حیدرآباد چیمبر کے وفد کا کراچی ایکسپو سینٹر کا دورہ
اشاعت کی تاریخ: 29th, June 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد (اسٹاف رپورٹر) حیدرآباد چیمبر آف اسمال ٹریڈرز اینڈ اسمال انڈسٹری کے قائم مقام صدر احمد ادریس چوہان کی ہدایت پر نائب صدر شان سہگل کی قیادت میں ایک اعلیٰ سطحی وفد نے کراچی ایکسپو سینٹر میں منعقد ہونے والی ’’پاکستان کیمیکل ایکسپو 2025‘‘ میں شرکت کی۔ وفد نے ایکسپو میں قائم اسٹالز کا تفصیلی دورہ کیا اور متعدد معروف قومی و بین الاقوامی کیمیکل، پیکیجنگ، ویسٹ مینجمنٹ، انرجی اور الائیڈ انڈسٹری سے وابستہ کمپنیوں کے نمائندوں سے ملاقاتیں کیں۔ اِن تمام شخصیات نے حیدرآباد چیمبر آف اسمال ٹریڈرز اینڈ اسمال انڈسٹری کے ساتھ مکمل تعاون کا یقین دلایا اور مستقبل قریب میں حیدرآباد کے دورے اور چیمبر میں آنے کا عندیہ دیا۔ اِس موقع پر نائب صدر شان سہگل نے کہا کہ پاکستان کیمیکل ایکسپو جیسے بین الاقوامی معیار کے پروگرام نہ صرف صنعتی ترقی کا ذریعہ ہیں بلکہ باہمی روابط، تحقیق، ٹیکنالوجی منتقلی اور تجارتی مواقع کو فروغ دینے میں بھی کلیدی کردار ادا کرتے ہیں۔ اُنہوں نے مزید کہا کہ حیدرآباد صوبہ سندھ کا دوسرا بڑا تجارتی مرکز ہے جہاں کیمیکل، فارما، پلاسٹک، کولڈ ڈرنک، فوڈ پروسیسنگ، کنسٹرکشن اور دیگر صنعتی شعبوں سے وابستہ ہزاروں کاروباری یونٹس سرگرم عمل ہیں۔ اِس لیے ایسی سرگرمیوں کا انعقاد حیدرآباد میں وقت کی اہم ضرورت ہے۔ نائب صدر نے اِس بات پر زور دیا کہ حیدرآباد میں کیمیکل اور متعلقہ صنعتوں کے لیے الگ سے B2B نمائش یا روڈ شو کا انعقاد کیا جانا چاہیئے تاکہ مقامی صنعت کاروں کو نئے مواقع فراہم ہوں۔ چیمبر کے وفد نے ایکسپو میں شریک اداروں کو حیدرآباد چیمبر آف اسمال ٹریڈرز اینڈ اسمال انڈسٹری کی کارکردگی، سہولیات اور مواقع کے بارے میں تفصیلات فراہم کیں اور اُنہیں حیدرآباد میں سرمایہ کاری اور نیٹ ورک کے قیام کی دعوت دی۔
.ذریعہ: Jasarat News
کلیدی لفظ: باد چیمبر
پڑھیں:
ریاض میں ہیومن ریسورس اینڈ مین پاور ایکسپو کا آغاز، پاکستانی اداروں کی نمایاں شرکت
سعودی عرب کے دارالحکومت ریاض میں ہیومن ریسورس اینڈ مین پاور ایکسپو کا شاندار آغاز ہو گیا، جس میں پاکستان کے سرکاری اور نجی اداروں نے نمایاں اور بھرپور شرکت کی۔
ایکسپو میں اوورسیز ایمپلائمنٹ کارپوریشن (OEC)، وزیراعلیٰ ہنرمند پنجاب پروگرام اور پہلی مرتبہ بلوچستان ٹیکنیکل اینڈ ووکیشنل ایجوکیشن اینڈ کوالٹی اتھارٹی (B-TEVTA) کی جانب سے اسٹالز لگائے گئے، جنہیں زائرین کی جانب سے زبردست پذیرائی حاصل ہوئی۔
یہ بھی پڑھیے: پاکستان انٹرنیشنل میری ٹائم ایکسپو اینڈ کانفرنس 2025 کی کامیاب تکمیل
افتتاحی تقریب میں پاکستان کے سفیر احمد فاروق اور ایگزیکٹو ڈائریکٹر اوورسیز ایمپلائمنٹ کارپوریشن محمد عامر جان نے خصوصی شرکت کی اور ایکسپو کا باضابطہ افتتاح کیا۔
اس موقع پر دونوں معزز مہمانوں نے خطاب کرتے ہوئے کہا کہ پاکستان اور سعودی عرب کے تعلقات دیرینہ، مضبوط اور باہمی اعتماد پر مبنی ہیں۔
ان کا کہنا تھا کہ ہماری ترجیح ہے کہ پاکستان سے زیادہ سے زیادہ ہنرمند افراد کو سعودی عرب میں روزگار کے بہتر مواقع فراہم کیے جائیں تاکہ دونوں ممالک کے درمیان معاشی اور افرادی قوت کے تعلقات مزید مضبوط ہوں۔
ایکسپو میں انسانی وسائل، افرادی قوت اور روزگار کے فروغ سے متعلق متعدد بین الاقوامی کمپنیوں نے بھی شرکت کی، جبکہ پاکستانی اسٹالز کو غیر ملکی مندوبین اور مقامی شرکاء کی جانب سے خصوصی دلچسپی حاصل ہوئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایکسپو پاکستان ریاض
پاکستان اور ترکیے کی وزارت داخلہ کا انسداد دہشت گردی سمیت مختلف شعبوں میں تعاون بڑھانے کا فیصلہ