حکومت کا ملک بھر کے پیٹرول پمپس کو ڈیجیٹل کرنے کا پلان
اشاعت کی تاریخ: 2nd, July 2025 GMT
(اشرف خان)حکومت نے ملک بھر کے تمام پیٹرول پمپس کو ڈیجیٹل کرنے کا پلان بنالیا۔
یہ اہم پلان سمگلنگ کے خاتمے کے لئے بنایا گیا ہے،کراچی میں ایک پیٹرول پمپ تیار ہوگیا جومکمل طور پر ڈیجیٹل سسٹم پر چلایا جارہا ہے۔
اس حوالے سے آل پاکستان پیٹرولیم ڈیلرز ایسوسی ایشن کے سینئر وائس چیئرمین ملک خدا بخش کاکہناہے کہ میرے پیٹرول پمپ کو شیل کمپنی نے ڈیجیٹل سسٹم لگا کر دیا ہے،اس سسٹم سے یہ معلوم ہوگا کس پیٹرول پمپ پر ٹینکر سے کتنا فیول آیا،اس پیٹرول پمپ پر کس مشین سے کتنا فیول ڈالا گیا؟یہ سب ریکارڈ ہوتا ہے۔
جوڈیشل کمیشن کا اجلاس: پشاورہائیکورٹ کےچیف جسٹس کیلئے جسٹس عتیق شاہ کا نام منظور
ملک خدابخش نے بتایاکہ کتنی مالیت کی کس گاڑی یا موٹر سائیکل میں کتنا پیٹرول ڈالا گیا؟ یہ بھی آن لائن ریکارڈ ہوگا،ملک بھر کے ہزاروں پیٹرول پمپس کو ڈیجیٹل کرنا آسان کام نہیں ہوگا،اصل میں حکومت فیول کی سمگلنگ اور ٹیکس کی پوری وصولی چاہتی ہے،ڈیجیٹل سسٹم کرنے کےلئے آئل ٹینکرز اور او ایم سی کو بھی ڈیجیٹل سسٹم پر کرنا ہوگا،آئل مارکیٹنگ کمپنی نے کتنا فیول بھیجا؟اس کا بھی وہاں سے ریکارڈ رکھا جائے،پیٹرول پمپ پر ٹینکرز سے جتنا فیول آیا اسی حساب سے فروخت آنی چاہیے۔
سکولوں کے فنڈز میں گھپلوں کا انکشاف
ملک خدا بخش نے کہاکہ حکومت جو بھی فیصلے کرے وہ مشاورت سے کرے، ملک بھر میں12 ہزار سے زائد پیٹرول پمپس ہیں لیکن جہاں سے فیول سمگلنگ ہورہی ہے اس کو کون ٹریک کرے گا؟شہروں میں تو پیٹرول پمپس ڈیجیٹل ہو جائیں گے مگر جہاں انٹر نیٹ سروس ہی موجود نہیں وہاں یہ ڈیجیٹل سسٹم کیسے لگے گا۔
.ذریعہ: City 42
کلیدی لفظ: پیٹرول پمپس ڈیجیٹل سسٹم پیٹرول پمپ ملک بھر
پڑھیں:
کیا بلوچستان میں ایرانی پیٹرول کم قمیت پر دستیاب ہے؟
حکومت نے ایک بار پھر عوام پر پیٹرول بم گرا دیا ہے۔ وفاقی حکومت کی جانب سے پیٹرول کی قیمت میں 8 روپے 36 پیسے فی لیٹر جبکہ ہائی اسپیڈ ڈیزل کی قیمت میں 10 روپے 39 پیسے روپے فی لیٹر اضافہ کیا گیا ہے، جس کے بعد پیٹرول کی نئی قیمت 266 روپے 79 پیسے جبکہ ڈیزل کی قیمت 272 روپے 98 پیسے فی لیٹر ہوگئی ہے۔
پیٹرولیم مصنوعات کی قیمتوں میں اضافے کو ملک بھر میں عوام نے مسترد کردیا ہے۔ ادھر بلوچستان کے باسیوں نے بھی پیٹرولیم مصنوعات کی قیمتوں میں یک دم بڑے اضافے کو عوام دشمن فیصلہ قرار دیا ہے۔
یہ بھی پڑھیں: پیٹرول مہنگا، حکومت ٹیکس نہ لے تو فی لیٹر قیمت کتنے روپے رہ جائے گی؟
یہاں سوال یہ پیدا ہوتا ہے کہ کیا پاکستانی پیٹرول کی قیمتوں میں اضافے سے ایرانی پیٹرول کی قمیت میں بھی اضافہ ہوا ہے؟
’وی نیوز‘ سے گفتگو کرتے ہوئے ایرانی پیٹرول اور ڈیزل کے کاروبار سے منسلک محمد احمد نے بتایا کہ حکومت کی جانب سے ایران اسرائیل تنازع کی وجہ سے سرحد بند کردی گئی ہے جس کی وجہ سے صوبے بھر میں ایرانی تیل نایاب ہوگیا ہے۔ اس وقت سرحدی علاقوں میں بھی غیر قانونی طور پر اسمگل ہونے والا ایرانی تیل باآسانی دستیاب نہیں اور جن مقامات پر دستیاب ہے وہاں اس کی قیمتیں آسمان سے باتیں کر رہی ہیں۔
محمد احمد نے کہاکہ تربت، پنجگور، تفتان اور گوادر سمیت دیگر ایرانی سرحد سے متصل علاقوں میں ایرانی پیٹرول 260 سے 270 روپے فی لیٹر میں فروخت ہورہا ہے جبکہ پشتون آبادی والے علاقوں میں ایرانی پیٹرول 280 سے 300 روپے فی لیٹر میں میسر ہے۔ البتہ ایرانی پیٹرول باآسانی دستیاب بھی نہیں۔ کچھ علاقوں میں چند افراد خُفیہ طور پر ایرانی پیٹرول کی خرید و فروخت کررہے ہیں۔
وی نیوز سے بات کرتے ہوئے کوئٹہ میں ایرانی پیٹرول کے کاروبار سے منسلک شخص نے نام نہ ظاہر کرنے کی شرط پر بتایا کہ ایران اسرائیل تنازع سے قبل ہی کوئٹہ میں ایرانی پیٹرول دستیاب نہیں تھا کیونکہ حکومت کی جانب سے ایرانی پیٹرول کی خرید و فروخت پر مکمل پابندی عائد کردی گئی تھی۔
یہ بھی پڑھیں: پیٹرولیم مصنوعات کی قیمتوں میں اضافہ، ’کیا حکومت کو دوبارہ ووٹ کی ضرورت نہیں؟‘
انہوں نے کہاکہ اس ضمن میں حکومت نے نہ صرف ایرانی پیٹرول پمپ بند کروائے بلکہ ایرانی پیٹرول اور ڈیزل ذخیرہ کرنے والوں کے خلاف بھی کارروائی کی، البتہ اب کوئٹہ میں چند مقامات پر ایرانی پیٹرول دستیاب ہے جو 260 روپے فی لیٹر میں فروخت ہورہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ایرانی پیٹرول ایرانی پیٹرول نایاب بلوچستان پیٹرول مہنگا وفاقی حکومت وی نیوز
کیا فیشن ڈیزائنر دیپک پروانی پاکستان کے امیر ترین ہندو ہیں؟