پاکستان شیفس کلب نے دوسری کلینری چیمپئن شپ
اشاعت کی تاریخ: 29th, June 2025 GMT
data-id="863a0a8" data-element_type="widget" data-widget_type="theme-post-content.default">
پاکستان شیفس کلب (PCC) نے اپنی دوسری کلینری چیمپئن شپ: بقرہ عید اسپیشل ایڈیشن اور ٹیسٹ دی ٹراپک فیسٹ 2025 کا انعقاد سیج بینکوئٹ، کراچی میں کیا۔ اس ایونٹ میں کھانے پکانے کے شوقین، ماہرین اور برانڈز نے بھرپور شرکت کی اور پاکستانی کلینری ٹیلنٹ کو بھرپور انداز میں خراجِ تحسین پیش کیا۔ اس سال کی چیمپئن شپ میں بقرہ عید اور ٹراپیکل فروٹ تھیم پر مبنی مقابلے شامل تھے جن میں ریڈی فرام ہوم، لائیو کوکنگ، لائیو بیکنگ، فائرلیس کوکنگ، اور لائیو باربی کیو کیٹیگریز شامل
تھیں۔ 55 سے زائد شرکاء نے 70 سے زیادہ منفرد ڈشز پیش کیں، جنہیں پاکستان شیفس کلب کی متعارف کردہ انفرادی اسیسمنٹ سسٹم کے تحت جانچا گیا۔ گولڈ میڈل ان شرکاء کو دیا گیا جنہوں نے 90-100 فیصد اسکور حاصل کیا، سلور 80-89 فیصد اسکور پر اور برونز 70-79 فیصد اسکور پر دیا گیا۔ یہ ایونٹ ہر سطح کے شیفس کے لیے کھلا تھا، جن میں جونیئر شیفس (کلاس 1 تا 10)، خصوصی شیفس (معذور افراد)، شوقیہ شیفس، ہوم شیفس، سند یافتہ پروفیشنل شیفس، اسٹوڈنٹ شیفس، اور انڈسٹریل شیفس شامل تھے۔ پاکستان شیفس کلب نے شرکاء کے پس منظر کو مدِ نظر رکھتے ہوئے منصفانہ اور شفاف جانچ کے اصولوں پر عمل کیا۔ایونٹ کی کامیابی میں متعدد نمایاں برانڈز کا تعاون شامل تھا۔ لائیو کوکنگ گلیم گیس کے تعاون سے منعقد کی گئی، جبکہ ماسٹر کلاسز اٹالیانو کُوزین، ایس کے، کروسیبل، اینڈی اور گلیم گیس کے تعاون سے ہوئیں۔ کوئس
ایونٹ کا آفیشل بیوریج پارٹنر تھا۔ دیگر سپورٹنگ پارٹنرز میں موم پرینیور اور دارالامید شامل تھے۔ ماسٹر کلاس پاکستان، ڈیکسٹر انسٹیٹیوٹ، اور اے پی آر اے نے بطور اسٹریٹجک پارٹنر تعاون کیا۔ دوپہر کے کھانے کے اسپانسر دارالامید اسکلز اکیڈمی تھے۔ گفٹنگ اور کچن پارٹنرز میں شان فوڈز، اٹالیانو کُوزین، کوئس، اینڈی، ایسٹرن اسپائسس، پیریٹ، داشی، دی ارتھز، یونیک فوڈز، اور فوڈ ون شامل تھے۔ انٹرنیشنل مینگو ڈے کی شراکت دار کمپنیاں فریش اینڈ روشن، وِسک اینڈ شوگر، داشی، اور اٹالیانو کُوزین تھیں۔ایونٹ میں مسعود احمد کالیا، ڈائریکٹر کی بی اور چیئرمین اے پی آر اے نے خصوصی شرکت کی اور پاکستان شیفس کلب کی پاکستانی شیفس کو بااختیار بنانے کی کاوشوں کو سراہا۔ یونیک فوڈز کے سی ای او اقبال شیخ، اینڈی، کوئس اور داشی کے سینئر نمائندے بھی موجود تھے جنہوں نے ایونٹ کے منصفانہ اور منفرد انداز کی تعریف کی ایونٹ کی سب سے بڑی جھلک 50 پاؤنڈ کے لائیو کیک کی تیاری تھی جو مشہور شیفس، شیف واجد (عصر شیرین)، شیف مہدی اور شیف وقاص نے تیار کیا۔ پاکستان شیفس کلب کی ٹیم، شیف ثانیہ مبشر اور شیف وحید رجب نے اس عمل میں معاونت کی۔ اس لائیو کیک بنانے کے عمل نے شدید گرمی کے موسم میں بڑے کیکس سنبھالنے کی مہارت کو شاندار انداز میں پیش کیا۔ اس موقع پر داشی کی وہپنگ کریم نے خصوصی توجہ حاصل کی کیونکہ اس نے گرمی کے موسم میں بھی اپنی کوالٹی اور ذائقہ برقرار رکھا۔
ذریعہ: Jasarat News
کلیدی لفظ: پاکستان شیفس کلب شامل تھے
پڑھیں:
چیمپئن شپ کا تاج اپنے سر سجا لیا ۔ SACF-Kinza U19 (گرلز) نےIISJ
data-id="863a0a8" data-element_type="widget" data-widget_type="theme-post-content.default">
ویسٹرن پروانس کرکٹ ایسوسی ایشن (ڈبلیو پی سی اے) کے زیراہتمام کنزا مشروپ بنانے والوں کے تعاون سے پہلی سعودی عربین کرکٹ فیڈریشن انڈر-19 چمپیئن شپ کا تاج آئی آئی ایس جے (گرلز) نے فائنل پی آئی ایس جے رحاب (گرلز) کو10وکٹوں سے شکست کرٹائٹل اپنے نام کرلیا۔ پی آئی ایس جے رحاب (گرلز) نے ٹاس جیت کر پہلے بیٹنگ کرنے کا فیصلہ کیا اور مقررہ 12 اوورز میں 3 وکٹوں کے نقصان پر67 رنز بنائے۔ عریدہ نے سب سے زیادہ 21 گیندوں پر20 رنزبنائے۔ تحریم 11 رنز بناکرنمایاں رہیں۔ نجوا اورطوبہ دونوں نے ایک ایک وکٹ حاصل کی۔ جواب میں فاتح ٹیم نے مطلوبہ ہدف بغیرکسی وکٹ کے نقصان پر 10.4 اوورز میں حاصل کرلیا۔ اوپنرزنجوا 20 اور آشیکا 19 رنزبناکر ناٹ آؤٹ رہیں۔ نجوا کو شاندار آل راؤنڈ کارکردگی پر پلیئرآف دی فائنل قراردیس گیا۔میچ کے اختتام پرڈبلیو پی سی اے گراؤنڈ پرتقریب تقسیم انعامات ہوئی۔ جس میں معروف صحافی سید مسرت خلیل اور دیگر نے فاتح اور رنزاپ ٹیموں۔ انفرادی کارکردگی کا مظاہرہ کرنے والے بہترین کھلاڑیوں کو انعامات تقسیم کئے گئے۔ ٹورنامنٹ کا بہترین بلے باز: اریدہ (پی آئی ایس جے رحاب (گرلز) – 90 رنزٹورنامنٹ کی بہترین باؤلر: رومیسا (پی آئی ایس جے رحاب ( گرلز) 3 وکٹیںپلیئر آف دی ٹورنامنٹ: نجوا (آئی آئی ایس جے (گرلز) 72 رنز اورتین وکٹیں۔ ویمن امپائر ایوارڈ: دانیہ عروشناظم تقریب ڈبلیو پی سی اے کے سینئر ایگزیکیٹو ممبرڈاکٹر سید ضیاء الدین نے اختتامی کلیمات میں ٹورنامنٹ کی شاندار کامیابی پرسعودی عربین کرکٹ فیڈریشن کی اسٹریٹجک رہنمائی ، ڈبلیو پی سی اے ایگزیکیٹوممبرز ، مرکزی اسپانسرکنزا، شریک اسپانسرز شاداب ہوٹل، ٹِکا بائٹزاورانڈومی کا شکریہ ادا کیا اس کے علاوہ اسکولز کے پرنسپل صاحبان کے تعاون اورایونٹ میں حصہ لینے والے کھلاڑیوں کا بھی شکریہ ادا کیا جن کی شرکت کے بغیر کامیابی ممکن نہیں تھی۔ انھوں نے ٹورنامنٹ آرگنائزنگ کمیٹی جن میں جاوید احمد (یوتھ ڈویلپمنٹ انچارج اور کوآرڈینیٹر)، سہیل شاہ (سینئر کور ایگزیکٹو کمیٹی)، کاشف مرزا بیگ (امپائرنگ کمیٹی کے سربراہ)، محمد رفیع اللہ (لاجسٹکس)، رضا کارانہ خدمات پرماجد صدیقی، ظفراوردیگر کی لگن اور شب وروز محنت کو سراہا۔ انھوں نے کھیلوں کی سرگرمیوں کی بحالی پرامانہ جدہ اور بلدیہ جدہ کے تعاون کا بھی بہت شکریہ ادا جس نے گراؤنڈ کے اطراف میں تعمیراتی کام کے باعث گراؤنڈ میں داخلے کی بندش کو ختم کرنے میں بھرپور تعاون کیا۔ انھوں نے کہا شہر جدہ میں شائقین کرکٹ کی سب سے بڑی اورقدیم کرکٹ تنظیم ویسٹرن پراونس کرکٹ ایسوسی ایشن (ڈبلیو پی سی اے) کے گراؤنڈ گذشتہ دنوں کچھ وقت کے لیے بندش کا شکار ہوگئے تھے۔ جس پرشائقین کرکٹ مایوس اور فکر مند تھے۔ لیکن ڈبلیو پی سی اے کے ممبران نے جنرل سیکریٹری سہیل شاہ کی سربراہی میں بلدیہ جدہ کے تعاون سے اس بندش کو ختم کرانے میں آہم کردار ادا کیا۔ انھوں نے کہا دراصل اس بندش کے خاتمہ کا حقیقی سہرا ڈبلیو پی سی اے کی پوری ٹیم اور کھلاڑیوں کے سر ہے جنہوں نے شہر میں کھیلوں بلخصوص کرکٹ کی سرگرمیوں کو جاری رہنے کےلئے ڈبلیو پی سی اے کے ساتھ دلچسی اور یکجہتی کا مظاہرہ کیا۔ انھوں نے کہا یہ کامیابی اس بات کا ثبوت ہے کہ جب نیت خالص ہو اور مقصد نوجوانوں کے لیے مواقع پیدا کرنا ہو تو ہر مشکل آسان ہو جاتی ہے۔ ان کی بدولت شہر میں کھیلوں کی فضا دوبارہ زندہ ہوگئی ہے اور اب کھلاڑیوں کے چہروں پر خوشی لوٹ آئی ہے۔ آخر میں انھوں کہا کہ ہم دل کی گہرائیوں سے میئرجدہ کے خلوص، تعاون اور خدمت کے جذبے پر ان کا شکریہ ادا کرتے ہیں۔ دعا ہے کہ ان کا یہ جذبہ ہمیشہ قائم و دائم رہے، اور وہ اسی طرح کھیلوں کے فروغ اور نوجوانوں کی رہنمائی میں اپنا کردار ادا کرتے رہیں۔ آخر میں جاوید احمد (یوتھ ڈویلپمنٹ انچارج اور کوآرڈینیٹر) نے سب کا شکریہ ادا کیا۔
میئر نیویارک ظہران ممدانی کی تقریر میں رمیز راجہ کا حوالہ، ویڈیو وائرل