کوئنٹن ڈی کوک کی انٹرنیشنل کرکٹ میں حیران کن واپسی، دورہ پاکستان کے لیے منتخب
اشاعت کی تاریخ: 22nd, September 2025 GMT
جنوبی افریقی کرکٹ ٹیم کے ٹیسٹ کپتان ٹیمبا باووما پاکستان کے دورے سے باہر ہوگئے ہیں جبکہ کوئنٹن ڈی کاک قومی ٹیم میں شاندار واپسی کرنے جا رہے ہیں۔
میڈیا رپورٹس کے مطابق انگلینڈ کے حالیہ دورے کے دوران پنڈلی کی انجری کا شکار ہونیوالے ٹیمبا باووما اپنی بحالی کا عمل جاری رکھیں گے۔
یہ بھی پڑھیں: جنوبی افریقہ کرکٹ بورڈ: اسرائیل کی حمایت پر انڈر 19 ٹیم کے ڈیوڈ ٹیگر کپتانی سے فارغ
ان کی غیر موجودگی میں ایڈن مرکرم ٹیم کی قیادت کریں گے جبکہ فارم میں موجود لائنز کے بیٹرزبیرحمزہ کو ٹیسٹ اسکواڈ میں واپس بلایا گیا ہے۔
حمزہ نے حال ہی میں جنوبی افریقہ ’اے‘ کی نمائندگی کرتے ہوئے نیوزی لینڈ ’اے‘ کے خلاف سینچری اسکور کی تھی۔
The South African Men’s selection panel has named the squads for the upcoming all-format tour of Pakistan as well as the one-off T20 International (T20I) against Namibia.
The Proteas will begin their defence of the ICC World Test Championship Mace with a two-match Test series… pic.twitter.com/0jOOgSpsCv
— Proteas Men (@ProteasMenCSA) September 22, 2025
جنوبی افریقی اسکواڈ کو مزید مشکلات کا سامنا ہے کیونکہ بائیں ہاتھ کے اسپنر کیشَو مہاراج صرف دوسرے ٹیسٹ کے لیے دستیاب ہوں گے۔
اسی وجہ سے 36 سالہ آف اسپنر سائمن ہارمر کو حیران کن طور پر اسکواڈ میں شامل کیا گیا ہے جو مارچ 2023 کے بعد پہلی مرتبہ جنوبی افریقہ کی نمائندگی کریں گے۔
مزید پڑھیں: پاکستان کے خلاف کرکٹ سیریز سے قبل جنوبی افریقہ کی ٹیم کو بڑا دھچکا
یہ سیریز جنوبی افریقہ کی ورلڈ ٹیسٹ چیمپئن شپ ٹائٹل کے دفاع کا پہلا مرحلہ ہوگی۔
ان کے ساتھ دیگر اسپنرز سینیوران مٹھوسامی اور پرینیلن سبریاین بھی اسکواڈ کا حصہ ہیں جن کے بولنگ ایکشن کو آئی سی سی نے حالیہ دورۂ آسٹریلیا کے بعد کلیئر کردیا ہے۔
قومی سلیکشن کمیٹی کے سربراہ پیٹرک مورونی نے سینیئر وکٹ کیپر بیٹر ڈی کاک کی واپسی سے سب کو حیران کردیا ہے، 32 سالہ ڈی کاک نے 2023 کے ورلڈ کپ کے سیمی فائنل میں آسٹریلیا کے ہاتھوں شکست کے بعد ون ڈے کرکٹ سے ریٹائرمنٹ کا اعلان کردیا تھا۔
مزید پڑھیں: ویسٹ انڈین کرکٹر فیبین ایلن کو جنوبی افریقہ میں مسلح افراد نے لوٹ لیا
انہوں نے 2024 کے ٹی20 ورلڈ کپ فائنل میں بھارت کے خلاف بارباڈوس میں کھیلنے کے بعد مختصر فارمیٹ میں بھی جنوبی افریقہ کی نمائندگی نہیں کی تھی۔
مزید برآں، ڈونوون فریرا اور واریئرز کے وکٹ کیپر سنیتمبا کیشیلے کو پہلی بار ون ڈے اسکواڈ میں شامل کیا گیا ہے جبکہ ٹائٹنز کے بیٹر رائیوالڈو مونسا می کو ٹی20 اسکواڈ میں جگہ ملی ہے جو نمیبیا سے پنجہ آزمائی کرے گا۔
یہ دونوں ممالک کے درمیان پہلا محدود اوورز کا میچ ہوگا اور اسی میچ کے ذریعے نمیبیا کرکٹ گراؤنڈ کا باضابطہ افتتاح بھی کیا جائے گا، جو 2027 کے ورلڈ کپ کے میزبان مقامات میں شامل ہے۔
مزید پڑھیں: آئی سی سی ٹی20 انٹرنیشنل رینکنگ جاری، ٹاپ 10 میں کتنے پاکستانی کرکٹر شامل؟
جنوبی افریقہ کے دورہ پاکستان سے متعلق تبصرہ کرتے ہوئے سلیکشن کمیٹی کے سربراہ پیٹرک مورونی کا کہنا تھا کہ پاکستان میں ورلڈ ٹیسٹ چیمپیئن شپ کے دفاع کا آغاز ایک پرجوش لمحہ ہے۔
’یہ ایک اوراہم سائیکل کا آغاز ہے اور وائٹ بال سیریز ہمیں قیمتی مواقع فراہم کرے گی تاکہ ہم اپنی ٹیم کی گہرائی بڑھا سکیں اور ورلڈ کپ کے لیے بہترین ترکیب میں تیاری کرسکیں۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انجری ایڈن مرکرم پاکستان پنڈلی پیٹرک مورونی جنوبی افریقہ ڈی کاک زبیرحمزہ قومی سلیکشن کمیٹی کیشو مہاراج وائٹ بال سیریز ورلڈ ٹیسٹ چیمپیئن شپذریعہ: WE News
کلیدی لفظ: ایڈن مرکرم پاکستان پنڈلی پیٹرک مورونی جنوبی افریقہ ڈی کاک قومی سلیکشن کمیٹی کیشو مہاراج وائٹ بال سیریز ورلڈ ٹیسٹ چیمپیئن شپ جنوبی افریقہ کی اسکواڈ میں ورلڈ کپ ڈی کاک گیا ہے کے لیے کے بعد
پڑھیں:
پاکستان بیس بال ٹیم کی ورلڈ رینکنگ میں ترقی
پاکستان کی مینز بیس بال ٹیم کی ورلڈ رینکنگ میں ترقی ہوگئی۔
تفصیلات کے مطابق پاکستان بیس بال ٹیم نے تین درجے ترقی پاکر ارجنٹینا اور بیلجیم کو پیچھے چھوڑتے ہوئے گوام کے ساتھ مشترکہ طور پر 32ویں پوزیشن حاصل کرلی۔
ارجنٹینا کی ٹیم ایک درجے تنزلی سے 34ویں اور بیلجیم کی ٹیم دو درجے تنزلی سے 35ویں پوزیشن پر چلی گئی۔
https://x.com/pakbaseball/status/1969072521430356374
یاد رہے کہ پاکستان بیس بال ٹیم ایشین بیس بال چیمپئن شپ 2025 میں 22 ستمبر کو چین کے مدمقابل آئے گی۔
23 ستمبر کو پاکستان ٹیم کے دو میچز جاپان اور فلپائن کے خلاف شیڈول ہیں۔
آئی سی سی نے پی سی بی کا مطالبہ مسترد کیا، پاکستان کی ایونٹ سے دستبرداری کی دھمکی برقرار