منہ کھول کر سونا کسی بیماری کی علامت تو نہیں؟ ڈاکٹرز کی رائے اور احتیاطی تدابیر
اشاعت کی تاریخ: 11th, August 2025 GMT
نیند کے دوران بہت سے لوگ بے خبری میں اپنا منہ کھول کر سوتے ہیں، لیکن کیا آپ جانتے ہیں کہ اس عادت کے پیچھے صحت کے کیا راز چھپے ہو سکتے ہیں؟ منہ کھول کر سونا کب معمول کی بات ہے اور کب یہ کسی بیماری کی نشانی ہو سکتی ہے۔
طبی ماہرین کے مطابق کئی افراد کے لیے منہ کھول کر سونا بالکل معمول کی بات ہے اور یہ بذات خود بیماری کی علامت نہیں۔ عام طور پر جب ناک بند ہوتی ہے، مثلاً شدید زکام یا ٹانسلز بڑھنے کی صورت میں، لوگ سانس لینے کے لیے منہ کا سہارا لیتے ہیں۔
خاص طور پر بچوں میں یہ مسئلہ زیادہ دیکھا جاتا ہے، جہاں بڑھے ہوئے اڈینائڈز یا ٹانسلز ناک کی نالی کو جزوی طور پر بند کر دیتے ہیں جس سے وہ منہ کھول کر سوتے ہیں۔ تاہم جیسے جیسے عمر بڑھتی ہے، یہ مسئلہ آہستہ آہستہ کم ہو جاتا ہے۔
مزید پڑھیں: پاکستان میں خطرناک ’بلو لاکر‘ سائبر حملوں کا خدشہ، سرکاری اداروں کو ہائی الرٹ
ناک کے اندر موجود سیپٹم کارٹلیج کا قدرے ٹیڑھا یا جُھکا ہونا بھی ناک بند ہونے کی ایک وجہ ہو سکتی ہے۔ اگر یہ اتنا شدید ہو جائے کہ ناک کے راستے مکمل یا جزوی طور پر بند ہو جائیں تو سانس لینے کے لیے منہ کا استعمال لازمی ہو جاتا ہے۔ اس صورت میں مریض کو ڈاکٹر سے مشورہ کرکے سرجری کے ذریعے اس مسئلے کا علاج کروانا پڑ سکتا ہے۔
اگر آپ یا آپ کا کوئی عزیز نیند کے دوران منہ کھول کر سوتا ہے اور اس دوران خراٹے لیتا ہے یا سانس لینے میں دشواری محسوس کرتا ہے، تو یہ کسی اور سنگین مسئلے کی علامت ہو سکتا ہے، جس کے لیے فوری طبی جانچ ضروری ہے۔
ڈاکٹرز کا کہنا ہے کہ منہ سے سانس لینے کی وجہ سے منہ خشک ہو جاتا ہے جس سے منہ کی صفائی متاثر ہوتی ہے اور منہ میں جلن یا سوزش بھی ہو سکتی ہے۔ منہ کھول کر سونے والے افراد میں نیند کا معیار بھی متاثر ہو سکتا ہے، خاص طور پر اگر خراٹے یا نیند کی دیگر خرابیوں کے ساتھ یہ عادت ہو۔
مزید پڑھیں: خبردار! اسکرین کے سامنے گھنٹوں بیٹھنا بچوں کی صحت کے لیے خطرناک قرار
ڈاکٹرز تجویز کرتے ہیں کہ اگر آپ کو سونے کے دوران منہ کھولنے کی عادت ہے لیکن آپ کو کوئی شدید کھانسی، گلے میں خشکی، یا سانس لینے میں رکاوٹ محسوس نہیں ہوتی، تب بھی کسی ماہر سے مشورہ لینا بہتر ہوتا ہے تاکہ مسئلے کی جڑ کا پتا چلایا جا سکے۔
منہ کھول کر سونا بذات خود کوئی بیماری نہیں لیکن اگر اس کے ساتھ دیگر علامات ظاہر ہوں تو اس کو نظر انداز نہیں کرنا چاہیے۔ ناک کی صحت اور سانس کی آسانی ہماری مجموعی صحت پر گہرا اثر ڈالتی ہے، اس لیے نیند کے دوران اس طرح کی تبدیلیوں پر توجہ دینا ضروری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بیماری کی علامت صحت طبی ماہرین منہ کھول کر سونا نیند.
ذریعہ
ذریعہ: WE News
کلیدی لفظ: بیماری کی علامت طبی ماہرین منہ کھول کر سونا منہ کھول کر سونا سانس لینے بیماری کی کی علامت کے دوران جاتا ہے کے لیے ہے اور
پڑھیں:
میکسیکو کی معروف بیوٹی انفلوئنسر کاسمیٹک سرجری کے دوران دم توڑ گئیں
میکسیکو کی معروف بیوٹی انفلوئنسر اور سوشل میڈیا کانٹینٹ کریئٹر، 30 سالہ ایڈریانا گارشیا کاسمیٹک سرجری کے دوران انتقال کر گئیں۔
غیر ملکی میڈیا رپورٹس کے مطابق ایڈریانا گارشیا کا منگل کے روز ریاست سینالووا کے ایک نجی کلینک میں کاسمیٹک آپریشن کیا جا رہا تھا۔ سرجری کے دوران اچانک پیچیدگیاں پیدا ہوئیں جس کے بعد طبی عملے کی کوششوں کے باوجود انہیں بچایا نہ جا سکا۔
یہ بھی پڑھیں: اداکارہ میرب علی کو اچانک سرجری کیوں کروانا پڑی؟ اصل وجہ سامنے آگئی
مقامی حکام نے تاحال موت کی حتمی وجہ جاری نہیں کی تاہم واقعے کی مکمل تحقیقات کا آغاز کر دیا گیا ہے۔ حکام سرجری کے دوران پیش آنے والے حالات، طبی طریقۂ کار اور ممکنہ طبی غفلت سمیت تمام پہلوؤں کا تفصیلی جائزہ لے رہے ہیں۔
ایڈریانا گارشیا سوشل میڈیا پر ایک معروف شخصیت تھیں جہاں انسٹاگرام سمیت مختلف پلیٹ فارمز پر ان کے 90 ہزار سے زائد فالوورز موجود تھے۔ ان کے انتقال کی تصدیق اس میکسیکن کمپنی نے بھی کی ہے جس کے ساتھ وہ بطور برانڈ انفلوئنسر وابستہ تھیں۔
یہ بھی پڑھیں: اسرائیلی وزیراعظم نیتن یاہو پروسٹیٹ کینسر میں مبتلا، سرجری کا انکشاف
ایڈریانا گارشیا کے اچانک انتقال کی خبر سامنے آنے کے بعد سوشل میڈیا پر ان کے مداحوں اور ساتھی کانٹینٹ کریئیٹرز نے گہرے دکھ اور افسوس کا اظہار کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بیوٹی انفلیوئنسر کاسمیٹک سرجری میکسیکو
ٹی20 ورلڈ کپ 2026: پاکستان نے سپر 8 کے لیے جگہ پکی کر لی