پنجاب حکومت کا بڑا اقدام : چولستان کے تاریخی قلعوں کی بحالی کے لیے خطیر رقم مختص
اشاعت کی تاریخ: 3rd, July 2025 GMT
پنجاب حکومت نے چولستان کے تاریخی قلعوں کی بحالی کے لیے خطیر رقم مختص کی ہے۔
پنجاب حکومت نے چولستان کے صحرا میں موجود 7 تاریخی قلعوں کی بحالی کے لیے 2 ارب 90 کروڑ روپے کے بڑے منصوبے کا آغاز کردیا ہے۔ ابتدائی مرحلے میں ایک ارب 89 کروڑ روپے جاری کیے جارہے ہیں، جس کے تحت دراوڑ قلعے پر مرمتی کام کا آغاز کیا جائے گا۔
یہ بھی پڑھیں: حکومت پنجاب کا چولستان، لاہور، راولپنڈی کے لیے اہم منصوبے شروع کرنے کا فیصلہ
اس منصوبے کا اعلان جنوبی پنجاب کے ایڈیشنل چیف سیکریٹری فواد ہاشم ربانی نے کیا، جن قلعوں کی مرمت کی جائے گی، ان میں قلعہ دراوڑ، قلعہ جام گڑھ، قلعہ میر گڑھ، قلعہ موج گڑھ، قلعہ دین گڑھ، قلعہ پھلرا اور قلعہ مروٹ شامل ہیں۔
فواد ہاشم ربانی کے مطابق ان تاریخی قلعوں کو صدیوں سے جاری نظراندازی اور صحرا کے سخت موسموں کے باعث شدید نقصان پہنچا ہے، جس کی بحالی اب حکومت کی ترجیح ہے۔ ان قلعوں کو محفوظ بنا کر نہ صرف تاریخی ورثہ بچایا جائے گا بلکہ سیاحت کو بھی فروغ دیا جائے گا۔
یہ بھی پڑھیں: مظفرآباد کا رتا قلعہ، ساڑھے 400 سال پرانا تاریخی ورثہ
حکام نے یہ بھی انکشاف کیا ہے کہ مستقبل میں مزید 20 قلعوں کو اس بحالی پروگرام کے آئندہ مراحل میں شامل کیا جائے گا، تاکہ پورے خطے کے ثقافتی ورثے کو محفوظ بنایا جاسکے۔
اس کے ساتھ ہی حکومت پنجاب نے جنوبی پنجاب میں سیاحت کے فروغ کے لیے سات نئے منصوبوں کے لیے 4 ارب روپے کا بجٹ بھی مختص کیا ہے۔
یہ بھی پڑھیں: حوادث زمانہ کا عینی شاہد صدیوں پرانا شیرگڑھ قلعہ
ان منصوبوں میں بہاولپور کے لال سہانرا نیشنل پارک کے قدرتی ماحول کو محفوظ بنانے کے لیے 2 ارب روپے، فورٹ منرو میں تفریحی پارک کی تعمیر کے لیے 40 کروڑ روپے، اور ڈیرہ غازی خان میں دریائے سندھ کے کنارے پارک کی ترقی کے لیے 80 کروڑ روپے شامل ہیں۔
حکام کو امید ہے کہ ان منصوبوں سے جنوبی پنجاب میں سیاحت کو فروغ ملے گا، مقامی افراد کے لیے روزگار کے مواقع پیدا ہوں گے اور خطے کی معیشت کو نئی زندگی ملے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بحالی پاکستان پنجاب حکومت تاریخی قلعے چولستان.ذریعہ: WE News
کلیدی لفظ: بحالی پاکستان پنجاب حکومت تاریخی قلعے چولستان تاریخی قلعوں پنجاب حکومت کروڑ روپے قلعوں کی کی بحالی جائے گا کے لیے یہ بھی
پڑھیں:
جہلم میں کشمیری پناہ گزینوں کیلیے مختص پلاٹوں کی الاٹمنٹ میں کرپشن
جہلم میں کشمیری پناہ گزینوں کے لیے مختص پلاٹوں کی غیر قانونی الاٹمنٹ، ریکارڈ میں مبینہ ردوبدل و رجسٹریوں میں ملوث وزارت کشمیر و گلگت بلتستان کے 3 افسران کو ایف آئی اے نے گرفتار کر لیا ہے۔ اسلاما ٹائمز۔ ایف آئی اے اینٹی کرپشن سرکل اسلام آباد نے جہلم میں کشمیری پناہ گزینوں کے لیے مختص پلاٹوں کی غیر قانونی الاٹمنٹ، ریکارڈ میں مبینہ ردوبدل و رجسٹریوں میں ملوث وزارت کشمیر و گلگت بلتستان کے 3 افسران کو گرفتار کر لیا جبکہ محکمہ مال پنجاب کے ملوث افسران کی گرفتاریوں کے لیے چھاپے مارے جا رہے ہیں۔ حکام کے مطابق ایف آئی اے اینٹی کرپشن کی انکوائری نمبر 111/23 کے نتیجے میں یہ بات سامنے آئی ہے کہ کشمیری پناہ گزینوں کو راٹھیاں کالونی، جہلم میں وزارت برائے کشمیر و گلگت بلتستان امور کی طرف سے الاٹمنٹ کی گئی تھی۔ مذکورہ الاٹمنٹ ابتدائی الاٹمنٹ ڈیڈ کے مطابق صرف کشمیری مہاجرین کے لیے تھیں۔ انکوائری کے دوران انکشاف ہوا کہ ابتدائی الاٹمنٹ ڈیڈ کی شقوں کے برعکس، پنجاب ریونیو ڈیپارٹمنٹ کے عملے کی مبینہ ملی بھگت سے ردوبدل کر کے راٹھیاں کالونی میں غیر مجاز افراد کو پلاٹوں سے متعلق رجسٹریاں، ٹرانسفر ڈیڈز غیر قانونی طور پر کی گئیں۔
وزارت امور کشمیر و گلگت بلتستان کی تصدیق کے مطابق یہ بھی سامنے آیا ہے کہ مذکورہ پلاٹوں کی منتقلی، رجسٹریشن کے لیے مجاز فورم وفاقی حکومت سے منظوری نہیں لی گئی تھی۔ اس کے علاوہ غیر جموں و کشمیر پناہ گزینوں کے حق میں سب رجسٹرار، دینہ، ضلع جہلم کے دفتر کے ذریعے غیر قانونی رجسٹریاں کی گئیں اور تمام کارروائی ٹرانسفر ڈیڈز کی غیر قانونی رجسٹریشن کے ذریعے کی گئی۔ انکوائری مکمل ہونے پر وزارت امور کشمیر و گلگت بلتستان افسران، ناصر حیات اسسٹنٹ ایڈمنسٹریٹو آفیسر2 اور مقصود احمد اسسٹنٹ ایڈمنسٹریٹو آفیسر 3 سمیت جہلم پنجاب کے اس وقت کے آفیسر ریونیو آفیسر و تحصیل دار ندیم برتھ، اس وقت کے تحصیل دار شیخ جمیل وغیرہ کے خلاف مقدمہ درج کر لیا تھا کہ گزشتہ روز ایف آئی اے اینٹی کرپشن سرکل کے ڈیپٹی ڈائریکٹر افضل خان نیازی کی سربراہی میں ٹیم نے وزارت امور کشمیر و گلگت بلتستان کے تین افسران ایڈمنسڑیٹیو آفیسر 2 ناصر حیات، ایڈمنسڑیٹو آفیسر 3 مقصود احمد اور اسسٹنٹ اکاؤنٹ آفیسر عبداللّٰہ خان کو گرفتار کر لیا جن سے تفتیش شروع کر دی گئی ہے۔ حکام کا کہنا تھا کہ دیگر ملزمان کی گرفتاریوں کے لیے چھاپے مارے جا رہے ہیں۔
بھارتی کرپٹو پالیسی ناکام، پاکستانی حکمت عملی عالمی سطح پر کامیاب قرار