حسینیہ امام خمینی تہران میں مجلس عزا کا انعقاد
اشاعت کی تاریخ: 3rd, July 2025 GMT
مجلس عزا میں اسلامی جمہوریہ ایران کے صدر ڈاکٹر محمد مسعود پزیشکیان سمیت حکام اور عزاداروں نے شرکت کی۔ قاری محمد حسن موحیدی نے قرآن مجید کی آیات کی تلاوت کا شرف حاصل کیا۔ اسلام ٹائمز۔ محرم الحرام کی مناسبت سے حسینیہ امام خمینی تہران میں مجلس عزا منعقد ہوئی۔ مجلس عزا میں اسلامی جمہوریہ ایران کے صدر ڈاکٹر محمد مسعود پزیشکیان سمیت حکام اور عزاداروں نے شرکت کی۔ قاری محمد حسن موحیدی نے قرآن مجید کی آیات کی تلاوت کا شرف حاصل کیا۔ حجتالاسلام مهدی اصلانی نے کربلا میں معرکہ حق و باطل پر روشنی ڈالی۔ انہوں نے کہا کہ امام حسین علیہ السلام کا یزید کیخلاف قیام عاشورا مایوسی کیخلاف امید اور ارداوں کی جنگ تھی۔ انکا کہنا تھا کہ لوگوں کے درمیان ناامیدی اور مایوسی پھیلانا باطل طاقتوں یعنی حزب الشیطان کا حربہ ہے، اس کا مقابلہ کرنیوالے قلیل گروہوں کو ہمیشہ کامیابی نصیب ہوئی ہے۔ مجلس عزا میں میثم مطیعی نے مریثہ خوانی کی اور ماتم داری کیساتھ مجلس عزا کا اختتام ہوا۔
.
ذریعہ
ذریعہ: Islam Times
پڑھیں:
کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ اسلام ٹائمز۔ پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔ پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔ فیصلے کے مطابق نیب خیبر پختونخوا اپر کوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔ فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔ احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی