بارش کے بعد سڑکوں پر گڑھے پڑنے سے گاڑیاں دھنس گئیں
اشاعت کی تاریخ: 30th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر)کراچی میں گزشتہ روز ہونے والی بارش کے بعد شہر کی مرکزی شاہراہوں سے تو پانی کلیئر ہو گیا لیکن کئی اندرونی علاقوں اور سڑکوں کی صورتِ حال ابتر ہے جہاں کچھ علاقوں میں ابھی بھی پانی سڑک پر موجود ہے وہیں بارش کے باعث سڑکوں پر پڑنے والے بڑے بڑے گڑھے شہریوں کے لیے اذیت کا سبب بن رہے ہیں۔کراچی میں ہونے والی حالیہ بارشوں کے بعد شہر کی مرکزی شاہراہوں سے تو پانی کی نکاسی ہو گئی ہے لیکن شہر کے مختلف علاقوں کی اندرونی سڑکوں اور گلیوں کی صورتِ حال انتہائی خراب ہے۔کہیں سیوریج کے مسائل سامنے آ گئے ہیں تو کہیں ٹوٹی پھوٹی سڑکوں سے گزرنا شہریوں کے لیے ایک امتحان ثابت ہو رہا ہے۔کراچی کے علاقے گارڈن میں اب تک پانی سڑک پر موجود ہے جس کی وجہ سے شہریوں کو دشواری کا سامنا ہے۔
.ذریعہ: Jasarat News
پڑھیں:
پہلی ہی بارش میں میئر کے دعوے پانی میں بہہ گئے، احمد ندیم اعوان
data-id="863a0a8" data-element_type="widget" data-widget_type="theme-post-content.default">
کراچی ( پ ر) پاکستان مرکزی مسلم لیگ کراچی کے صدر احمد ندیم اعوان نے کہا ہے کہ مون سون کا ابھی آغاز ہی ہوا ہے اور چند گھنٹوں کی بارش نے ہی میئر کراچی مرتضیٰ وہاب کے تمام دعوؤں کی قلعی کھول کر رکھ دی ہے۔ شہر کے بیشتر علاقوں میں نالوں کی عدم صفائی اور نکاسی آب کے ناقص انتظامات کے باعث سڑکیں اور گلیاں تالاب کا منظر پیش کر رہی ہیں، جس سے شہری شدید اذیت کا شکار ہیں۔۔ احمد ندیم اعوان کا کہنا تھا کہ بلدیاتی اداروں کی مجرمانہ غفلت اور میئر کی عدم دلچسپی کے باعث بارش کراچی والوں کے لیے رحمت کے بجائے زحمت بن چکی ہے۔ سندھ حکومت اور اس کے نمائندے دعووں اور جھوٹ بولنے میں مہارت رکھتے ہیں، مگر عملی طور پر عوام کے لیے کچھ نہیں کیا جاتا۔ انہوں نے کہا کہ مون سون کے پہلے ہی اسپیل میں میئر کراچی کے تمام وعدے اور دعوے بارش کے پانی میں بہہ گئے ہیں۔احمد ندیم اعوان نے کے الیکٹرک پر بھی شدید تنقید کرتے ہوئے کہا کہ معمولی بارش میں ہی فیڈرز ٹرپ کر جاتے ہیں اور شہر کے کئی علاقے اندھیرے میں ڈوب جاتے ہیں۔ آخر کار کب تک کراچی کے عوام کو ان کے ناکردہ گناہوں کی سزا ملتی رہے گی۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی