مذہبی یگانگت کے ذریعے دشمن کی سازش ناکام بنادیں گے، علامہ ڈاکٹر محمد حسین اکبر
اشاعت کی تاریخ: 26th, June 2025 GMT
علامہ ڈاکٹر محمد حسین اکبر کا کہنا ہے کہ عالم اسلام کی یگانگت کو بروئے کار لا کر دشمن کی ہر سازش ناکام بنادی جائے گی۔
اسلامی نظریاتی کونسل اجلاس کے موقعے پر بین المذاہب ہم آہنگی سے متعلق وی نیوز کے سوال کا جواب دیتے ہوئے انہوں نے کہا کہ آج پریس کانفرنس میں تمام مکاتیب فکر کے علما شریک ہوئے اور عالم کفر کے مقابلے کے لیے عملی طور پر یکجہتی کا مظاہرہ کیا گیا۔ ان کا کہنا تھا کہ یہود و ہنود جو ہماری جڑوں کو کھوکھلا کرنا چاہتے ہیں ان سے مقابلے کے لیے عالم اسلام کی یگانگت کو بروئے کار لا کر دشمن کی سازش کو ناکام بنائیں گے۔
علامہ ڈاکٹر محمد حسین اکبر نے کہا کہ کل سے محرم الحرام کا آغاز ہو رہا ہے جس میں امام حسین رضی اللہ تعالٰی عنہ کی یاد میں صف عزا بچھائی جائے گی۔
ان کا کہنا تھا کہ کانفرنسز منعقد کی جائیں گی۔ کربلا انسانیت کا سب سے بڑا مرکز ہے۔ ان کا مزید کہنا تھا کہ در حسین پر یہ نہیں دیکھا جاتا کہ آنے والا مسلمان ہے ہندو ہے، سکھ یا عیسائی ہے، یہ پوری انسانیت کے لیے کھلا ہے۔
علامہ ڈاکٹر محمد حسین اکبر نے کہا کہ آج کا یہ اجتماع چونکہ مسالک کے حوالے سے تھا اور تمام مسالک اپنے اپنے طور پر یاد حسین مناتے ہیں، لہٰذا تمام امت کو پیغام دیا گیا کہ وطن عزیز کی سالمیت اور عالم اسلام کی وحدت کے لیے ہم سب ایک ہیں۔
انہوں نے کہا کہ آج کے اس اجتماع میں تمام مکاتب فکر کے علما اکٹھے تھے اور عوام کے لیے پیغام تھا کہ اگر تمام مسالک کے علما اکٹھے ہیں تو ہمیں بھی وحدت کا مظاہرہ کرنا چاہیے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
در حسین صف عزا عالم اسلام علامہ ڈاکٹر محمد حسین اکب غم حسین کربلا.ذریعہ: WE News
کلیدی لفظ: عالم اسلام علامہ ڈاکٹر محمد حسین اکب کربلا علامہ ڈاکٹر محمد حسین اکبر عالم اسلام نے کہا کہ تھا کہ
پڑھیں:
جعفریہ الائنس کی جانب سے کراچی میں اہتمام عزاداری کانفرنس، علماء و ذاکرین کی بڑی تعداد شریک
کانفرنس میں شریک رہنماؤں نے کہا کہ امام حسینؑ کا پیغام حریت ہی ہے کہ آج باطل کے خلاف مظلوم قوتیں اپنی بھرپور طاقت کا اظہار کررہی ہیں اور انہیں ہر میدان میں شکست دے رہی ہیں۔ رہنماؤں نے ایرانی پر حالیہ اسرائیلی اور امریکی جارحیت کی مذمت کی اور رہبر معظم آیت اللہ سید علی خامنہ ای کی جرات و بہادری کو خراج تحسین پیش کیا۔ اسلام ٹائمز۔ جعفریہ الائنس پاکستان کی جانب سے سالہائے گزشتہ کی طرح امسال بھی نشتر پارک میں اہتمام عزاداری کانفرنس کا انعقاد کیا گیا۔ کانفرنس کی صدارت بزرگ عالم دین علامہ رضی جعفر نقوی نے کی جبکہ میزبانی کے فرائض سید شبر رضا نے انجام دیئے۔ کانفرنس میں کراچی بھر کی شیعہ جماعتوں اور اکابرین ملت نے شرکت کی۔ کانفرنس میں علامہ باقر حسین زیدی، علامہ عقیل موسیٰ، علامہ شیخ صادق جعفری، علامہ اصغر شہیدی، علامہ فرقان حیدر عابدی، علامہ نثار قلندری، علامہ کامران حیدر عابدی، علامہ بدرالحسن عابدی، شمس الحسن شمسی، سرور علی، غفران مجتبیٰ نقوی، ایس ایم نقی، غیور عباس سمیت علماء کرام، ذاکرین عظام اور تنظیمی شخصیات کی بڑی تعداد شریک تھی۔
کانفرنس میں ایم ڈبلیو ایم، شیعہ علماء کونسل، آئی ایس او، مرکزی تنظیم عزا، مرکزی تنظیم عزاداری، تنظیم عزاداران کراچی، پاک محرم ایسوسی ایشن، مجلس ذاکرین امامیہ، ہیئت آئمہ مساجد و علمائے امامیہ سمیت شیعہ مساجد کے ٹرسٹیز، ماتمی انجمنوں، اسکاؤٹس تنظیمیں، پرمٹ ہولڈرز، بانیان مجالس، بانیان جلوس عزا سمیت دیگر نے بھی شرکت کی۔ اس موقع پر اپنے خطاب میں علامہ رضی جعفر نقوی نے کہا کہ عزاداری امام حسینؑ ہماری شہ رگ حیات ہے، عزاداری کرنا ہمارا حق ہے اور عزاداری ہم کرتے رہیں گے، عزاداری پر کسی قسم کا سمجھوتہ قابل قبول نہ تھا نہ ہوگا، تاریخ گواہ ہے کہ طاقت اور بندوق کے زور پر حسینیت کا مٹانے کی ہر دور میں سازشیں ہوتی رہی، ہمیشہ حسینیت کو مٹانے والے خود ہی مٹتے رہے، تمام مسلمان امام حسینؑ کی تعلیمات پر عمل کرتے ہوئے محرم الحرام کے دوران اتحاد کا پرچم تھامے رکھیں۔
کانفرنس میں شریک رہنماؤں کا کہنا تھا کہ امام حسینؑ انسانیت کے امام ہیں جن کا پیغام بقائے انسانی کی ضمانت ہے، امام حسینؑ نے اسلام کے آفاقی پیغام کو بہترین انداز میں پیش کیا، امام حسینؑ نے ظلم و ستم کو سہہ کر حق و باطل کے درمیان حد فاصل کھینچ دی ہے، امام حسینؑ نے حق گوئی و شہادت کی ایسی عظیم مثال قائم کی کہ وہ رہتی دنیا کیلئے آزادی، مساوات اور جمہوریت کی علامت بننے کیساتھ اقامت دین و تحریکات اسلامی کیلئے چشمہ ہدایت بن گئے۔ رہنماؤں نے کہا کہ امام حسینؑ کا پیغام حریت ہی ہے کہ آج باطل کے خلاف مظلوم قوتیں اپنی بھرپور طاقت کا اظہار کررہی ہیں اور انہیں ہر میدان میں شکست دے رہی ہیں۔ رہنماؤں نے ایرانی پر حالیہ اسرائیلی اور امریکی جارحیت کی مذمت کی اور رہبر معظم آیت اللہ سید علی خامنہ ای کی جرات و بہادری کو خراج تحسین پیش کیا۔
رہنماؤں نے مزید کہا کہ ہم عزاداری امام حسینؑ پر کسی پابندی کو برداشت نہیں کریں گے، پنجاب کی حکومت نے مشی امام حسینؑ کے خلاف اقدام کرکے اپنی اہل بیت دشمنی کا ثبوت دیا ہے، سندھ کی صوبائی اور شہری حکومت سے مطالبہ کرتے ہیں کہ محرم الحرام سے قبل بلدیاتی مسائل حل کئے جائیں، گورنر سندھ، وزیراعلی سندھ، میئر کراچی عزاداران امام حسین کو سہولت فراہم کریں،مساجد و امام بارگاہ، جلوس عزا کے روٹس سمیت مجالس عزا کے مقامات کی سیکورٹی کو بھی فول پروف بنایا جائے، عزاداری کے مقامات کو لوڈشیڈنگ سے مستثنیٰ قرار دیا جائے اور کے الیکٹرک کو پابند بنایا جائے کہ مجالس اور جلوس کے دوران لوڈشیڈنگ سے گریز کرے بصورت دیگر کسی بھی ناخوشگوار واقعہ کی ذمہ داری کے الیکٹرک اور حکومت پر ہوگی۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی