ٹنڈو جام: پہلی برسات نے انتظامیہ کے دعوئوں کی قلعی کھول دی
اشاعت کی تاریخ: 29th, June 2025 GMT
data-id="863a0a8" data-element_type="widget" data-widget_type="theme-post-content.default">
ٹنڈوجام(نمائندہ جسارت)پہلی برسات نے حیسکو کی دعووں کی قلعی کھول کر رکھ دی ٹنڈوجام سمیت نواحی علاقوں میں بجلی کی فراہمی چوبیس گھنٹے سے معطل عوام کا حیسکو کے خلاف حیدرآباد میرپورخاص ہائے پر مظاہرہ اور دھرناتفصیلات کے مطابق ٹنڈوجام میں مون سون کی پہلی ہلکی برسات نے حیسکو آپریشن ٹنڈوجام کے ان دعووں کی قلعی کھول کر رکھ دی جس میں انھوں نے فیڈر کی مینٹیننس کے نام پر دس دس گھنٹے بجلی بند رکھ کہا تھا کہ مون سون کے موسم میں عوام کو تکلیف نہیں اُٹھانے پڑے گی ٹنڈوجام سٹی میرکالونی کسانہ موری گوٹھ ابڑی گوٹھ مراد جمالی گوٹھ مھرو مگسی گوٹھ بہادر کان چانڈیو سمیت بہت علاقوں کے لوگوں کے مطابق ان کے علاقوں میں چوبیس گھنٹے گزرنے کے باوجود بجلی کی سپلائی بحال نہیں ہو سکی ہے میرکالونی ٹنڈوجام کے لوگوں حیدرآبادمیر پور خاص روڑ پر حیسکو کے خلاف دھرنا دیا مظاہرین کا کہنا تھا کہ حیسکو نے ان کی زندگی اجیرن بنا کر رکھ دی ہے نہ موسم سرما میں نہ موسم گرما میں نہ بہار میں نہ برسات ان کے پاس لائٹ ہے لیکن اس کے باوجود انھوں نے لوٹ مار مچائی ہوئی ہے لیکن کوئی ان سے حساب لینے والا نہیں یوسی66 کے کونسلر عظمت ابڑو کا کہنا تھا کہ حیسکو اب عوام کے لیے ایک عذاب بن چکی ہے اس کی کارکردگی صفر ہے۔
.ذریعہ: Jasarat News
پڑھیں:
کراچی کے مختلف علاقوں میں ہلکی اور تیز بارش، موسم خوشگوار ہوگیا
data-id="863a0a8" data-element_type="widget" data-widget_type="theme-post-content.default">
شہر قائد ایک بار پھر بادلوں کی آغوش میں ہے اور مختلف علاقوں میں وقفے وقفے سے ہونے والی بارش نے موسم کو خوشگوار بنا دیا ہے۔
ہفتے کی صبح سویرے ہلکی بوندا باندی کا آغاز ہوا، جو کچھ دیر بعد تیز بارش میں تبدیل ہوگیا اور شہریوں نے موسم کے اس خوشگوار رنگ سے لطف اٹھایا۔
بارش کا یہ سلسلہ آئی آئی چندریگر روڈ، اولڈ سٹی ایریا، ملیر، شاہراہ فیصل، صفورہ گوٹھ، قیوم آباد، گلشن اقبال، سرجانی ٹاؤن اور نارتھ کراچی سمیت مختلف علاقوں میں ریکارڈ کیا گیا۔ ان علاقوں میں بادلوں کی گھن گرج اور بارش نے گرمی کا زور توڑ دیا۔
جمعرات کی شب ہونے والی بارش نے موسم کو خنک کر دیا تھا، جس کا اثر جمعہ بھر محسوس کیا گیا اور ہفتے کو بھی یہی خوشگوار فضا چھائی رہی۔
محکمہ موسمیات کے مطابق کراچی میں آج بھی مطلع ابر آلود رہے گا اور مغربی سسٹم کے باعث 29 جون تک شہر میں بارش کا سلسلہ وقفے وقفے سے جاری رہنے کی پیشگوئی ہے۔ ماہرین کے مطابق دن کے اوقات میں گرج چمک کے ساتھ بارش کا امکان ہے۔
شہر کا موجودہ درجہ حرارت 28 ڈگری سینٹی گریڈ ریکارڈ کیا گیا ہے، تاہم ہوا میں نمی کی بلند شرح کے باعث گرمی کی شدت 35 ڈگری تک محسوس کی جا رہی ہے۔ دن کے دوران زیادہ سے زیادہ درجہ حرارت 31 ڈگری سینٹی گریڈ تک جا سکتا ہے، جبکہ شمال مشرقی سمت سے ہوائیں 10 کلومیٹر فی گھنٹہ کی رفتار سے چل رہی ہیں اور ہوا میں نمی کا تناسب 90 فیصد ہے۔
بارش سے جہاں شہریوں کے چہروں پر خوشی کی لہر دوڑ گئی ہے، وہیں نشیبی علاقوں میں پانی جمع ہونے کے خدشات بھی موجود ہیں۔ شہریوں کو احتیاط برتنے کی ہدایت کی گئی ہے۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی