آن لائن کھلی کچہری کا مقصد عوامی مسائل کے فوری حل کرنا ہے ‘محمد یوسف
اشاعت کی تاریخ: 28th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر)نیو کراچی ٹاؤن میں شہریوں کی سہولت اور مسائل کے فوری حل کے لیے چیئرمین نیو کراچی ٹاؤن محمد یوسف کی زیر صدارت آن لائن کھلی کچہری کا انعقاد کیا گیا۔ خصوصی آن لائن سیشن میں واٹر اینڈ سیوریج بورڈ، سندھ سالڈ ویسٹ مینجمنٹ بورڈ، سوئی سدرن گیس کمپنی اور نیو کراچی ٹاؤن انتظامیہ کے متعلقہ محکموں کے افسران بھی شریک ہوئے۔کھلی کچہری میں شہریوں کو اپنے مسائل براہِ راست چیئرمین اور افسران کے علم میں لانے کا موقع دیا گیا، جسے عوامی حلقوں میں نہایت سراہا گیا۔آن لائن کھلی کچہری میں نیو کراچی کے مختلف علاقوں کے مکینوں نے پانی کی قلت، نکاسی آب کی خراب صورتحال، گلی محلوں میں صفائی کے ناقص انتظامات، سندھ سالڈ ویسٹ مینجمنٹ بورڈکی تاخیر سے اٹھائے جانے کی وجہ سے جگہ جگہ کچرے کے ڈھیر کے حوالے سے اپنی شکایات پیش کیں۔ عوام نے اس بات کا اظہار کیا کہ متعدد بار درخواستوں اور شکایات کے باوجود متعلقہ اداروں کی جانب سے مسائل کا بروقت حل نہیں ہو پارہاہے جس کی وجہ سے عوام پریشانی سے دوچار ہیں۔ چیئرمین نیو کراچی ٹاؤن محمد یوسف نے عوامی شکایات پر فوری ایکشن لیتے ہوئے تمام محکموں کے افسران کو شکایات کا نوٹس لینے اور فوری عملدرآمد کے احکامات جاری کیے۔چیئرمین محمد یوسف نے کہا کہ نیو کراچی ٹاؤن انتظامیہ شہریوں کے مسائل حل کرنے کے لیے ہر ممکن اقدام کر رہی ہے اور آن لائن کھلی کچہری کا مقصد بھی یہی ہے کہ عوام بلا جھجھک اپنی شکایات آسانی سے متعلقہ محکموں تک پہنچا سکیں تاکہ ان کی شکایات پر فوری کارروائی عمل میں لائی جائے۔ اْن کا کہنا تھا کہ عوامی مسائل کا ازالہ ہماری اولین ترجیح ہے اور آئندہ بھی اس سلسلے کو جاری رکھا جائے گا تاکہ ہر شہری کو بلدیاتی سہولیات میسر آ سکیں اور مسائل کا حل ان کی دہلیز پر ممکن بنایا جا سکے۔
.
ذریعہ: Jasarat News
کلیدی لفظ: نیو کراچی ٹاو ن محمد یوسف
پڑھیں:
یونیورسٹی روڈ پرترقیاتی کام عوام کیلئے سہولت نہیں عذاب بن چکا ہے، علی خورشیدی
ایک بیان میں اپوزیشن لیڈر سندھ نے کہا کہ ٹریفک پلان کے بغیر سڑکیں بند کرنا ایک ناقابلِ معافی جرم ہے، صوبائی حکومت فوری طور پر ایک موثر متبادل ٹریفک پلان جاری کرے اور عوامی نمائندوں کو اعتماد میں لے کر ترقیاتی کاموں کی رفتار تیز کرے تاکہ کراچی کے شہریوں کی مشکلات کا فوری ازالہ ہو سکے۔ اسلام ٹائمز۔ متحدہ قومی موومنٹ پاکستان کے اپوزیشن لیڈر سندھ اسمبلی علی خورشیدی نے یونیورسٹی روڈ پر جاری ترقیاتی کاموں کے نتیجے میں شہریوں کو درپیش شدید مشکلات پر گہری تشویش کا اظہار کرتے ہوئے اسے سندھ حکومت کی سنگین مجرمانہ غفلت قرار دیا ہے۔ اپنے ایک بیان میں انہوں نے کہا کہ پہلے ہی ریڈ لائن پروجیکٹ نے شہریوں کی زندگی اجیرن کر رکھی تھی، اور اب اس پر پانی کی لائن کی کھدائی نے اس اہم شاہراہ کو ایک جنگ زدہ علاقے سے کم نہیں بنایا، حکمران مکمل طور پر بے حس ہوچکے ہیں۔
ان کا کہنا تھا کہ عوامی نمائندوں سے مشاورت کیے بغیر سڑکیں کھود دینا ایک غیر جمہوری اور شہری دشمن اقدام ہے، جس کی وجہ سے طلبا، مریض اور ملازمین گھنٹوں ٹریفک میں پھنسے رہتے ہیں، ترقی کے نام پر درحقیقت کراچی کو کھنڈر بنایا جا رہا ہے اور شہریوں کو ریلیف کے بجائے صرف اور صرف تکلیف مل رہی ہے۔ علی خورشیدی نے مطالبہ کیا کہ ٹریفک پلان کے بغیر سڑکیں بند کرنا ایک ناقابلِ معافی جرم ہے، صوبائی حکومت فوری طور پر ایک موثر متبادل ٹریفک پلان جاری کرے اور عوامی نمائندوں کو اعتماد میں لے کر ترقیاتی کاموں کی رفتار تیز کرے تاکہ کراچی کے شہریوں کی مشکلات کا فوری ازالہ ہو سکے۔
اسد قیصر، شبلی فراز، عمر ایوب سمیت پی ٹی آئی رہنماﺅں کے وارنٹ گرفتاری