سکے۔ اس کے علاوہ کھیلوں اور صحت مندانہ سرگرمیوں کو فروغ دینے کے لیے بھی بجٹ میں رقوم مختص کی گئی ہیں۔ اقلیتوں کے حقوق کا تحفظ بھی بجٹ کا ایک اہم پہلو رہا۔ اقلیتوں کے لیے اقامتی، تعلیمی اور کاروباری سہولتوں کی فراہمی کے لیے خصوصی فنڈ قائم کیا گیا ہے، جو بین المذاہب ہم آہنگی کو فروغ دے گا اور اقلیتی برادری کے اعتماد میں اضافہ کرے گا۔
مجموعی طور پر پنجاب کے بجٹ 2025 کو ایک متوازن اور فلاحی بجٹ کہا جاسکتا ہے، جس میں ہر طبقے اور ہر شعبے کو ریلیف دینے کی کوشش کی گئی ہے۔ اگرچہ بجٹ کے اعلان میں تمام شعبوں کو سہولتیں دینے کا عزم ظاہر کیا گیا ہے، لیکن اصل امتحان ان منصوبوں پر عملدرآمد میں پوشیدہ ہے۔
بدقسمتی سے اکثر دیکھنے میں آیا ہے کہ بجٹ میں شامل منصوبے کاغذی حد تک رہ جاتے ہیں اور عملی میدان میں ان کا کوئی اثر نظر نہیں آتا، اگر حکومت واقعی ان منصوبوں کو سنجیدگی سے نافذ کرنے میں کامیاب ہو جاتی ہے تو یہ بجٹ پنجاب کی ترقی، عوامی فلاح اور معاشرتی خوشحالی کے لیے سنگ میل ثابت ہو سکتا ہے۔ اگر حکومتی عزم، سیاسی استحکام اور عوامی شمولیت کے ساتھ اس بجٹ پر عملدرآمد یقینی بنایا جائے تو آنے والے برسوں میں پنجاب ایک ترقی یافتہ، خوشحال اور خود کفیل صوبہ بن کر ابھر سکتا ہے۔
ذریعہ: Express News
کلیدی لفظ: کیا گیا ہے اضافہ کیا ارب روپے گئے ہیں کے شعبے کے ساتھ مختص کی کے لیے
پڑھیں:
پنجاب حکومت نے ہڑپہ میوزیم میں چار نئی گیلریوں کا افتتاح کر دیا
پنجاب حکومت نے تاریخی ورثے کے تحفظ اور سیاحت کے فروغ کی جانب ایک اور اہم قدم اٹھاتے ہوئے ہڑپہ میوزیم میں چار نئی گیلریوں کا افتتاح کر دیا۔
سینئر صوبائی وزیر مریم اورنگزیب نے افتتاح کے موقع پر اظہار خیال کرتے ہوئے کہا کہ ہڑپہ میوزیم میں نئی گیلریوں کا قیام وزیراعلیٰ کے اس عزم کی عملی تصویر ہے جس کے تحت پنجاب کے تاریخی مقامات کو محفوظ اور فعال بنایا جا رہا ہے۔ تاریخی ورثہ صرف ہمارا ماضی ہی نہیں بلکہ ہماری شناخت ہے، اسے محفوظ رکھنا ہم سب کی مشترکہ ذمہ داری ہے۔
انہوں نے مزید کہا کہ یہ گیلریاں نہ صرف آثار قدیمہ کے تحفظ میں معاون ثابت ہوں گی بلکہ تعلیمی و سائنسی تحقیق کا بھی اہم مرکز بنیں گی۔ یہ ایک سنگ میل ہے جو پنجاب میں ثقافتی سیاحت کے فروغ کی راہ ہموار کرے گا۔
سیکرٹری سیاحت ڈاکٹر احسان بھٹہ کا کہنا تھا کہ ورثے کی بحالی سے نہ صرف مقامی بلکہ بین الاقوامی سطح پر سیاحت کو فروغ ملے گا۔ ان کا کہنا تھا کہ محکمہ آثار قدیمہ اس شعبے میں عالمی معیار کے مطابق اقدامات کر رہا ہے۔
ڈائریکٹر جنرل آرکیالوجی ظہیر عباس ملک نے بتایا کہ نئی گیلریوں میں ہڑپہ کی تاریخ کو جدید تقاضوں کے مطابق پیش کیا گیا ہے۔ یہ گیلریاں تحقیق، تعلیم اور عوامی آگاہی کے لیے ایک نیا باب ثابت ہوں گی۔
ان کا کہنا تھا کہ ہم وزیر اعلیٰ پنجاب مریم نواز کی ہدایت پر ہڑپہ میوزیم کو جدید سہولیات سے آراستہ کر رہے ہیں تاکہ آنے والے سیاح اور طلبہ یہاں سے مستفید ہو سکیں۔ انہوں نے کہا نئی گیلریوں کی بدولت نہ صرف ہڑپہ کی قدیم تاریخ کو محفوظ رکھنے میں مدد ملے گی بلکہ نوجوان نسل میں اپنے ثقافتی ورثے سے جڑی بھی رہے گی۔
کراچی میں متوقع شدید بارش کے پیش نظر انتظامیہ کو ہائی الرٹ رہنے کا حکم