اسپیکر پنجاب اسمبلی کا بڑا اقدام، اپوزیشن کے 26 ارکان کیخلاف نااہلی ریفرنس دائر
اشاعت کی تاریخ: 3rd, July 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: اسپیکر پنجاب اسمبلی ملک احمد خان نے پنجاب اسمبلی میں اپوزیشن جماعت سنی اتحاد کونسل کے 26 ارکان کے خلاف نااہلی ریفرنس دائر کر دیا ہے۔
اس سلسلے میں انہوں نے اسلام آباد میں الیکشن کمیشن حکام سے ملاقات بھی کی، جس کے بعد میڈیا سے گفتگو میں انہوں نے معاملے کی تفصیلات سے آگاہ کیا۔
ملک احمد خان نے کہا کہ یہ ریفرنس پہلے ہی دائر ہو چکا ہے، اور آج کی ملاقات میں چند اہم قانونی نکات پر الیکشن کمیشن کی رائے لینا مقصود تھا۔ ان کا کہنا تھا کہ جو افراد اسمبلی میں توڑ پھوڑ، ہلڑ بازی اور بدتمیزی کریں گے، وہ کسی رعایت کے مستحق نہیں۔
انہوں نے پی ٹی آئی پر تنقید کرتے ہوئے کہا کہ یہ لوگ “فارم 47 کا تماشا” لگا رہے ہیں اور آئینی حدود کو مسلسل پامال کر رہے ہیں۔ اسپیکر کا مؤقف تھا کہ جو ارکان آئین کی پاسداری نہ کریں، انہیں ایوان کا حصہ رہنے کا کوئی حق نہیں۔
واضح رہے کہ 27 جون کو پنجاب اسمبلی کے اجلاس کے دوران اپوزیشن ارکان نے شدید ہنگامہ آرائی کی، نعرے بازی اور توڑ پھوڑ کے واقعات پیش آئے، جس پر اسپیکر نے اگلے روز، یعنی 28 جون کو 26 ارکان کی رکنیت معطل کرتے ہوئے ان کی نااہلی کے لیے ریفرنس دائر کرنے کا اعلان کیا تھا۔
یہ پیش رفت پنجاب کی پارلیمانی سیاست میں ایک نیا موڑ ثابت ہو سکتی ہے، جہاں سیاسی رویے، آئینی ضابطے اور ایوان کی کارروائیوں میں نظم و ضبط کا سوال ایک بار پھر مرکزی حیثیت اختیار کر گیا ہے۔
.
ذریعہ
ذریعہ: Jasarat News
کلیدی لفظ: پنجاب اسمبلی
پڑھیں:
کوئٹہ، سرکاری دفاتر میں ایجنٹس کیخلاف ایف آئی اے کی کارروائی، 14 افراد گرفتار
ڈائریکٹر ایف آئی اے بلوچستان کے مطابق ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کیلئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔ اسلام ٹائمز۔ وفاقی تحقیقات ادارے ایف آئی ای نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا ہے۔ ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔ انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے نے کہا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔ بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لئے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
پاکستان نے ورلڈ کپ 2028 کیلیے براہ راست کوالیفائی کر لیا