ایران اسرائیل جنگ کا خاتمہ
اشاعت کی تاریخ: 27th, June 2025 GMT
ایران اسرائیل جنگ آخر کار ختم ہو گئی۔ 10جون 2025کو امریکی صدر جناب ٹرمپ کیمپ ڈیوڈ میں اپنے چند حواریوں سے ملے ۔وہاں پران کو ایک بریفنگ دی گئی جس کے نتیجے میں طے پایا کہ اسرائیل اب ایران پر حملہ کر دے۔امریکا پہلے ہی ایران پر حملے کا فیصلہ کر چکا تھا۔وکی لیکس کے مطابق صدر ٹرمپ کا سعودی عرب و خلیجی ممالک کا حالیہ دورہ بظاہر تو جو بھی مقاصد لیے ہوئے تھا لیکن اصل مقصد تیل کی دولت سے مالا مال ان ممالک کو براہِ راست یہ حکم پہنچانا تھا کہ ایران اسرائیل جنگ کے تمام اخراجات یہ ریاستیں اٹھائیں گی۔
اسرائیل کے وزیرِ اعظم نتن یاہو نے امریکا کا گرین سگنل ملنے پر تیرہ جون علی الصبح ایران پر حملہ کر دیا۔اسرائیل پچھلے لمبے عرصے سے اپنے عرب ہمسایوں کو مار رہا تھا۔اسے غرور اور تکبر تو تھا ہی لیکن اسے یہ خوش فہمی بھی ہو گئی کہ وہ کسی بھی قوم کو جھکنے پر مجبور کر سکتا ہے۔اسرائیل نے اپنے قیام سے ابتک اپنی فضاؤں سے آگ برستی نہیں دیکھی تھی۔امریکا نے 10جون کو ایران پر حملے کے فیصلے سے پہلے ہی دھوکہ دہی کا ڈول مذاکرات کی شکل میں ڈال رکھا تھا۔
ایرانی قیادت اس دھوکے میں آ گئی کہ جب تک مذاکرات ہو رہے ہیں،حملہ نہیں ہو گا۔اس خام خیالی کا ایران کو بہت بڑا نقصان ہوا۔ایران کے انفراسٹرکچر کو تو جو نقصان پہنچنا تھا،سو پہنچا لیکن اس کی انتہائی تربیت یافتہ ملٹری قیادت موت کے منہ میں چلی گئی۔ایرانی افواج اور پاسدارانِ انقلابِ کے سربراہوں کے علاوہ اعلیٰ ترین قیادت پہلے دن کے اسرائیلی حملے کی نذر ہو گئی۔ایران کی نیوکلیئر قیادت بھی حملے کا شکار ہوئی۔ایران کے اداروں میں موجودہ حکومت کے مخالفین اور اسرائیلی موساد کے ایجنٹوں کی بھرمار دیکھی گئی۔شاید یہ حالیہ تاریخ کی سب سے بڑی انٹیلی جنس ناکامی تھی۔
پہلے دن کے اسرائیلی حملے کے نتیجے میں بے پناہ جانی،مالی و انفرا سٹرکچر نقصانات سے سنبھلنے میں ایران کو ایک آدھ دن لگا لیکن پھر ایران نے عزم و حوصلے سے طاقتور انگڑائی لی اور اسرائیلی شہروں،فوجی تنصیبات اور خاص کر اسرائیلی انٹیلی جنس ایجنسی موساد کے ہیڈ کوارٹر کو اپنے میزائلوں سے نشانہ بنانا شروع کیا۔ساری دنیا یہ سمجھتی تھی کہ اسرائیل اتنا طاقتور ہے اور اس کا فضائی دفاع اتنا مضبوط ہے کہ اس کے خلاف کوئی بھی فوجی کارروائی موثر نہیں ہو سکتی۔اسرائیل کی فضائیہ بہت اچھی اور بہت تربیت یافتہ ہے۔
یسی ایئرفورس کسی بھی ملک کے دفاع کی ریڑھ کی ہڈی ہوتی ہے ۔آج کل لڑاکا جہازوں کے مابین ڈاگ فائیٹ بہت شاذ و نادر ہے ۔آج تو میزائل ایک قوت و رفتار کے ساتھ اپنا پے لوڈ لے کر اُٹھتے ہیں اور ہدف کو نشانہ بنانے کے لیے لپکتے ہیں۔یہ ٹیکنالوجی اگر امریکا و اسرائیل کے پاس ہے تو ایران بھی میزائل اور ڈرون ٹیکنالوجی میں بہت پیش رفت کر چکا ہے۔ایران نے بہت سمجھ بوجھ کے ساتھ پہلے دو دن بے شمار ڈرون اور کم مہلک میزائل فائر کیے جنہیں انٹرسپٹ کرنے کے لیے اسرائیلی فضائی دفاعی نظام حرکت میں آیا۔پہلے دو دن اسرائیلی نظام نے قدرے بہتر کارکردگی دکھائی اور ایران کے صرف بیس فیصد میزائل کارگر رہے،پھر بھی اسرائیلی افواج اور عوام کو دن میں تارے نظر آنے لگے۔
دو دن کے ابتدائی ایرانی حملوں کو روکتے روکتے اسرائیلی دفاعی نظام تھکنے لگا تو ایران نے اپنے زیادہ مہلک ہتھیاروں سے حملہ شروع کر دیا تب اسرائیل کا دفاعی نظام بالکل بیٹھ گیا۔ ایران کے اکثر میزائل اہداف کو نشانہ بنانے لگے۔ اسرائیل میں ہر طرف تباہی و بربادی کے مناظر دیکھنے کو ملے۔اسرائیلی عوام بنکروں میں چھپ گئی جس سے ان کا جانی نقصان تو کم ہوا لیکن اسرائیلی انفراسٹرکچر کو پہلی دفعہ کھنڈر بنتے دیکھا گیا۔
صدر ٹرمپ اور انکی ٹیم پہلے تو یہ کہتی رہی کہ یہ اسرائیل کا اپنا اقدام ہے،امریکا اس میں شامل نہیں ہے لیکن جب اسرائیل سے چیخ و پکار اٹھنے لگی تو امریکا نے پینترا بدلا۔اس موقع پر بھی دنیا کے سامنے کہا گیا کہ حملہ کرنے یا نہ کرنے سے متعلق فیصلہ دو ہفتوں میں ہو گا۔ یاد رہے کہ دو ہفتے صدر ٹرمپ کی پسندیدہ دھوکہ بازی ہے وہ اکثر موقعوں پر ایسا ہی کہتے رہے ہیں لیکن کرتے کچھ اور ہیں۔ٹرمپ اور نتن یاہو جنگ کے دوران روزانہ تبادلہ خیالات کر رہے تھے۔جنگ کے نویں روز دونوں کے درمیان طے پایا کہ اسرائیل کو مکمل تباہی سے بچانے کے لیے اب امریکا کو براہِ راست جنگ میں حصہ لینا ہوگا۔
امریکا نے فوجی کارروائی کے لیے اپنے بی ٹو بمبار طیاروں کو استعمال کیا۔ایران کے تین نیوکلیئر مقامات نطنز،اصفہان اور فردو کو بنکر بسٹر بموں سے نشانہ بنایا گیا۔اس فوجی کارروائی کی تکمیل کے فوراً بعد صدر ٹرمپ نے وائٹ ہاؤس سے اعلان کیا کہ امریکا نے ایران کے نیوکلیئر پروگرام کو مکمل طور پر ختم کر دیا ہے۔یہ ایک بہت بڑا دعویٰ ہے لیکن صدر ٹرمپ کوئی چھوٹی بات تو کر تے نہیں ۔سوال پیدا ہوتا ہے کہ 60میٹر تک کی گہرائی میں مار کرنے والا بم اس سے کہیں زیادہ گہرائی میں قائم ایٹمی پلانٹ کو کیسے مکمل تباہ کر سکتا ہے۔
امریکی انٹیلی جنس رپورٹ کے مطابق ایرانی ایٹمی پلانٹ تباہ نہیں ہوئے،اسٹیلائٹ تصاویر بھی اسی بات کی گواہی دے رہی ہیں۔مشہور امریکی نیوز چینلز بشمول CNNبھی یہی کہہ رہے ہیں کہ مکمل تباہی نہیںہوئی۔خبروں کے مطابق امریکیوں نے تین ایٹمی تنصیبات پر حملے سے پہلے ایران کو آگاہ کر دیا تھا۔ یہ عین ممکن ہے کہ جنگ شروع ہوتے ہی ایرانیوں نے افزودہ یورینیم کو کسی محفوظ مقام پر منتقل کر دیا ہو گو کہ یہ منتقلی آسان نہیں۔دوسرا امریکی پیشگی اطلاع بھی مدد گار رہی ہو۔غالب امکان یہی ہے کہ ایران کے پاس افزودہ یورینیم بچ گیا ہو۔جنگ شروع ہونے سے پہلے ایران کے پاس کم از کم 9ایٹم بم بنانے کے لیے 60فیصد افزودہ یورینیم موجود تھی۔اسرائیلی اور امریکی حملوں کے بعد کسی بھی ایرانی نیوکلر مقام سے نہ تو تابکاری کا اخراج رپورٹ ہوا اور نہ ہی افزودہ یورینیم کے پھٹنے سے پیدا ہونے والا زلزلہ ریکارڈ ہوا۔ان شواہد سے تو یہی عیاںہے کہ جناب ٹرمپ کا بیان حقیقت پر مبنی نہیں۔ہاں نیوکلیئر پروگرامDegradeہوا۔
امریکی فضائی حملے کے بعد ایران نے اعلان کیا کہ وہ بدلہ لے گا۔اس وقت سعودی عرب،عراق اور قطر میں امریکی فوجی اڈے موجود ہیں۔امریکا نے فوراً ضروری احتیاطی تدابیر بروئے کار لائیں۔ادھر ایران نے حملے سے پہلے امریکا کو جانکاری بھی دے دی۔
ایرانی حملے میں قطر اور وہاں موجود امریکی فوجی اڈے کو کوئی نقصان نہیں ہوا۔ایران کبھی امریکا کا نقصان کرتا بھی نہیں۔جنرل سلیمانی کے قتل کے بعد ایران نے عراق کے اندر امریکی فوجی اڈے کو نشانہ بنایا تو تب بھی کوئی نقصان نہیں ہوا تھا۔قطر میں امریکی فوجی اڈے پر ایرانی حملے کے فوراً بعد امیرِ قطر نے صدر ٹرمپ سے رابطہ کر کے جنگ بندی کی اپیل کی۔ٹرمپ نے امیرِ قطر کو کہا کہ آپ جنگ بندی کے لیے ایران کی رضا مندی حاصل کریں۔امیرِ قطر نے ایرانی صدر سے بات کر کے رضا مندی حاصل کی اور صدر ٹرمپ کو آگاہ کر دیا۔صدر ٹرمپ نے نتن یاہو کوجنگ بندی کا کہہ دیا یوں وہ جنگ جو امریکی حملے اور ایران کے بظاہر جوابی حملے سے ایک عالمی جنگ کا روپ دھار رہی تھی،فوری جنگ بندی پر منتج ہوئی۔
ایران اسرائیل جنگ پاکستان کے لیے بہت تشویش کا باعث تھی۔ایران پاکستان کا پڑوسی اور مسلم ملک ہے،ایرانی نقصان پر ساری پاکستانی قوم رنجیدہ ہوتی ہے۔اس جنگ کی وجہ سے جنگ پاکستان کے پڑوس میں پہنچ گئی تھی۔پڑوس میں آگ لگی ہو تو گھر کو بچانا اولین ترجیح ہوتی ہے۔جنگ کے شروع میں اسرائیل اور جنگ کے دوران امریکا نے جو اہداف مقرر کیے تھے ان میں سے ایران کے اندر حکومت تبدیلی کا ہدف تو بالکل ناکام دکھائی دیا،سابق ایرانی ولی عہد رضا پہلوی دیوارِ گریہ پر یہودی بن کر پیشانی رگڑنے کے بعد تخت سنبھالنے کے لیے تیار بیٹھے رہ گئے۔
ایرانی ایٹمی تنصیبات بھی شاید مکمل تباہی سے دوچار نہیں ہوئیں۔اسرائیل کو پہلے دن بڑی کامیابی ملی لیکن پھر جنگ کے شعلے اس کے اپنے دامن کو جلانے لگے۔پاکستان کے پاس تو امریکا،اسرائیل ،بھارت اور مغربی ممالک کی مرضی کے خلاف ایٹم بم ہے۔ہمیں اپنے دامن کو سمیٹ کر،جنگوں سے بچ کر اپنے دفاع اور معیشت کو مزید مضبوط بنانا ہے اور بہت چوکس رہنا ہے۔خدا پاکستان پر اپنی رحمت کا سایہ کرے۔
.
ذریعہ
ذریعہ: Express News
کلیدی لفظ: ایران اسرائیل جنگ امریکی فوجی اڈے افزودہ یورینیم امریکا نے ایران نے ایران پر ایران کے سے پہلے نہیں ہو حملے کے کر دیا جنگ کے کے پاس کے لیے کے بعد
پڑھیں:
امریکا ایران جنگ سے معاشی بحران پیدا ہوا ہے اور مہنگائی بھی بےتحاشہ بڑھ گئی ہے
اسکردو (اردوپوائنٹ اخبار تازہ ترین۔ انٹرنیشنل پریس ایجنسی ۔ 02 جون 2026ء ) چیئرمین پاکستان پیپلز پارٹی بلاول بھٹو زرداری نے اسکردو کے مین بازار میں انتخابی جلسہ سے خطاب کرتے ہوئے کہا کہ گزشتہ انتخابی مہم میں آپ کے پاس آیا تھا اور جی بی کی ہر تحصیل میں گیا اور پورے جی بی کا دورہ کیا اور اسی وقت سے کہہ سکتا ہوں کہ جتنا جی بی میں نے دیکھا ہے وہ کسی سیاستدان نے نہیں دیکھا۔ ساری جماعتوں کے دورے ملا کر بھی ہمارے دوروں کے مقابلے میں کم ہیں۔ ہمارا صرف سیاسی رشتہ نہیں بلکہ نسلوں کا ساتھ ہے۔ میں یہ مہم بھی گزشتہ انتخابی مہم کی طرح کرنا چاہتا تھا۔ گزشتہ انتخابات میں خوشی کو ماحول تھا لیکن اب ہم سب کے لئے غم کا ماحول ہے۔ ایران میں جو شہادتیں ہوئیں ہیں، بچیوں کو شہید کیا ہے یہ غم کا ماحول ہے۔(جاری ہے)
جس طرح رمضان میں آیتہ اللہ خامنئی کو ان کی نواسی کے شہید کیا گیا وہ انتہائی قابل مذمت ہے۔
پاکستان پیپلزپارٹی امن پسند اور جنگ کے خلاف ہے۔ یہ کہانی ایران تک نہیں فلسطین اور لبنا ن میں بھی بے گنا ہ لوگوں شہید کیا گیا۔ فیلڈ مارشل امن کی جو کوشش کر رہے ہیں ہیں ہم سب دعاگو ہیں کہ یہ کوشش کامیاب ہو ۔ پوری مسلم دنیا اور دنیا بھر کے نوجوان اس جنگ کا بوجھ اٹھا رہے ہیں۔ اس جنگ سے معاشی بحران پیدا ہوا ہے اور مہنگائی بھی بے تحاشہ بڑھ گئی ہے اس لئے ہم اس جنگ کو ختم ہوتا دیکھنا چاہتے ہیں۔انہوں نے کہا کہ پی پی پی کی سیاست باقی جماعتوں سے مختلف ہے۔ ہم پسماندہ طبقہ کی نمائندگی کرتے ہیں۔ ان کو حقوق دیتے ہیں اور غریب کا سوچتے ہیں۔ ہم سمجھتے ہیں کہ ملک کی ترقی پسماندہ طبقے کی ترقی سے ہے۔ باقی جماعتیں امیروں کو مزید امیر بنانے کی پالیسی اختیار کرتے ہیں اور اسے نام ترقی کا دیا جاتا ہے۔ کسانوں، مزدوروں، نوجوانوں کی ترقی اصل ترقی ہے۔ قائد عوام شہید ذوالفقار بھٹو نے کسانوں کو زمین مہیا کی۔ شہید محترمہ بینظیر بھٹو کے لئے عوام کا نعرہ تھا “بینظیر آئے گی، روزگار لائے گی”۔ صدر زرداری نے اپنے پہلے دورِ حکومت میں بی آئی ایس پی بنا کر روٹی، کپڑا اور مکان کو عملی شکل دی۔ بطور وزیرخارجہ مجھ سے دوسرے ممالک پوچھتے تھے کہ ہم بی آئی ایس پی کے ذریعے اپنے غریبوں کی بھی مدد کرنا چاہتے ہیں۔ بدقسمتی اس ملک کی یہ ہے کہ ہمارے سیاستدان اور سیاسی جماعتیں ایسی ہیں کہ وہ سوچتی ہیں کہ اپنے امیر دوستوں کے لئے مراعات کیسے دیں اور وہ بی آئی ایس پی کی غریبوں کی مدد ختم کرنا چاہتے ہیں۔ یہ بی آئی ایس پی کی مدد پورے ملک کے غریب عوام کو ملتی ہے۔ ماﺅوں کی دعاﺅں کی وجہ سے ان کی بی آئی ایس پی کوختم کرنے کی سازش ناکام ہوگی۔ وزیراعظم آنے والے بجٹ میں بی آئی ایس پی میں اضافے کا اعلان کریں گے۔چیئرمین بلاول بھٹو زرداری نے کہا کہ پی پی پی نے ملک کی دفاعی صلاحیت مضبوط کی ہے۔ اس وقت پاکستان واحد مسلم ایٹمی طاقت ہے اور کوئی پاکستان کی طرف میلی آنکھ سے دیکھ نہیں سکتا۔ یہ شہید ذوالفقار علی بھٹو نے تحفہ دیا ہے۔ وہ گڑھی خدا بخش سے پاکستان کا دفاع کر رہے ہیں۔ شہید بی بی نے میزائل ٹیکنالوجی دی کہ وہ اس بم کو لے کر دشمن تک پہنچ سکتے ہیں۔ آج پاکستان کا دفاع اسی وجہ سے ناقابل تسخیر ہے۔ اس کے بعد مشرف کا دور گزرا کہ جب دوسرے ممالک کو Bases بنانے کی اجازت دی گئی۔ صدر زرداری نے سلالہ واقعے کے بعد سارے Bases کو بند کیا۔ جب حال ہی میں مختلف ممالک میں بم دھماکے ہو رہے تھے تو میں نے کہا کہ شہید ذوالفقار علی بھٹو کے بم اور شہید بی بی کا ذکر کروں گا تو صدر زرداری کو بھی خراج تحسین پیش کروں گا۔ہم چاہتے ہیں کہ پاکستان ہر لحاظ سے مضبوط ہو صرف پی پی پی ہی معاشی طور پر یہ کام کر سکتی ہے۔ یہ تین نسلوں کی جدوجہد ہے۔ شہید ذوالفقارعلی بھٹو نے سرداری نظام ختم کیا۔ FCR کا خاتمہ کیا۔ قائدعوام نے بلتستان کی سرزمین پر کھڑے ہو کر اعلان کیا تھا کہ گھاس کھائیں گے لیکن ایٹم بم بنائیں گے۔ گندم اور پٹرول پر سبسیڈی قائدعوام نے دی۔انہوں نے کہا کہ ہم نے یہ سب کچھ جدوجہد سے حاصل کیا۔ جی بی کو پہلے ناردرن ایریا کہتے تھے صدر زرداری نے جی بی کا نام دیا۔ اب ہم نے مل کر جدوجہد کرکے شہید ذوالفقار علی بھٹو اور شہید بی بی کے مشن کو مکمل کرنا ہے۔ ہمیں تین اصولوں حق حاکمیت ، حق ملکیت اور حق روزگار پر عمل کرنا ہوگا۔ یہ تب ہوگا جب اٹھارہویں ترمیم کے مطابق دیگر صوبوں کی طرح حقوق جی بی کو بھی ملیں۔آپ کے پہاڑوں کے نیچے جو وسائل ہیں ان پر حق جی بی کے عوام کا ہے۔ وسائل پر پہلا حق جی بی کے عوام ہے اور اگر یہ حق ملکیت مل جائے تو پاکستان کی ترقی ہوگی جس طرح تھر کے کوئلے سے پورا پاکستان مستفید ہو رہا ہے۔ شہید بی بی نوے کی دہائی میں یہ منصوبہ شروع کرنا چاہتی تھیں لیکن اس کے راستے میں رکاوٹیں ڈالی گئیں۔ ہم نے یہ منصوبہ 2015 میں شروع کیا اور اس منصوبے کے سربراہ سندھ کے وزیراعلیٰ کو بنایا۔ اس منصوبے میں روزگار کا 80 فیصد تھر کے عوام کو دیا گیا۔ تھر کے منصوبے سے تھرکے عوام کو مفت بجلی دیتے ہیں۔ ہم نے تھر کے عوام کو تھر کول منصوبے میں ان کا شئیر دینا چاہا لیکن ان لوگوں نے پیسے لے لئے لیکن آپ کو اپنے وسائل میں شیئر لینا چاہیے۔ CPEC کا سب سے بڑا منصوبہ تھرکو ل کا ہے۔ جب آپ کو حق ملکیت ملے گا تو آپ وسائل کے حصہ دار ہوں گے۔چیئرمین بلاول بھٹو زرداری نے کہا کہ ہماری کوشش ہوتی ہے کہ ہم ملازمتوں کے مواقع پیدا کریں لیکن دوسرے لوگ غریبوں کا روزگار چھینتے ہیں۔ یہ سمجھتے ہیں کہ امیر کو اور امیر بنائیں گے تو وہ نوکریاں دیں گے لیکن ایسا نہیں ہوتا۔ ہماری سیاست عوام دوست اور غریب دوست ہے جبکہ دیگر لوگوں کی سیاست غریب دشمن اور امیردوست ہوتی ہے۔ اس لئے تیر پر مہر لگا کر غریب دوست حکومت بنائیں۔چیئرمین بلاول بھٹو زرداری نے کہا میں جانتا ہوں کہ آپ کے ہاں بارشوں اور سیلاب سے بہت نقصان ہوتا ہے۔ سندھ میں بھی 2022 میں سیلاب آیا اور دو تہائی سندھ پانی کے نیچے چلا گیا۔ اس وقت سارے غریب لوگ مطالبہ کر رہے تھے کہ انہیں گھر بنا کر دئیے جائیں۔ یہ پاکستان کی پہلی حکومت جس نے غریب لوگوں کو گھر بنا کر دئیے۔ میں کسی صوبے سے نہیں عالمی سطح پر مقابلہ کرتا ہوں اور 20 لاکھ گھر بنانے بنانے کا منصوبہ دنیا میں سب سے بڑا منصوبہ ہے اور یہ گھر موسمیاتی تبدیلیوں کا سامنا کر سکتے ہیں۔ خواتین کو ان گھروں کا مالک بنایا اور زمین کی یہ منتقلی قائد عوام کے بعد سب سے بڑا منصوبہ ہے کیونکہ یہ زمین بھی خواتین کے نام کر رہے ہیں۔ 7 جون کو تیر پر مہر لگائی تو اسی طرح جی بی کی خواتین کو بھی گھر بنا کر دیں گے۔ ہم غریب اور عوام دوست ہیں اسی لئے بی آئی ایس پی اور گھروں کا منصوبہ دیتے ہیں ۔ سندھ میں ہسپتال بنائے، سندھ کا این آئی سی وی ڈی، این آئی سی ایچ، ایس آئی یوٹی اور ڈاﺅ میڈیکل کالج سے لے کر گمبٹ تک دل ، گردے، کینسر اور جگر کا علاج پورے پاکستان کے عوام کو مفت مہیا کرتے ہیں۔ دیگر صوبے ہسپتالوں کی نجکاری کرتے ہیں تاکہ ان کے امیر دوستوں کو فائدہ ہو۔ وسائل نہ ہونے کی وجہ سے کسی کو علاج سے محروم نہیں کیا جا سکتا۔ چیئرمین بلاول بھٹو زرداری نے کہا کہ 7جون کو انشااللہ جی بی کے عوام باہر نکلیں گے اور تیر پر مہر لگاکر پیپلزپارٹی کی حکومت بنائیں گے تاکہ حق حاکمیت، حق ملکیت اور حق روزگار، مفت علاج کے ادارے اور گھر بنانے کا منصوبہ شروع ہو سکے۔ ہم پبلک پرائیویٹ پارٹنرشپ سے جی بی کے عوام کی خدمت کریں گے اور آپ کو معاشی طور پر مضبوط کریں گے۔ شہید ذوالفقار علی بھٹو کے دور میں انہوں نے ڈاکٹر مبشر حسن کو ایک تحقیق کرنے کو کہا تھا جس سے 70 کی دہائی میں یہ بات سامنے آئی کہ جی بی میں ہم 50ہزار میگا واٹ بجلی بنا سکتے ہیں جو ہم بنا کر دکھائیں گے۔ یہ منصوبہ اسلام آباد میں کوئی بیوروکریٹ نہیں ہم اور آپ مل کر بنائیں گے اور اسلام آباد کو بجلی بیچیں گے۔ 7تاریخ کو اس صوبے کے عوام کو سوچنا ہے کہ آپس میں لڑ کر کسی اور کو فائدہ نہ پہنچائیں۔ پی پی پی کو بھاری اکثریت ملتی ہے تو ہم مسائل حل کر سکتے ہیں۔ ہم نے سکردو کو وزیراعلی اور گورنر دیا۔ یہ صرف مہدی شاہ کی عزت نہیں بلکہ سکردو کے عوام کی عزت ہے۔ اب میدان میں نئی نسل آگئی ہے اور آپ کے ووٹ اور ساتھ کی وجہ سے توقیر شاہ کو سکردو 1 سے جتوائیں گے۔ آپ سکردو 2 میں محمد علی شاہ کو ووٹ دیںسکردو 3 سے فدا محمد ناشاد کو جتوانا ہے۔ اسکردو4 میں راجہ ناصر علی خان کو منتخب کرنا ہے۔ خرمنگ کے اقبال حسین کو جتوانا ہے۔ گزشتہ انتخابات میں شگر سے عمران ندیم کو نہیں جیتنے دیا گیا تھا لیکن اس مرتبہ انہیں جتوانا ہے اور گھانچے1 سے ڈاکٹر عاشق حسین کو منتخب کرنا ہے۔ گھانچے 2 میں میری امیدوار آمنہ انصاری ہیں اور گھانچے 3 میں انجینئر محمد اسماعیل ہیں۔ میں چاہتا ہوں کہ انجینئر محمد اسماعیل کے حلقے سے جی بی ہاﺅسنگ اینی شئیٹو شروع کروں۔ چیئرمین بلاول بھٹو زرداری نے تمام امیدواروں سے ہاتھ کھڑے کروا کر وعدہ لیا کہ وہ منتخب ہوکر عوام کی خدمت کریں گے۔ انہوں نے عوام سے بھی وعدہ لیا کہ 7جون کو تیرپر مہر لگائیں تاکہ شہید قائد عوام اور شہید بی بی کے مشن کو مکمل کیا جا سکے۔ چیئرمین بلاول بھٹو زرداری نے کہا کہ وہ پہلی مرتبہ آصفہ بی بی کو لے کر سکردو آئے ہیں اور اس امید کا اظہار کیا کہ جس طرح بلتستان کے عوام نے انہیں کبھی مایو س نہیں کیا اسی طرح بی بی آصفہ کو بھی مایوس نہیں کریں گے۔ خطاب کے آخر میں چیئرمین بلاول بھٹو زرداری نے عوام کے ساتھ مل کر پارٹی کے لئے نعرے لگوائے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ