ایران کی جنگ کے باعث آبنائے ہرمز بند کرنے کی دھمکی
اشاعت کی تاریخ: 18th, June 2025 GMT
data-id="863a0a8" data-element_type="widget" data-widget_type="theme-post-content.default">
ایران نے اسرائیل کے ساتھ جاری کشیدگی کے پیش نظر خبردار کیا ہے کہ وہ آبنائے ہرمز کو بند کرنے پر سنجیدگی سے غور کر رہا ہے۔
ایرانی پارلیمنٹ کی سکیورٹی کمیشن کے رکن اسماعیل کوثری نے مقامی میڈیا سے گفتگو میں بتایا کہ تہران آبنائے ہرمز کی بندش کے امکان کا بغور جائزہ لے رہا ہے۔
یہ پہلا موقع نہیں ہے کہ ایران نے ایسی وارننگ دی ہو۔ ماضی میں بھی ایران نے جوابی اقدام کے طور پر آبنائے ہرمز بند کرنے کی دھمکیاں دی ہیں، جو بین الاقوامی تجارت کو متاثر کرنے اور عالمی سطح پر تیل کی قیمتوں میں اتار چڑھاؤ کا باعث بنی ہیں۔
آبنائے ہرمز، جو خلیج فارس اور خلیج عمان کو آپس میں ملاتی ہے، دنیا بھر میں تیل کی تقریباً 3 فیصد اور قدرتی گیس (ایل این جی) کی 5 فیصد ترسیل کے لیے انتہائی اہم گزرگاہ ہے۔
ایران اور اسرائیل کے درمیان ممکنہ جنگ کے تناظر میں، یہ آبی گزرگاہ عالمی توانائی کی ترسیل اور تجارت کے لیے شدید خطرات کا شکار ہو گئی ہے۔
عالمی تجزیہ کاروں کے مطابق، آبنائے ہرمز کی بندش کی صرف دھمکی ہی عالمی منڈیوں میں تیل کی قیمتوں میں ہلچل مچانے کے لیے کافی ہے۔
.ذریعہ: Jasarat News
پڑھیں:
مودی پھر گیدڑ بھبھکیوں پر اتر آئے، پاکستان پر برہموس برسانے کی دھمکی
بھارت کے وزیراعظم نریندر مودی پاکستان سے حالیہ ناکامیوں اور عالمی سطح پر جگ ہنسائی کے باوجود باز نہ آئے اور ایک بار پھر جنگی زبان میں گیڈر بھبکیاں دیتے ہوئے پاکستان کو برہموس میزائل حملے کی دھمکی دے ڈالی۔’برہموس میزائل ڈپو تباہ ہوگیا‘، بھارتی ادارے نے پاکستانی مؤقف کی تصدیق کردی
یہ بھی پڑھیں:
ہندوستان ٹائمز کے مطابق اتر پردیش کے شہر وارانسی میں عوامی اجتماع سے خطاب کرتے ہوئے مودی نے کہا کہ اگر پاکستان نے دوبارہ کوئی گناہ کیا، تو یوپی میں بننے والے میزائل دہشتگردوں کو نیست و نابود کر دیں گے۔
مودی نے دعویٰ کیا کہ برہموس میزائل اب لکھنؤ میں تیار کیے جائیں گے، اور پاکستان میں صرف ان کا نام سن کر ہی نیندیں حرام ہو جاتی ہیں۔
تجزیہ کاروں کے مطابق مودی کا حالیہ بیان بھارت کے اندرونی سیاسی دباؤ کو پاکستان دشمن بیانیے سے چھپانے کی ایک اور کوشش ہے۔
یہ بھی پڑھیں:معرکہ بنیان مرصوص: کانگریسی رہنما نے بھارت کی عبرتناک شکست تسلیم کر لی
پاکستان کی جانب سے اب تک کوئی باضابطہ ردعمل سامنے نہیں آیا، تاہم ماضی کی طرح اس طرح کی دھمکیوں کو غیر سنجیدہ اور انتخابی فائدے کے لیے دی گئی بیانات قرار دیا جا رہا ہے۔
یاد رہے کہ پہلگام واقعے کو بنیاد بنا کر بھارت نے پاکستان کے خلاف نام نہاد ’آپریشن سندور‘ شروع کیا تھا، جس کا جواب پاکستان کی جانب سے ’آپریشن بُنیان مرصوص‘ کی صورت میں دیا گیا۔
اس چند روزہ چنگ کے دوران بھارت کو اپنے رافیل طیاروں سے محروم ہونے اور کئی ایئربیسز پر تباہی کا سامنا کرنا پڑا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آپریشن سندور برہموس میزائل بُنیان مرصوص پاکستان مودی
کراچی: چالان ہونے پر رکشہ ڈرائیور نے خود کو زخمی کر لیا