نیتن یاہو نے پہلی مرتبہ غزہ میں جنگ ختم کرنے کا اشارہ دیدیا، اسرائیلی میڈیا
اشاعت کی تاریخ: 29th, June 2025 GMT
چینل کے نامہ نگار نیر دفوری کے مطابق، توقع ہے کہ آئی ڈی ایف چیف آف اسٹاف کل کابینہ کو بتائیں گے کہ اسرائیلی فوج نے اپنے مقاصد پورے کر لیے ہیں، اور وہ ان سے اگلے اقدام کا فیصلہ کرنے کا مطالبہ کریں گے۔ اسلام ٹائمز۔ غزہ میں صہیونی نسل کشی کے 632 روز بعد پہلی بار، اسرائیلی وزیر اعظم بنجمن نیتن یاہو نے اشارہ دیا ہے کہ وہ غزہ میں جنگ ختم کرنے کی کوشش کر رہے ہیں، جیسا کہ اسرائیلی میڈیا نے رپورٹ کیا ہے۔ ایران کے ساتھ جنگ بندی کے بعد، اسرائیلی چینل 12 کے مطابق اسرائیل اور واشنگٹن دونوں ایک نئے مشرق وسطیٰ کے بڑے ہدف کی طرف اشارہ کر رہے ہیں، جس کے تحت اب کوشش یہ ہے کہ نئے ممالک کے ساتھ معمول کے معاہدے کیے جائیں اور یہ قیدیوں کے تبادلے کے معاہدے اور غزہ میں فوجی کارروائی ختم کرنے سے ہو گا۔ اسرائیلی چینل نے مزید کہا کہ نیتن یاہو اشارہ دے رہے ہیں کہ وہ جنگ ختم کرنا چاہتے ہیں، اور وہ جتنی جلدی ممکن ہو وائٹ ہاؤس پہنچنا چاہتے ہیں تاکہ تفصیلات طے کی جا سکیں۔
چینل کے نامہ نگار نیر دفوری کے مطابق، توقع ہے کہ آئی ڈی ایف چیف آف اسٹاف کل کابینہ کو بتائیں گے کہ اسرائیلی فوج نے اپنے مقاصد پورے کر لیے ہیں، اور وہ ان سے اگلے اقدام کا فیصلہ کرنے کا مطالبہ کریں گے۔ دوسری جانب، چینل 12 کے سیاسی امور کے نامہ نگار یارون ابراہام نے بتایا کہ نیتن یاہو کل قیدیوں کی رہائی کے لیے چل رہے مذاکرات پر ایک محدود سلامتی اجلاس کریں گے، جس کے پس منظر میں ثالثوں کی جانب سے فریقین کے درمیان فاصلہ کم کرنے کے لیے زبردست دباؤ ہے، جس کے قاہرہ یا دوحہ میں جلد ہونے کے امکانات ہیں۔ خیال رہے کہ امریکی صدر ڈونلڈ ٹرمپ نے گزشتہ روز کہا تھا کہ غزہ میں جنگ بندی معاہدہ اگلے ہفتے تک ہو سکتا ہے۔
ذریعہ
ذریعہ: Islam Times
کلیدی لفظ: نیتن یاہو
پڑھیں:
میں بالکل ٹھیک اور صحت مند ہوں؛گلوکارہ طاہرہ سید کی سوشل میڈیا افواہوں کی تردید
گلوکارہ طاہرہ سید نے اپنے حوالے سے سوشل میڈیا پر چلنے والی خبروں پر تردیدی بیان جاری کر دیا۔گلوکارہ کاکہناتھا کہ میں بالکل ٹھیک ٹھاک اور صحت مند ہوں ۔ تفصیلات کے مطابق گلوکارہ طاہرہ سید کے انتقال کے حوالے سے خبر جھوٹی اور افواہ ہے جو سوشل میڈیا پر پھیلائی جا رہی تھی۔ طاہرہ سید کاکہنا ہے کہ وہ امریکا میں بالکل خیریت سے ہیں اور صحت مند ہیں۔ انہوں نے خود ویڈیو بیان میں ان افواہوں کو فیک نیوز قرار دیتے ہوئے کہا ہے کہ "میری صحت کے بارے میں افواہ پھیلائی گئی ہے، میں بالکل صحت مند ہوں"۔ یادرہے کہ طاہرہ سید (ولادت 1958ء لاہور) پاکستان کی مشہور غزل اور لوک گلوکارہ ہیں، جن کی آواز آج بھی مقبول ہے،وہ ملکہ پکھراج کی بیٹی ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ