ایف بی آر آرٹیکل 37 ڈبل اے کو بزنس کمیونٹی نے مسترد کردیا
اشاعت کی تاریخ: 28th, June 2025 GMT
---فائل فوٹو
بزنس کمیونٹی کی جانب سے ایف بی آر آرٹیکل 37 ڈبل اے کو مسترد کردیا گیا۔
لاہور چیمبر آف کامرس اینڈ انڈسٹری میں صنعت کاروں اور تاجروں نے پریس کانفرنس کی۔
پریس کانفرنس کے دوران موجود کاروباری برادری نے ہاتھ اٹھا کر37 اے اے کو مسترد کردیا، اپنے تحفظات کا اظہار کرتے ہوئے کاروباری برادری کا کہنا تھا کہ حکومت اس کالے قانون کو ختم کرے۔
اس موقع پر میاں ابوذر شاد نے کہا کہ آرٹیکل 37 اے اے کو مسترد کرتے ہیں، یہ قانون ناسور ہے، کاروباری فرد کو محض شک کی بنا پر پکڑا جائے گا، یہ کالا قانون ہے۔
انہوں نے مزید کہا کہ اس قانون سے لگتا ہے چیئرمین ایف بی آر ہمیں پاکستانی نہیں سمجھتے، انڈسٹری چلانا مشکل ہوگیا ہے۔
سابق صدر لاہور چیمبر میاں انجم نثار اور محمد علی میاں کا کہنا تھا کہ خدشہ ہے کہ اس قانون سے کاروباری افراد کو ہراساں کیا جائے گا، ایسے قوانین کی وجہ سے ہی پاکستانیوں نے متحدہ عرب امارات میں 12 بلین ڈالر کی سرمایہ کاری کر رکھی ہے۔
ان کا کہنا تھا کہ وفاقی چیمبر آف کامرس کو بھی 37 اے اے کے خلاف آواز اٹھانی چاہیے تھی۔
.
ذریعہ
ذریعہ: Jang News
پڑھیں:
کوئٹہ: سرکاری دستاویزات میں شہریوں کو غیرقانونی سہولت دینے والے 14 ایجنٹ گرفتار
فیڈرل انویسٹی گیشن ایجنسی (ایف آئی اے) بلوچستان نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا۔
ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔
انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لیے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے کا کہنا تھا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔
بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لیے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار