کراچی کیلیے بجلی سستی کرنے کی درخواست پر پاور ڈویژن کا سماعت مؤخر کرنے کا مطالبہ
اشاعت کی تاریخ: 30th, June 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد:کراچی کے شہریوں کے لیے بجلی کے نرخ کم کرنے کی ایک ممکنہ خوشخبری اس وقت مزید تاخیر کا شکار ہوگئی جب پاور ڈویژن نے ایک بار پھر نیپرا سے کے الیکٹرک کی سستی بجلی کی درخواست پر سماعت مؤخر کرنے کی اپیل کر دی۔
ملک میں مہنگائی کی لہر کے تناظر میں عوام کو ریلیف دینے کے بجائے معاملہ ایک بار پھر بیوروکریسی کی فائلوں میں الجھتا نظر آ رہا ہے۔
معاملہ اُس وقت سامنے آیا جب کے الیکٹرک نے نیپرا سے ماہانہ فیول ایڈجسٹمنٹ چارجز (FCA) کی بنیاد پر بجلی 4 روپے 69 پیسے فی یونٹ سستی کرنے کی درخواست کی۔ یہ درخواست معمول کی پریکٹس کے تحت فیول قیمتوں میں کمی کے بعد صارفین کو فائدہ پہنچانے کے لیے دی گئی تھی۔ نیپرا میں اس درخواست پر سماعت طے شدہ تھی، تاہم پاور ڈویژن نے ایک بار پھر مداخلت کرتے ہوئے مؤخر کرنے کی اپیل کر دی۔
پاور ڈویژن کے مؤقف کے مطابق حکومت اس وقت فیول چارجز ایڈجسٹمنٹ کو ’یونیفارم ٹیرف‘ کے نظام میں شامل کرنے کا منصوبہ رکھتی ہے اور اس ضمن میں معاملہ کابینہ کے اجلاس میں لے جایا جا رہا ہے۔ ان کا مزید کہنا تھا کہ موجودہ حالات میں وفاق کے مالی وسائل محدود ہیں اور سبسڈی دینے کی گنجائش ختم ہوتی جا رہی ہے۔ چنانچہ اگر کے الیکٹرک کی درخواست منظور کر لی گئی تو اس کا منفی اثر وفاق پر پڑے گا۔
اس پر نیپرا کی قانونی ٹیم نے کھل کر پاور ڈویژن کے مؤقف کی مخالفت کی۔ ٹیم کے مطابق ایف سی اے (Fuel Charges Adjustment) کے قواعد و ضوابط قانون کے مطابق واضح اور خودمختار ہیں اور وفاقی حکومت محض اپنی پالیسی کی بنیاد پر نیپرا کے قانونی دائرہ اختیار میں مداخلت نہیں کر سکتی۔ نیپرا کے وکلا نے واضح کیا کہ بنیادی ٹیرف اور ایف سی اے کے الگ الگ قانونی دائرہ کار ہیں جنہیں خلط ملط نہیں کیا جا سکتا۔
کے الیکٹرک کے سی ای او مونس علوی نے نیپرا سے اپیل کی کہ معاملے کو محض حکومتی دباؤ کے بجائے قانون اور ضابطے کی روشنی میں دیکھا جائے۔ ان کا کہنا تھا کہ اگر یہی درخواست 4 روپے 69 پیسے مہنگی کرنے کی ہوتی تو کیا پاور ڈویژن تاخیر کی اپیل کرتا؟ انہوں نے زور دے کر کہا کہ ہماری درخواست بالکل واضح اور قانونی دائرہ میں ہے، اور صارفین کو ریلیف ملنا چاہیے۔
مونس علوی کا کہنا تھا کہ نیپرا کا فرض ہے کہ وہ صارفین کے مفاد میں فیصلے کرے، چاہے وہ قیمتوں میں کمی ہو یا اضافہ اور کسی سیاسی یا حکومتی دباؤ کو خاطر میں نہ لایا جائے۔ انہوں نے مزید کہا کہ کے الیکٹرک شفافیت پر یقین رکھتا ہے اور عوام کو ہر ممکن ریلیف دینے کا خواہاں ہے، بشرطیکہ قانونی طور پر اجازت ہو۔
نیپرا حکام نے اس موقع پر تمام فریقین کی رائے سننے کے بعد بتایا کہ حتمی فیصلہ مشاورت کے بعد قانون کے دائرہ میں رہ کر کیا جائے گا۔ انہوں نے دوٹوک انداز میں واضح کیا کہ وزارت یا کسی اور اسٹیک ہولڈر کی رائے محض ایک پہلو ہے، فیصلہ صرف قانون کے مطابق کیا جائے گا۔
.
ذریعہ
ذریعہ: Jasarat News
کلیدی لفظ: کے الیکٹرک پاور ڈویژن کی درخواست کے مطابق کرنے کی
پڑھیں:
کوئٹہ: سرکاری دستاویزات میں شہریوں کو غیرقانونی سہولت دینے والے 14 ایجنٹ گرفتار
فیڈرل انویسٹی گیشن ایجنسی (ایف آئی اے) بلوچستان نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا۔
ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔
انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لیے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے کا کہنا تھا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔
بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لیے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
بھارت سے جنگ اور افغانستان میں کارروائی خارج ازامکان نہیں، وزیردفاع