مخصوص سیٹوں کی بحالی: پنجاب اور پختونخوا کی سینیٹ نشستوں پر الیکشن کا شیڈول جاری
اشاعت کی تاریخ: 4th, July 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: الیکشن کمیشن آف پاکستان نے خیبرپختونخوا اور پنجاب میں سینیٹ کی 13 نشستوں پر انتخابات کے لیے باضابطہ شیڈول جاری کر دیا۔
الیکشن کمیشن کے مطابق پنجاب اور خیبرپختونخوا کی 12 سینیٹ نشستوں پر پولنگ 21 جولائی کو منعقد ہوگی۔ ان میں خیبرپختونخوا سے 7 جنرل، 2 خواتین اور 2 ٹیکنوکریٹ نشستیں شامل ہیں۔ یہ وہی نشستیں ہیں جن پر انتخابات اپریل میں ہونے تھے، تاہم صوبائی اسمبلی میں مخصوص نشستوں پر منتخب ارکان سے حلف نہ لینے کے باعث الیکشن ملتوی کر دیے گئے تھے۔
اب چونکہ سپریم کورٹ نے اپنے فیصلے کے ذریعے مخصوص نشستوں پر ارکان کی بحالی کا حکم جاری کیا، تو الیکشن کمیشن نے 2 جولائی کو ان ارکان کا نوٹیفکیشن جاری کرکے عملدرآمد یقینی بنایا۔ اس فیصلے کی روشنی میں الیکشن کمیشن نے صوبائی اور قومی اسمبلیوں کے اسپیکرز کو حلف برداری کے لیے خطوط بھی روانہ کر دیے ہیں۔
اس پیش رفت کے ساتھ ساتھ خیبرپختونخوا سے ثانیہ نشتر کے استعفے سے خالی ہونے والی نشست پر بھی الیکشن کمیشن نے الگ شیڈول جاری کر دیا ہے۔ اس نشست کے لیے پبلک نوٹس 9 جولائی کو جاری ہوگا، کاغذات نامزدگی 10 اور 11 جولائی کو جمع ہوں گے، جانچ پڑتال 16 جولائی کو ہوگی اور پولنگ 31 جولائی کو خیبرپختونخوا اسمبلی میں ہوگی۔
اسی طرح پنجاب سے سینیٹر ساجد میر کی وفات سے خالی ہونے والی نشست پر بھی انتخاب کا اعلان کر دیا گیا ہے۔ اس حلقے میں ریٹرننگ آفیسر امیدواروں کی حتمی فہرست 15 جولائی کو جاری کرے گا جب کہ کاغذات نامزدگی 16 جولائی تک واپس لیے جا سکیں گے۔ پولنگ 21 جولائی کو پنجاب اسمبلی میں منعقد ہوگی۔
علاوہ ازیں قومی اسمبلی میں بھی سرگرمیوں کا نیا سلسلہ شروع ہو چکا ہے۔ خیبرپختونخوا سے مسلم لیگ ن کی خواتین کی 2 مخصوص نشستوں پر بھی انتخابات کا اعلان کیا گیا ہے۔ ریٹرننگ آفیسر 8 جولائی کو پبلک نوٹس جاری کرے گا، کاغذات نامزدگی 9 اور 10 جولائی کو داخل کیے جا سکیں گے، جانچ پڑتال 14 جولائی کو ہوگی جبکہ حتمی امیدواروں کی فہرست 24 جولائی کو جاری کی جائے گی۔
.
ذریعہ
ذریعہ: Jasarat News
کلیدی لفظ: الیکشن کمیشن اسمبلی میں نشستوں پر جولائی کو
پڑھیں:
خیبر پختونخوا میں بارشوں اور فلش فلڈز کے حادثات میں 22 افراد جاں بحق
صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اسلام ٹائمز۔ خیبر پختونخوا میں ہونے والی بارشوں اور فلش فلڈز کے حادثات میں 5 روز کے دوران 22 شہری جاں بحق جبکہ 23 زخمی ہوگئے۔ صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اعلامیے کے مطابق زخمیں میں 11 مرد، 5 خواتین 7 بچے شامل ہیں جبکہ تیز بارشوں اور فلش فلڈ کے باعث مجموعی طور پر 37 گھروں کو نقصان پہنچا جس میں 29 گھروں کو جزوی جبکہ 8 گھر مکمل منہدم ہوگئے۔ پی ڈی ایم اے کے مطابق حادثات پشاور، نوشہرہ، خیبر، مردان , بونیر، باجوڑ، شانگلہ، صوابی، چترال لوئر، دیر لوئر اور اپر، ایبٹ آباد، مانسہرہ،ہری پور، ٹانک، تور غر اور کرم اور شمالی و جنوبی وزیرستان میں پیش آئے۔
اعلامیے میں بتایا گیا ہے کہ پی ڈی ایم اے، ریسکیو 1122، ضلعی انتظامیہ اور متعلقہ اداراے آپس میں رابطے میں اور امدادی سرگرمیاں جاری رکھے ہوئے ہیں جبکہ متاثرہ اضلاع کی انتظامیہ کو ہدایت کی گئی ہے کہ وہ متاثرین میں جلد امدادی سامان تقسیم کردے۔ ڈی جی پی ڈی ایم اے نے ضلعی انتظامیہ کو امدادی سرگرمیاں تیز کرنے اور متاثرین کو فوری معاونت فراہم کرنے کی ہدایت کی اور بتایا کہ صوبہ کے تمام دریاؤں اور ندی نالوں میں پانی کی سطح اور بہاو معمول کے مطابق ہے۔ پی ڈی ایم اے کے مطابق تیز بارشوں کا یہ سلسلہ آج تک وقفے وقفے سے جاری رہنے کا امکان ہے۔ پی ڈی ایم اے نے عوام سے اپیل کی کہ وہ غیر ضروری سفر سے گریز کریں اور حساس سیاحتی مقامات کا رخ نہ کریں جبکہ حکومتی اداروں کی جانب سے الرٹس/ اور ایڈوائزری پر عمل کریں۔
ڈی جی پی ڈی ایم اے کے مطابق ایمرجنسی آپریشن سینٹر مکمل طور پر فعال ہے، عوام کسی بھی نا خوشگوار واقعے کی اطلاع ، موسمی صورتحال سے آگائی اور معلومات کے لیے فری ہیلپ لائن 1700 پر رابطہ کریں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی