پاکستان کی طرف میلی آنکھ سے دیکھنے والوں کا انجام خراب ہوگا‘محمد یوسف
اشاعت کی تاریخ: 30th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر) جماعت اسلامی سندھ کے جنرل سیکرٹری محمد یوسف نے کہا ہے کہ ایران کے ہاتھوں اسرائیل وامریکہ کی ذلت آمیز شکست کے بعد دنیا میں طاقت کے توازن میں تبدیلی رونما ہورہی ہے جبکہ پاک۔ بھارت جنگ نے بھی خطے میں طاقت کا توازن بدل دیا ہے۔ ملک دشمن قوتیں اور انکے اندورنی و بیرونی ایجنٹوں کو ضرب کاری لگی ہے پاکستان کی طرف میلی آنکھ سے دیکھنے والوں کا انجام خراب ہوگا ۔ان خیالات کا اظہار انہوں نے المرکز اسلامی شہدادپور میں منعقدہ ضلع سانگھڑ کے ایک روزہ اجتماع ارکان سے خطاب کرتے ہوئے کیا۔ اس موقع صوبائی نائب امیر محمد افضال آرائیں ،صوبائی ڈپٹی سیکرٹری مولانا عبد القدوس احمدانی ، ضلعی امیر محمد رفیق منصوری ، ضلعی جنرل سیکرٹری ارشد خاصخیلی اور دیگر مقررین نے بھی خطاب کیا ۔ محمد یوسف اور دیگر مقررین کا مزید کہنا تھاکہ وفاقی حکومت اور صوبائی حکومتوں کے بجٹ میں سرکاری ملازمین کی تنخواہوں اور ریٹائرڈ ملازمین کی پنشن میں معمولی اضافہ جبکہ اسپیکر اور ممبران اسمبلی کی تنخواہوں میں چھ سو فیصد اضافہ کرنا دوہرا معیار ہے ایک ملک میں غریبوں اور امیروں کیلئے دو الگ الگ قانون ہیں حالیہ بجٹ میں غریبوں کو دیوارسے لگانے کی پوری کوشش کی گئی ہے۔ضلع سانگھڑ سمیت سندھ بھر میں امن و امان کی بگڑتی ہوئی صورتحال ، قتل ، اغوا ، لوٹ مار ، اسٹریٹ کرائمز ڈکیتی کی مسلسل بڑھتی ہوئی وارداتیں عام ہیں کوئی عزت دار شہری محفوظ نہیں ہے پولیس چوروں اور ڈاکوؤں کو گرفتار کرنے میں ناکام ہوچکی ہے انہوں نے کہا کہ ضلع سانگھڑ میں پولیس کی غفلت و لاپرواہی سے نوجوانوں نسل میں تیزی سے پھیلتے ہوئے منشیات ، شراب ، گٹکے اور آئس کے رحجان نے پوری نوجوان نسل کا مستقبل داؤ پر لگا دیا ہے۔ انہوں نے کہا کہ جماعت اسلامی کا کل پاکستان اجتماع عام اسلامی انقلاب کی نوید ثابت ہوگا اور ملک بھر کے محروم طبقات کی آواز بنے گا اور دنیا بھر کے مظلوم مسلمانوں کے حق کیلئے ایک توانا آواز ثابت ہوگا انہوں نے کہاکہ تمام ارکان و کارکنان اپنے تنظیمی کاموں میں دلچسپی لیں اور نوجوانوں کو جماعت اسلامی میں شامل کرکے تحریک کا ہراول دستہ بنائیں انہوں نے کہا کہ تحصیل ،مقام ، ٹاؤن ، محلوں اور دیہی علاقوں میں کمیٹیاں تشکیل دی جائیں گی۔ اس موقع پر ضلعی ذمہ داران ظہیر الدین جتوئی ، راجہ وسیم ، علیم اکرام اسٹیج پر موجود تھے۔
.ذریعہ: Jasarat News
کلیدی لفظ: انہوں نے کہا
پڑھیں:
اوستہ محمد، مجلس علماء مکتب اہلبیت کا اجلاس، ضلعی ذمہ داران منتخب
اجلاس میں کثرت رائے سے مولانا سید عرفان علی شاہ کو ضلعی صدر منتخب کیا گیا، جبکہ مولانا ثناء اللہ جمالی نائب صدر اور مولانا سید سہیل شاہ جنرل سیکرٹری نامزد ہوئے۔ اسلام ٹائمز۔ مجلس علماء مکتب اہلبیت ضلع اوستہ محمد کا اہم اجلاس صوبائی صدر مولانا ذوالفقار علی سعیدی کی زیر صدارت منعقد ہوا۔ جس میں کثرت رائے سے مولانا سید عرفان علی شاہ کو ضلعی صدر منتخب کیا گیا، جبکہ مولانا ثناء اللہ جمالی نائب صدر اور مولانا سید سہیل شاہ جنرل سیکرٹری نامزد ہوئے۔ اجلاس میں صوبائی جنرل سیکریٹری مولانا محمد علی جمالی، مولانا عبدالحق جمالی اور دیگر علماء و مبلغین نے شرکت کی۔ اس موقع پر شرکاء سے خطاب کرتے ہوئے مولانا ذوالفقار علی سعیدی نے کہا کہ علم معاشرے کی تعمیر اور رہنمائی کا بنیادی ستون ہے اور علماء نوجوان نسل کو فکری انحراف سے بچانے میں اہم کردار ادا کرتے ہیں۔
انہوں نے مزید کہا کہ مکتب اہلبیت علم، تقویٰ اور کردار کی بنیاد پر ترقی اور اصلاح کا راستہ دکھاتا ہے۔ سینیئر رہنماء مولانا عبدالحق جمالی نے اپنے خطاب میں جناب سیدہ فاطمہ زہرا سلام اللہ علیہا کے فضائل بیان کیے اور کہا کہ آپ (س) کی زندگی ایثار، طہارت اور تقویٰ کا کامل نمونہ ہے۔ انہوں نے کہا کہ سیدہ فاطمہ زہرا (س) کی سیرت خواتین ہی نہیں، بلکہ پوری انسانیت کے لیے رہنمائی کا روشن چراغ ہے۔ اجلاس کے آخر میں صوبائی صدر نے نومنتخب کابینہ سے حلف لیا۔
90 کروڑ کا محض ایک سین جو فلم کا حصہ بھی نہ بن سکا، یہ فلم کونسی تھی؟