علی ترین کی پی ایس ایل پر کڑی تنقید، ’اب جشن نہیں، جوابدہی کی ضرورت ہے‘
اشاعت کی تاریخ: 4th, July 2025 GMT
پاکستان سپر لیگ یعنی پی ایس ایل کے حالیہ سیزن کے بعد علی ترین نے لیگ کے انتظامی و تجارتی پہلوؤں پر سخت تنقید کرتے ہوئے کہا ہے کہ موجودہ حالات میں کامیابی کے شادیانے بجانے کی کوئی گنجائش نہیں۔
سوشل میڈیا پلیٹ فارم ایکس پر پی ایس ایل کے آفیشل اکاؤنٹ کی جانب سے ایک پوسٹ میں ایچ بی ایل پی ایس ایل کی مسلسل کامیابیوں کا ذکر کرتے ہوئے کہا گیا تھا کہ اسٹیک ہولڈرز نے اس پیش رفت کو سراہتے ہوئے اپنے اطمینان کا اظہار کیا ہے۔
یہ بھی پڑھیں: پی ایس ایل میں کچھ نیا کیوں نہیں ہورہا؟ علی ترین نے پی سی بی پر سوالات اٹھا دیے
پی ایس ایل کی اسی پوسٹ کے جواب میں ملتان سلطانز ٹیم کے مالک علی ترین نے تعریف یا سراہے جانے کے اس عمل کو ہدفِ تنقید بناتے ہوئے طنزیہ انداز میں استفسار کرتے ہوئے لکھا کہ تعریف، سنجیدہ ہیں آپ۔
Applause? You must be kidding.
???? TV viewership is down
???? Stadium attendance is down
???? Social media growth has slowed
???????? Team logistics were shambolic
???? The draft was comical
And they want a standing ovation? ????
Skip the victory lap and address the slide. Fans notice.… https://t.co/S8aEYRLJuc
— Ali Khan Tareen (@aliktareen) July 3, 2025
’ایک جانب ٹی وی ناظرین کی تعداد میں نمایاں کمی دیکھنے میں آئی ہے، تو دوسری طرف اسٹیڈیمز کی خالی نشستیں شائقین کی دلچسپی میں مسلسل کمی کا ثبوت ہیں۔‘
علی ترین کا کہنا تھا کہ سوشل میڈیا پر پی ایس ایل کی مقبولیت کا گراف بھی نیچے جا رہا ہے، جس سے لیگ کی مارکیٹنگ اور مداحوں سے رابطے کی حکمت عملی پر سوالات کھڑے ہو گئے ہیں۔
مزید پڑھیں: پی ایس ایل میں بڑا نقصان، کیا علی ترین ملتان سلطانز کی ملکیت چھوڑ رہے ہیں؟
علی ترین نے لیگ کے ڈرافٹ سسٹم کو بھی ہدفِ تنقید بناتے ہوئے اسے ’مضحکہ خیز‘ قرار دیا اور ٹیموں کے داخلی نظم و نسق کو ’انتہائی بدنظمی کا شکار‘ کہا۔
علی ترین کا کہنا تھا کہ ایسے حالات میں پی ایس ایل کے منتظمین کو خود کو داد دینے کے بجائے شفاف تجزیے اور اصلاحی اقدامات کی طرف توجہ دینی چاہیے۔’اب فتح کے جشن کی نہیں، جوابدہی کی ضرورت ہے، شائقین سب دیکھ رہے ہیں، اور خاموش نہیں رہیں گے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایکس پاکستان سپر لیگ پلیٹ فارم، پی ایس ایل ڈرافٹ سسٹم سوشل میڈیا علی ترین ملتان سلطانزذریعہ: WE News
کلیدی لفظ: ایکس پاکستان سپر لیگ پلیٹ فارم پی ایس ایل ڈرافٹ سسٹم سوشل میڈیا علی ترین ملتان سلطانز علی ترین نے پی ایس ایل
پڑھیں:
پیپلزپارٹی کی معافی کا مطالبہ مسترد،تنقید کروگے تو زوردار جواب ملے گا، مریم نواز
آفت آئی تو پنجاب کے زخموں پر نمک چھڑکا گیا ،پریس کانفرنس میں مذاق اڑایا گیا امداد کیوں نہیں مانگتے،پنجاب کے عوام کو اکیلا نہیں چھوڑ سکتی،مخالفین پرلفظی وار ،شدید تنقید
معافی وہ ترجمان مانگیں جنہوں نے آفت کے وقت پنجاب پر تنقید کی،ہمارا پانی پنجاب کے کسان کا حق تھا جسے سیاست کی نذر کردیاگیا، وزیراعلیٰ کاافتتاحی تقریب سے خطاب
وزیراعلیٰ پنجاب مریم نواز نے کہا ہے کہ آفت آئی تو پنجاب کے زخموں پر نمک چھڑکا گیا، میں جب اپنا پانی کہتی ہوں تو اس کا مطلب پنجاب کا پانی ہوتا ہے۔یہ بات انہوں ںے لاہور میں الیکٹرک بسوں کے فیز ٹو منصوبے کی افتتاحی تقریب سے خطاب کرتے ہوئے کہی۔انہوں نے کہا کہ ان بسوں کا کرایہ بہت معمولی ہے یہ انٹرنیٹ کی سہولت سے آراستہ ہیں اس کا کرایہ محض بیس روپے رکھا گیا ہے، لاہور میں مزید الیکٹرک بسیں بھی فراہم کی جائیں گی، پنجاب کی ترقی میرا مشن ہے، لاہور میں الیکٹرک بسیں عوام کے لیے تحفہ ہیں، الیکٹرک بسوں میں خصوصی افراد اور بزرگوں کے لیے سفر مفت ہوگا۔وزیراعلیٰ پنجاب نے کہا کہ مجھے کہا گیا کہ میں جب اپنا پانی کہتی ہوں تو یہ جاتی امرا کا پانی نہیں ہوتا پنجاب کا پانی ہوتا ہے۔مجھے معلوم ہوا کہ کے پی میں کلاؤڈ برسٹ سے پانچ سو بندے جاں بحق ہوئے میں نے تھائی لینڈ سے علی امین گنڈاپور کو کال کی اور پوچھا کہ پنجاب آپ کی کیا مدد کرسکتا ہے؟ آج آفت ہم پر آئی پنجاب کے زخموں پر نمک چھڑکا گیا، جب ہماری امدادی کارروائیاں پنجاب میں جاری تھیں تو پریس کانفرنس میں ہمارا مذاق اڑایا گیا۔مریم نواز نے کہا کہ مجھے کہا جارہا تھا کہ عالمی اداروں سے مدد کیوں نہیں مانگی؟ جب عوام کی خدمت کی نیت ہو تو کسی کے آگے ہاتھ پھیلانے کی ضرورت نہیں پڑتی، کے پی کے عوام بھی ہمارے عوام ہیں مگر گمراہ کرکے لوگوں کو پنجاب کے خلاف نکالا گیا یہ عصبیت ہے۔وزیراعلیٰ پنجاب نے کہا کہ ہمارا پانی پنجاب کے کسان کا حق تھا جسے سیاست کی نذر کردیا گیا، پنجاب کے عوام کو اکیلا نہیں چھوڑ سکتی ان کے خلاف بات کروگے تو زوردار جواب ملے گا، مریم نواز نے اپنے لوگوں کے حق کے لیے آواز بلند کی اس لیے مریم نواز کبھی معافی نہیں مانگے گی، معافی تو انہیں مانگی چاہیے جنہوں نے پنجاب میں امداد کی فراہمی کے دوران ہم پر تنقید کی۔
کپل شرما سے بھتہ مانگنے والا گینگسٹر گرفتار